Morgunblaðið - 06.02.2015, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 6. FEBRÚAR 2015
Tvö hús voru í gær flutt í heilu lagi
frá Grettisgötu í Reykjavík út á
Hólmaslóð. Húsin voru flutt af
skipulagsástæðum, en annað húsið
stóð áður við Grettisgötu 17 og hitt
var bakhús að Laugavegi 36. Loka
þurfti hluta af Grettisgötu tíma-
bundið á meðan húsin voru flutt.
Íbúar götunnar fengu tilkynningu
fyrir viku þar sem þeir voru beðnir
um að hafa bíla sína ekki í götunni
meðan flutningarnir stæðu yfir. Til-
kynningin hefur ekki komist til allra,
því það þurfti að gera stutt hlé á
flutningunum til þess að færa tvo
bíla á götunni sem komu í veg fyrir
umferð flutningabifreiðanna. Voru
bílarnir dregnir í burtu um kvöld-
matarleytið, og var þá hægt að ljúka
flutningunum.
Flutningur tveggja húsa úr miðborg Reykjavíkur út á Hólmaslóð
Hús á
nýjan stað
Morgunblaðið/Ómar
Flutningar Það var vandasamt verk að koma húsunum eftir þröngri Grettisgötunni og íbúar fylgdust með.
Allur gangur er á því við hvað sveit-
arfélögin miða þegar upphæð sér-
stakra húsaleigubóta er ákveðin.
Hækkun Hafnarfjarðarbæjar á við-
miðunarupphæð leigufjárhæðar
vegna bótanna um áramótin, sem
varð til þess að lækka þær, er ekki í
samræmi við þau viðmið sem gilda í
öðrum sveitarfélögum á höfuðborg-
arsvæðinu. Sviðsstjóri fjölskyldu-
þjónustu Hafnarfjarðar segir að ekki
hafi verið staðið rétt að málum.
Fjallað var um þessa breytingu á
viðmiðinu í Hafnarfirði í Morgun-
blaðinu í gær. Þar var rætt við föður
ungs öryrkja sem varð fyrir skerð-
ingu á tekjum sínum í kjölfarið á
breytingunni sem var ekki kynnt áð-
ur en hún kom til framkvæmda. Með
viðmiðunarupphæð leigufjárhæðar
er átt við þá lágmarksleigu sem
greiða þarf í leigu áður en til þessara
bóta getur komið. Bæjarstjórn
Hafnarfjarðar hækkaði þetta viðmið
um rúmar 10.000 krónur; úr 47.465 í
58.000, og lækkuðu bæturnar þá hjá
um fjórðungi þeirra sem fá þær.
Hefði mátt standa öðruvísi að
Þegar leitað var skýringa hjá
Hafnarfjarðarbæ var ástæðan sögð
að viðmiðið hefði verið hækkað
vegna þess að það væri lægra en í
öðrum sveitarfélögum á höfuðborg-
arsvæðinu og hefði verið um skeið.
Svo virðist ekki vera, því viðmiðið er
lægra í þeim nágrannasveitarfélög-
um Hafnarfjarðar sem eru á annað
borð með viðmiðunarupphæð. Hún
er 40.000 á Seltjarnarnesi og 50.000 í
Kópavogi. Í Reykjavík er tiltekin
upphæð ekki lögð til grundvallar,
heldur 75% af leiguupphæðinni og
það sama gildir í Mosfellsbæ.
Rannveig Einarsdóttir, sviðsstjóri
fjölskyldusviðs Hafnarfjarðarbæjar,
segir að ætlunin hafi verið að sam-
ræma bæturnar. „Það hefur greini-
lega ekki farið eins og til stóð,“ segir
hún spurð um þetta misræmi. „Við
munum funda um þetta í næstu viku
og fara yfir málin. Það er alveg ljóst
að það hefði mátt standa öðruvísi að
þessu, við höfum fengið athuga-
semdir frá fólki sem er óánægt með
breytinguna.“ Spurð hversu mikið
Hafnarfjarðarbær spari með þessum
breytingum segir Rannveig það vera
um fimm milljónir króna á ári.
