Morgunblaðið - 26.02.2015, Blaðsíða 38

38 MENNING
MORGUNBLAÐIÐ FIMMTUDAGUR 26. FEBRÚAR 2015
Davíð Már Stefánsson
davidmar@mbl.is
„Það verður meiri fókus á tónlist
frá Berlín í Reykjavík og meiri
fókus á íslenska tónlist í Berlín.
Þetta verður jazz- og rafskotin há-
tíð,“ segir Pan Thorarensen, einn
skipuleggjenda hátíðarinnar Berl-
in x Reykjavík Festival sem hefst
í dag í Reykjavík og stendur til
28. febrúar og í Berlín 5. til 7.
mars. Viðburðirnir eru ákveðinn
samruni Extreme Chill Festival
og þýsku hátíðarinnar XJAZZ.
Samruni tveggja hátíða
Hátíðin í Reykjavík verður
haldin á Kex Hostel og á Húrra
en alls munu 23 hljómsveitir og
tónlistarmenn troða upp í borg-
unum tveimur. Pan segir hátíðina
hafa orðið til á nokkuð skemmti-
legan hátt.
„Extreme Chill Festival átti
fimm ára afmæli síðasta sumar og
við héldum upp á það í Berlín og
þá var XJAZZ að fara af stað með
sína hátíð í fyrsta sinn. Þau vildu
vera með íslenskt þema og höfðu
samband við mig og ég aðstoðaði
þau með hátíðina. Ég bókaði þá
meðal annars nokkra íslenska
listamenn á hátíðina og spilaði þar
líka sjálfur með föður mínum.
Þannig komst tengingin á. Þau
vildu líka alltaf vera með hátíð í
Reykjavík og okkur langaði að
vera með hátíð í Berlín. Við
ákváðum því að sameina þetta
með þessu móti,“ segir Pan en
þess má geta að helstu styrktarað-
ilar hátíðarinnar eru WOW air og
Útflutningsmiðstöð íslenskrar tón-
listar, ÚTÓN.
Fyrrverandi meðlimur
Mezzaforte
„Það er að koma rosalega stór
hópur frá Þýskalandi á hátíðina
hér í Reykjavík. Sebastian Stud-
nitzky, sem er eigandi og stofn-
andi XJAZZ, er með rosalega
sterka íslenska tengingu. Hann er
til dæmis með þetta Contemplate
útgáfufyrirtæki sem ég er búinn
að elska út af lífinu í mörg ár. Ég
hafði ekki hugmynd um að hann
væri með það. Þessi maður var og
er náttúrlega mjög þekktur úti í
Berlín. Hann er sjálfur rosalega
fær hljóðfæraleikari, bæði á
trompet og píanó og er búinn að
gefa út fullt af efni,“ segir Pan og
bætir við að útgáfufyrirtækið hafi
meðal annars gefið út plötur
Mezzaforte, ADHD og Samúels
Jóns Samúelssonar Big Band en
Studnitzky spilaði sjálfur með
Mezzaforte í nokkur ár.
Pan segir mikla tengingu á milli
Berlínar og Reykjavíkur og marg-
ir íslenskir listamenn búi og starfi
þar í borg. „Við ætlum að prófa að
vera með passa á bæði, það er að
segja ef þú kaupir passa á hátíð-
ina í Reykjavík þá getur þú einnig
notað hann í Berlín og öfugt. Það
væri mjög gaman ef fólk kýlir á
þetta og mætir í báðar borgir,“
segir hann.
Emilíana með Ensemble X
„Vonandi er þetta bara rétt að
byrja,“ segir Pan um framhaldslíf
hátíðarinnar. „Berlínarborg er þó
miklu meira inni í þessu en
Reykjavíkurborg eins og staðan er
í dag. Ég er reyndar að bíða eftir
svari frá Reykjavíkurborg. Ég er
bjartsýnn á aðkomu borgarinnar
en það þarf þó kannski að bíða til
næsta árs. Þetta er oft allt á síð-
asta snúningi,“ segir hann. Emil-
íana Torrini mun troða upp á há-
tíðinni ásamt sveitinni Ensemble
X og fer Pan fögrum orðum um
það verkefni.
