Morgunblaðið - Sunnudagur - 08.02.2015, Síða 48

Í kvikmynd sem meirihluti Íslendingakannast við, Back to the Future II
með Michael J. Fox í aðalhlutverki,
fóru hann og félagi hans, Doc
Brown, fram til ársins 2015. Hug-
myndir handritshöfundanna árið
1989 um árið 2015 er for-
vitnilegt að bera saman við það
sem kom svo á daginn.
Marty, Michael J. Fox, notaði
gleraugu sem segja má að séu
komin á markað í formi Google-
gleraugna og eru þau þó enn þró-
aðri en þau sem Marty notaði í myndinni.
Reyndar var hægt að svara í símann með
gleraugum Martys en það er líklega það eina
sem þau hafa fram yfir Google-gleraugu nútímans.
Í myndinni var notast við símtöl í gegnum sjónvarpsskjá,
að vísu mjög stóran sjónvarpsskjá en flest erum við á
Skype í dag svo þar má finna góð líkindi.
Það sem er algilt í myndinni er ekki sjálfsagt í dag. Að nú-
tímasamgöngur fælust í fljúgandi bifreiðum er fjarri lagi í dag
og svifbretti sem unga fólkið var á í myndinni er fjarlægt enn
þótt fréttir hafi að vísu borist þess efnis að búið sé að
hanna frumstæða gerð sem er þó ef til vill frumgerð þess
sem koma skal.
Eflaust hefði enginn neitt á móti því að þetta hefði orðið
að raunveruleika: Jakki með eins konar innbyggða
þurrku sem blæs burt bleytu á svipstundu og skór
sem reima sig sjálfir. Að vísu standa vonir til að þess
sé ekki langt að bíða frá Nike.
Engum handritshöfundi datt í hug að faxtækin
heyrðu sögunni til árið 2015 og þau voru út um
allt í myndinni en hafa í dag verið borin til grafar á
flestum stöðum. Annað sem kvikmyndin var
sannspá um eru flatskjáir og að hægt
væri að horfa á sex sjónvarps-
stöðvar í einu á einum og
sama skjánum. En tískuspá-
mennskan var ekki upp á marga
fiska. Það myndi enginn láta sjá sig í
þeim fatnaði sem 2015-fólkið í kvik-
myndinni flíkaði.
SÁU FYRIR SKYPE OG FLATSKJÁI EN EKKI ÚTFÖR FAXTÆKJA
Tískuspáin fyrir
2015 virðist
ekki hafa ræst.
Úttekt
48 MORGUNBLAÐIÐ SUNNUDAGUR 8.2. 2015
Draumurinn er að árið 2015 verði á Íslandistunduð fjölbreytt framleiðsla á eftirsóttum
úrvalsafurðum sem upprunnar eru úr auðlindum
landsins, hafi, landi og vatni. Stunduð verði
ferðaþjónusta sem veiti hæfilega mörgum
ferðamönnum sem greiða sanngjarnt gjald
fyrir aðgang að fegurð landsins.“
Orð þessi lét Baldvin Jónsson
falla fyrir 15 árum, en hann
var þá verkefnisstjóri
átaksverkefnisins
Áforms, sem stjórn-
völd höfðu staðið
að frá 1995.
NÁTTÚRUPASSI 2015
Koma þarf lambakjöti inn á markað smárétta ogskyndirétta,“ sagði Gunnar Sæmundsson, bóndi í
Hrútatungu, á fyrsta Búnaðarþingi sameinaðra bænda-
samtaka, sem fram fór á Hótel Sögu fyrir tuttugu árum.
Á þinginu var farið yfir tekjufall sauðfjárbænda sem var
mikið um þær mundir milli ára og hagur þeirra almennt
hafði versnað til muna.
Gunnar sagði í erindi sínu að árið 2015 væri útlit fyrir
að kynslóð sem væri milli þrítugs og fertugs, unga fólkið
þá, myndi ekki borða lambakjöt og hvað þá börnin þess.
„Okkur vantar miklu meiri vöruþróun í sambandi við
markaðssetningu á kindakjöti innanlands. Mér skilst að
nú séu Samtök um sölu lambakjöts að hefja áróður fyrir
kjötsúpunni og saltkjöti og baunum. Það er svo sem gott
og blessað en það gengur ekki í unga fólkið,“ sagði
Gunnar sem leit frekar til skyndiréttanna.
FJÖLSKYLDUR
FÚLSA VIÐ LAMBAKJÖTI
Menn sáu fyrir sér að til að lambakjöt yrði árið 2015 enn á
borðum landsmanna yrði að nota það í skyndibita.
Hvalfjörðurinn verður brúaður ogleiðin til Akureyrar liggur um
Sprengisand,“ sagði Lára V. Júlíusdóttir
lögfræðingur í Lesbók Morgunblaðs-
ins fyrir um 27 árum. Í grein sem þar
birtist var rætt við nokkra málsmet-
andi menn og konur um hvernig þau
sæju íslenskt samfélag á 2. áratug 21.
aldarinnar, eftir um 25 ár og for-
vitnilegt að skoða þau orð nú þegar
spáin ætti að vera komin fram.
„Tölvur verða á hverju heimili og vinnustað, og margir nýta
sér þá fjarskiptatækni sem tölva opnar og vinna heima.
Eru tengdir móðurtölvunni í vinnunni, en geta verið heima.“
Lára sá fyrir sér að kostnaður við húsbyggingar yrði minni en
þá árið 1987 og húsnæðismálin „ekki annar eins klafi“.
Lára sá ennfremur fyrir sér að heilbrigðiskerfið yrði enn sem
fyrr dýrt og umfangsmikið en áhersla væri lögð á fyrirbyggjandi
aðgerðir svo sem líkamsrækt.
Lára vonaðist til að framtíðin yrði án kjarnorkuógnar.
LEIÐIN TIL AKUREYRAR UM SPRENGISAND
Lára V. Júlíusdóttir sá Hvalfjörðinn fyrir sér brúaðan og að
menn notuðu Sprengisandinn mest til að keyra til Akureyrar.
Lára V. Júlíusdóttir