Kemur til greina að afturkalla
þessa breytingu? „Ég þori ekki að
fullyrða um það, ráðið tekur ákvörð-
un um það á fundinum í næstu viku.“
annalilja@mbl.is
Umdeild bóta-
skerðing skilar
litlu í kassann
 Hafnarfjörður sparar fimm milljónir
Morgunblaðið/Árni Sæberg
Hafnarfjörður Skerðing sérstöku
húsaleigubótanna er umdeild.
Dómur Héraðsdóms Reykjavíkur yf-
ir Scott James Carcary var í gær
staðfestur í Hæstarétti en Carcary
var gefið að sök að hafa orðið fimm
mánaða gamalli dóttur sinni að bana
þann 17. mars 2013 með því að
hrista hana svo harkalega að hún
hlaut blæðingu í heila sem leiddi til
dauða hennar. Var Carcary dæmd-
ur í fimm ára fangelsi og er honum
gert að greiða móður barnsins þrjár
milljónir í miskabætur. Einn dómari
skilaði sératkvæði í málinu og vildi
sýkna Carcary. Sagðist dómarinn
fallast á með meirihluta dómenda að
sannað væri að barnið hefði látist af
mannavöldum en að Carcary yrði
ekki sakfelldur með þeim rökum að
langlíklegast væri að hann hefði
framið brotið. Ekki hefði verið vitni
að atvikum og ákæruvaldið hefði við
meðferð málsins ekki axlað þá
sönnunarbyrði fyrir sekt mannsins
sem á embættinu hvíldi.
Fimm ára fangelsi
 Dæmdur fyrir að verða barni að bana
 Dóttirin dó vegna heilablæðingar
Viðar Guðjónsson
vidar@mbl.is
Víða um Reykjavík má finna götur
þar sem íbúar hafa mátt leggja út
fyrir kostnaði við malbikun gatna og
gangstígagerð sem og fyrir viðhaldi
þeirra. Í flestum eða öllum tilfellum
er um að ræða botnlanga þar sem
lóðamörk viðkomandi lóða ná yfir
malbikaðar götur. Ekki er um að
ræða eignarlóðir og greiða íbúar við
slíkar götur lóðaleigu líkt og lang-
flestir íbúar Reykjavíkur. Sam-
kvæmt upplýsingum frá skipulags-
fulltrúa er ein ástæðan sú að erfitt sé
að þjónusta viðkomandi botnlanga.
Stefnt sé að því að útrýma slíku mis-
ræmi í framtíðinni.
Íbúi við Hólavað í Norðlingaholti
telur að um mismunun sé að ræða og
segir óskiljanlegt hvers vegna íbúar
við götuna hafi þurft að borga fyrir
malbikun og lögn gangstéttar á með-
an íbúar í næstu götu þurfi ekki að
gera það. Þá er óátalið að borgin
sinni ekki snjómokstri.
Tvenns konar skýringar
Samkvæmt upplýsingum úr borg-
arkerfinu má finna slíkar götur í
Norðlingaholti, Breiðholti og Foss-
vogshverfi sem og víðar en ekki er
búið að kortleggja staðsetningu
þeirra. „Á þessu eru tvenns konar
skýringar. Annars vegar sögulegar
eins og í Fossvoginum. Þar var litið
svo á að þeir botnlangar væru fyrst
og fremst notaðir af íbúum og ekki
væri um að ræða gegnumkeyrslur
sem nýttust öðrum. Þetta fyrir-
komulag hefur ekki reynst sérstak-
lega vel, það verður að segjast. Svo
hefur þetta líka verið í öðrum áætl-
unum og þá fyrst og fremst þegar
botnlangar eru stuttir og erfitt er um
vik fyrir umhirðu borgarinnar af
þeim sökum. Við munum reyna að
losna við þetta úr borgarumhverfinu,
þetta er ekki gott fyrir íbúa eða
aðra,“ segir Björn Axelsson skipu-
lagsfulltrúi.
Kostnaður hafi legið fyrir
Hann segir að ekki sé miðað við
neinar lengdartölur á botnlanga þeg-
ar slíkar ákvarðarnir eru teknar við
gerð deiluskipulags. Hann segir að í
nýjum skipulagsáætlunum sé stefnt
að því að koma í veg fyrir ósamræmi
þegar kemur að lóðamörkum.