„Í því bandi eru algjörir tónlist-
arsnillingar sem hafa til dæmis
áður verið að spila í rosalega
flottum verkefnum. Emilíana
Torrini kemur til með að taka lög
af nýju plötunni sinni í nýjum
búningi, þetta verður eflaust hel-
víti magnað. Það verður hægt að
kaupa sérmiða á tónleika hennar
á midi.is ef fólk vill bara sjá þá
tónleika en annars er einnig
hægt að kaupa þar passa á hátíð-
ina í heild sinni,“ segir hann að
lokum.
Samsuða Berlínar og Reykjavíkur
 Tónlistarhátíðin Berlin x Reykjavík hefst í Reykjavík í dag og verður haldin í Berlín 5.-7. mars
 Sebastian Studnitzky og Emilíana Torrini eru meðal þeirra sem koma fram á hátíðinni
Tónleikatvenna Emilíana Torrini heldur tónleika með Ensemble X í Reykjavík 28. febrúar og í Berlín 5. mars.
Fær Tónlistarmaðurinn Sebastian Studnitzky, eigandi
og stofnandi XJAZZ og fyrrum liðsmaður Mezzoforte.
Hátíðarstund Pan Thorarensen, einn skipuleggjenda
hátíðarinnar Berlin x Reykjavík sem hefst í dag.
Bókmenntahá-
tíðin „Júlíana –
hátíð sögu og
bóka“ verður
haldin í Stykk-
ishólmi næstu
daga, 26. febrúar
til 1. mars. Er
þetta í þriðja
skipti sem hún er
haldin.
Viðfangsefni
hátíðarinnar að þessu sinni er
minningar – sannar og ósannar,
héðan og þaðan. Þar kennir ýmissa
grasa, dagskráin verður fjölbreytt
og hefst með opnun í Vatnasafninu
í dag. Á morgun, föstudag, verður
dagskrá víðs vegar um bæinn, upp-
lestrar, sögugerð og sögustundir.
Meðal gesta eru höfundarnir Krist-
ín Steinsdóttir, Hallgrímur Helga-
son og Elísabet Jökulsdóttir.
Nánar má fræðast um dagskrána
og tímasetningar á fésbókarsíðu
hátíðarinnar.
Júlíönuhátíð
í Hólminum
Elísabet
Jökulsdóttir
Reykjavík
26. febrúar á Kex hosteli:
 Qeaux Qeaux Joans kl. 20
 King Lucky DJ set kl. 21
 Daniel W. Best (Sonar
Kollektiv) DJ Set kl. 22
27. febrúar á Kex hosteli:
 Studnitzky Trio & Strings
kl. 20
 Alex Barck (Jazzanova) DJ
Set kl. 21
27. febrúar á Húrra:
 Epic Rain kl. 22
 Komfortrauschen kl. 23
 Christian Prommer á
miðnætti
 Terrordisco DJ Set kl. 1.30
28. febrúar á Húrra:
 Emiliana Torrini & Ensemble
X kl. 20
 Alex Barck (Jazzanova) /
Daniel W. Best (Sonar Kollektiv)
/ Christian Prommer / BORG
DJ Set kl. 23- 4.30
Berlín
5. mars í Neue Heimat:
 ThizOne kl. 19.30
 Emiliana Torrini & Ensemble
X kl. 20.30
 ADHD kl. 22.30
6. mars í Neue Heimat:
 Jafet Melge kl. 19
 Ambátt kl. 20
 Mike Hunt kl. 21
 Jazzy Berlin Jam Session kl.
22
7. mars í Neue Heimat
 Elegy For Eva Stern kl. 20
 Claudio Puntin & Skúli Sverr-
isson kl. 21.30
 Stereo Hypnosis kl. 22.30
 Dj. flugvél og geimskip kl.
23.30
 Futuregrapher kl. 00.30
 Ingvi & Arni Vector kl. 1.30
Miðasala á hátíðina í Reykjavík
fer fram á midi.is og í Berlin á
koka36.de.
23 sveitir og
tónlistarmenn
DAGSKRÁ HÁTÍÐARINNAR
Tökum að okkur trjáklippingar,
trjáfellingar og stubbatætingu.
Vandvirk og snögg þjónusta.
Sími 571 2000
www.hreinirgardar.is