Morgunblaðið - 06.02.2015, Blaðsíða 10

10 DAGLEGT LÍF
MORGUNBLAÐIÐ FÖSTUDAGUR 6. FEBRÚAR 2015
Suðurlandsbraut 48 (bláu húsin í Faxafeni) - Sími 553 3450 - Vefverslun: www.spilavinir.is - sendumumallt land!
afsláttur
Spil er frábær gjöf
Sendum
um allt land
spilavinir.is
Bezzerwizzer fÆst hjá okkur!
Við aðstoðum þig við að velja spilin
og pökkum þeim inn í gjafapappír fyrir þig.
Tilraunir Vísindasmiðjan er sívinsæl meðal krakka á öllum aldri og þar er
m.a. hægt að gera tilraunir og blanda saman efnum og sjá hvað gerist.
Kristín Heiða Kristinsdóttir
khk@mbl.is
Þetta er í tólfta sinn sem viðhöldum upp á Heimsdagbarna og það hefur alltafverið fullt út úr dyrum,
enda ævinlega mjög skemmtilegt,“
segir Hólmfríður Ólafsdóttir, verk-
efnastjóri í Gerðubergi, og bætir við
að nú verði hátíðinni í fyrsta sinn
dreift á fjögur menningarhús Borg-
arbókasafnsins, í Gerðubergi, í Sól-
heimum, í Kringlunni og í Spöng-
inni. Fólk þekkir þessa staði sem
bókasöfnin en eftir sameininguna
heita þeir menningarhús, enda fer
margt fleira þar fram en bókasafns-
starfsemi.
„Við þýðum dagskrá Heims-
dags barnanna á tíu tungumál, enda
er þetta ætlað öllum heimsins börn-
um. Við reynum að stíla inn á að fá
alla Íslendinga til okkar á hátíðina,
en upphaflega voru það börn af er-
lendum uppruna sem kynntu sína
menninga á þessari hátíð, en núna
er þetta orðið allskonar fyrir alla.
Flest börn á Íslandi hafa aðgang á
sínu tungumáli á hátíðina.“
Hólmfríður segir að smiðjurnar
séu fyrir krakka á öllum aldri, sum-
ar séu fyrir krakka niður í tveggja
ára og aðrar fyrir krakka upp í tólf
til fjórtán ára.
„Unglingar hafa oft haft mjög
gaman af því að taka þátt í leiks-
punanum og vísindasmiðjan er sí-
vinsæl fyrir alla, sérstaklega stóru
krakkana. En bókagerðin og perlu-
smiðjan eru meira fyrir yngri börn-
in. Allir geta tekið þátt í málara-
smiðjunni og gæludýrasmíðinni.
Hver og einn getur valið eftir eigin
hæfni og áhugasviði í hvaða smiðju
hann langar að fara.“
Halakörtur, uglur og drekar
Hólmfríður segir að stemningin
sé ævinlega frábær á þessum degi,
enda fjölmargar spennandi lista-
smiðjur í boði og allt saman ókeyp-
is.
„Við reynum að hafa listasmiðj-
urnar sem fjölbreytilegastar og þó
að sumir smiðjustjórar komi aftur
og aftur með sívinsælar smiðjur þá
bætum við líka alltaf einhverju nýju
við. Núna er ýmislegt í boði sem
ekki hefur verið áður, til dæmis
furðugæludýrasmiðja sem boðið
verður upp á í Kringlunni, þar sem
smiðjustjórinn Kristín Ragna
Gunnarsdóttir ætlar að vera krökk-
um innanhandar við að skapa sín
eigin furðugæludýr, halakörtur, ugl-
ur, dreka, einhyrninga eða eitthvað
annað. Það verður líka nýtt og
Að búa til sitt eigið furðu-
gæludýr og eigið hljóðfæri
Á morgun laugardag verður Heimsdagur barna haldinn hátíðlegur í fjórum menningarhúsum Borgarbóka-
safnsins. Þá geta krakkar á öllum aldri komið og tekið þátt í allskonar smiðjum og allt er ókeypis. M.a. verður
hægt að læra rúnaletur, taka þátt í leikspuna, læra að töfra fram skuggamyndir með höndunum, gera vís-
indalegar tilraunir með því að blanda saman efnum, gera búninga og taka þátt í að skapa ljósaskúlptúr.
Samvera Hólmfríður með nokkrum krökkum í smiðju í Gerðubergi. Vampíra Úr búningasmiðju.
Á Safnanótt í dag og kvöld verður
margt skemmtilegt í boði á vegum
Borgarbókasafnsins í miðbænum.
Kl. 17-22.30 verður önnur hæðin í
Grófarhúsi myrkvuð og fá gestir
vasaljós til að komast leiðar sinnar
og finna þá fjársjóði sem leynast í
hillum safnsins.
Vasaljósasögustundir verða kl. 17,
17.30 og 18, en þá verða sagðar myrk-
ar sögur í barnadeildinni á 2. hæð í
Grófarhúsi.
Ljóðaslamm verður kl. 20.30-
22.30: Ungt fólk etur kappi í orðlist.
Ljóðaslamm og fleira
Morgunblaðið/Eggert
Svalur Frá ljóðaslammi árið 2012.
Leitið fjársjóða
með börnunum
Ferðafélag barn-
anna í samstarfi
við Háskóla Ís-
lands fer í
skemmtilega ferð
í dag. Lagt verður
af stað kl. 16 á
einkabílum frá
skrifstofu FÍ,
Mörkinni 6 Rvk.
Ekið verður áleið-
is í Bláfjöll og þar
gerðar alls konar tilraunir með snjó;
snjóhús verða búin til, snjór bræddur
og snjóflóð skoðuð. Guðfinna Aðal-
geirsdóttir, dósent í jöklafræði við
Háskóla Íslands, leiðir ferðina og
fræðir um jökla, hvernig þeir hreyfa
sig og af hverju þeir eru að minnka.
Síðan verða sett upp höfuðljós og
farið í ljósagöngu í myrkrinu.
Ókeypis og allir velkomnir.
Snjór og ís
Gaman Vasa-
ljósaganga.
Allskonar til-
raunir með snjó
Ótal skemmtilegir viðburðir verða
út um alla borg á Vetrarhátíð í
Reykjavík og þar á meðal eru norn-
irnar Nína og Njóla sem fara á stjá
í dag til að gleðja börnin. Þær
verða með sögustundir í sögubíln-
um Æringja á Ingólfstorgi í dag,
föstudag, fyrst kl. 11.00-11.20 og
aftur kl. 13.00-13.20.
Þær eru miklir sprelligosar og
segjast ætla að bjóða upp á skelfi-
lega skemmtilegar nornasögur og
hrollvekjandi nornakakó með rjóma
og galdradufti.
Hver sögustund er um 20 mín-
útur og jafnvel hægt að bæta við
sögustund ef pantað er fyrirfram.
Það komast aðeins 12 börn og full-
orðnir í bílinn í einu en þær lofa
notalegri galdrastemningu með
mjúku myrkri og stjörnubirtu.
Hægt er að bóka sögustund hjá
Nínu norn með því að senda póst á
netfangið olof.sverrisdott-
ir@reykjavik.is og í síma 664 7718
en einnig geta þeir sem eiga leið
hjá komið í myrka sögustund og
fengið nornakakó.
Nornirnar Nína og Njóla fara á stjá í dag og sprella fyrir börn
Skelfilega skemmtilegar norna-
sögur og hrollvekjandi kakó
Sprellandi nornir Nína og Njóla eru bráðskemmtilegar og litríkar.