Skipulag í Norðlingaholti er um 15
ára gamalt en Björn veit ekki til þess
að þetta vandamál sé til staðar í Úlf-
arsárdal, sem er nýjasta hverfi borg-
arinnar. Aðspurður hvort þetta sé
ekki til marks um mismunun á milli
íbúa þá telur hann svo ekki vera.
„Fólk fær þessa lóð úthlutaða á þeim
forsendum að lóðaafmörkunin sé
svona og með þeim kostnaði sem
fylgir því,“ segir Björn.
Kjartan Hrafn Kjartansson, íbúi
við Hólavað 65, segir að íbúar hafi
þurft að leggja út í kostnað upp á
hundruð þúsunda við lagningu gang-
stétta og malbikun götunnar í botn-
langanum auk þess að setja upp
ljósastaura. Málum er eins háttað í
Hólmvaði, sem er næsta gata til
austurs, en ekki í götum í Norðlinga-
holti sem eru vestan við Hólavað.
Á ekki að þurfa að vera flókið
Kjartan segir að hann hafi staðið í
þeirri meiningu að hann væri á eign-
arlóð og þar af leiðandi þyrfti hann
að standa straum af ofangreindum
kostnaði. Svo reyndist þó ekki og er
hann á leigulóð eins og langflestir
íbúar Reykjavíkur. „Mér finnst að
maður þurfi ekki að vera sérfræð-
ingur í deiliskipulagi þegar maður er
að kaupa lóð. Þetta á ekki að þurfa að
vera svona flókið,“ segir Kjartan.
Hann segir byggingarverktakann
hafa malbikað götuna en íbúarnir
hellulögðu sjálfir gangstéttar. Enn á
þó eftir að leggja 50-100 metra til að
tengjast gangstígakerfi borgarinn-
ar. „Þegar ég horfi hinum megin við
götuna á Krókavað og Kólguvað þá
er þetta ekki svona. Auðvitað er
maður frekar ósáttur við það,“ segir
Kjartan. „Þetta snýst ekki bara um
lagningu götunnar, heldur snýr
þetta líka að viðhaldi og snjómokstri
og öðru. Mér finnst þetta skapa
ósamræmi vegna óvandaðra vinnu-
bragða. Annað hvort ætti botnlangi
að vera sameign íbúa eða hann þjón-
ustaður af Reykjavíkurborg. Það
ætti að vera auðvelt að leggja slíkar
línur,“ segir Kjartan.
Morgunblaðið/Ómar
Hólavað 63-75 Íbúar við götuna hafa kostað malbikun og lagningu gangstíga. Einungis hafa verið settir upp tveir
ljósastaurar og enn á eftir að leggja um 50-100 metra af göngustígum. Íbúi telur Reykjavíkurborg mismuna íbúum.
Íbúar leggja stíga og
setja upp ljósastaura
 Misræmi í lóðamörkum á milli gatna  Íbúar kosta lagn-
ingu gatna og uppsetningu ljósastaura  Erfitt aðgengi
Héraðsdómur
Reykjaness
dæmdi í gær
Sævar Jónsson
kaupsýslumann í
12 mánaða fang-
elsi, þar af þrjá
mánuði óskil-
orðsbundna, fyr-
ir skilasvik. Var
talið sannað að
Sævar hefði með einbeittum ásetn-
ingi selt fasteign sína í Flórída til
félags í sinni eigu fyrir 10 banda-
ríkjadali, til þess að koma eigninni
undan kröfuhöfum, eftir að bú hans
hafði verið tekið til gjaldþrota-
skipta. Verðmat hússins á þeim
tíma þegar húsið var selt var
272.121 bandaríkjadalur. Féllst því
héraðsdómur á þau rök að kaup-
samningurinn hefði verið mála-
myndagjörningur sem olli kröfu-
höfum sannanlegu fjártjóni.
Sævar dæmdur í 12
mánaða fangelsi
fyrir skilasvik
Sævar Jónsson