Morgunblaðið - 06.02.2015, Blaðsíða 16
MORGUNBLAÐIÐ FÖSTUDAGUR 6. FEBRÚAR 2015
SELTJARNARNES
H
EI
MS
ÓKN Á HÖFUÐBO
R
G
A
R
S
V
Æ
Ð
IÐ
2015
Björgunarsveitin Albert, sem stofn-
uð var á Seltjarnarnesi árið 1968,
var nefnd eftir Alberti Þorvarðar-
syni, síðasta vitaverðinum í Gróttu-
vita sem týndist árið 1970 og var
það fyrsta verk sveitarinnar að
leita að honum. Hafði hún þó ekki
erindi sem erfiði því Albert fannst
aldrei, að sögn Kristins Guðbrands-
sonar, Seltirnings og félaga í björg-
unarsveitinni Ársæli. Björg-
unarsveitin Albert sameinaðist
fyrir nokkrum árum nágranna-
björgunarsveitinni Ingólfi og
mynda þær nú björgunarsveitina
Ársæl sem tekur bæði til Seltjarn-
arness og Reykjavíkur.
„Algengast er að við sinnum
björgun úr Gróttuvitanum hér á
Nesinu,“ segir Kristinn og bætir við
að nú þegar sé búið að bjarga ein-
um á þessu ári. Minnist hann þess
einnig að árið 1993 festust þrjár
fóstrur og 21 barn á leiðinni úr vit-
anum. Kom sveitin þá siglandi til
bjargar og engum varð meint af.
Bækistöðvar sjóhóps björgunar-
sveitarinnar er að finna í húsnæði
hennar við Bakkavör sem kallast
Gaujabúð. Þar eru bátar sveit-
arinnar geymdir ásamt öllum köf-
unarbúnaði. „Húsið er nefnt eftir
Guðjóni Jónatanssyni sem er vel
þekktur á Nesinu og var einn af
stofnendum björgunarsveitarinnar
Alberts,“ segir Kristinn og bætir
við að hann hafi verið einn af mátt-
arstólpum samfélagsins á Nesinu
og því vel við hæfi að heiðra hann
með þessum hætti. laufey@mbl.is
Bjarga stranda-
glópum reglulega
Morgunblaðið/Þórður
Gaujabúð Húsnæði björgunarsveitarinnar við Bakkavör, sem nefnt var
eftir Guðjóni Jónatanssyni, stofnfélaga björgunarsveitarinnar Alberts.
Guðmundur Magnússon
gudmundur@mbl.is
Það gladdi Seltirninga, og líklega ekki
síst bæjarstjórnina á Nesinu, þegar
tilkynnt var í haust að bæjarfélagið
hefði verið valið „draumasveitarfélag“
landsins í árlegri úttekt vikuritsins
Vísbendingar á rekstri og fjárhag ís-
lenskra sveitarfélaga. Reyndist Sel-
tjarnarnesbær koma best út af öllum
sveitarfélögunum þegar skoðaðir voru
þættir eins og skattheimta, breytingar
á fjölda íbúa, afkoma sem hlutfall af
tekjum, hlutfall skulda af tekjum og
veltufjárhlutfall.
Fleiri atriði styðja þá skoðun að
það sé gott að eiga heima á Seltjarn-
arnesi. Þannig sýna árlegar þjónustu-
kannanir Capacent mikla ánægju
íbúa með þjónustu bæjarins. 92%
íbúa kváðust ánægð í síðustu könnun.
Til samanburðar má nefna að sama
könnun sýnir aftur á móti talsverða
óánægju með þjónustu borgaryf-
irvalda í Reykjavík.
Gott fyrir barnafjölskyldur
Í nýútkomnum kynningarbækl-
ingi Seltjarnarnesbæjar er fullyrt að
hvergi á landinu sé jafn hagstætt fyr-
ir barnafjölskyldur að búa og á Sel-
tjarnarnesi. Bent er á lág leik-
skólagjöld, tómstundastyrkur á hvert
barn sé 50 þúsund krónur, leik-
skólapláss sé í boði frá 14 mánaða
aldri og foreldrar fái 65 þúsund króna
styrk vegna hvers barns hjá dagfor-
eldrum. Bæjaryfrvöld leggja áherslu
á að laða ungt fólk til sín, vafalaust
vegna þess aldurshlutfall bæjarbúa
hefur farið hækkandi á undanförnum
árum. Þörf er á ungu og spræku fólki
til að láta hjólin snúast í bænum.
Vandi Seltjarnarness er hins vegar
takmarkað landrými. Fasteignaverð
er líka í hærri kantinum sem vænt-
anlega endurspeglar vinsældir þeirr-
Morgunblaðið/Sigurður Bogi
Seltjarnarnes Byggðin er almennt fremur lágreist og einkennist af einnar til tveggja hæða sérbýli.
Fjárhagur sterkur og
ánægja með þjónustuna
Seltjarnarnesbær var valinn „draumasveitarfélag“ landsins
Á Eiðistorgi á Seltjarnarnesi er
frumkvöðlasetrið Innovation
House, sem frumkvöðullinn og fjár-
festirinn Jón von Tetzchner opnaði
fyrir um einu og hálfu ári. Þar eru
nú til húsa 18 nýsköpunarfyrirtæki
með samtals um 70 starfsmenn og
hafa aðstöðu í tæplega 800 fer-
metra rými.
María Þorgeirsdóttir, fram-
kvæmdastjóri Innovation House,
segir markmið starfsins vera að
koma sprotafyrirtækjum á lagg-
irnar og hjálpa þeim að vaxa.
„Hugmyndin á bak við Inn-
ovation House er fyrst og fremst sú
að skapa skilyrði fyrir öflugan og
dýnamískan hóp frumkvöðla og
þannig hjálpa fyrirtækjum að
hjálpa sér sjálf,“ segir María og
bætir við að staðsetningin á Eið-
istorgi henti starfinu prýðilega.
„Við teljum að frumkvöðlasetur
þurfi að vera með blöndu af opnum
svæðum og lokuðum og því eru öll
fyrirtækin með sér skrifstofur.“
Húsnæðið býður einnig upp á
stóran fundarsal með rými fyrir allt
að hundrað manns.
„Salurinn er frábær en þaðan er
gott útsýni yfir sjóinn og Snæfells-
jökul í góðu veðri.“ sh@mbl.is
Morgunblaðið/Eggert
Vöxtur Jón von Tetzchner flytur ræðu við opnun setursins á Eiðistorgi.
„Hjálpa fyrirtækjum
að hjálpa sér sjálf“
Frumkvöðlasetur skýtur sprotum á Nesi
Suðurver | Mjódd | Glæsibær | Húsgagnahöllin | Smáratorg | Austurver
.is
Velkomin á nýjan vef
Bakarameistarans
Nú getur þú pantað
Tertur, Brauðmeti og bakkelsi
Veislu og fundarpakka
og margt fleira í vefverslunni okkar
. ..
. ..
. ..