Húnavaka - 01.05.1981, Side 153

HÚNAVAKA
151
bær nefnist nú Sunnuhlíð, og kona hans Guðrún Magnúsdóttir frá
Bergsstöðum í Miðfirði.
Þorsteinn ólst upp með foreldrum sínum og systkinum meðan föður
hans naut við. En hann andaðist er sr. Þorsteinn var 9 ára gamall.
Brá þá móðir hans búi og gerðist ráðskona hjá bróður sínum Guð-
mundi Magnússyni í Koti. En að ári liðnu flytja þau mæðginin vestur
á Snæfellsnes og þar giftist móðir hans Gisla Guðmundssyni bónda á
Kóngsbakka í Helgafellssveit. Dvelur Þorsteinn þar vestra uns hann er
15 ára að hann fer til Guðmundar móðurbróður síns að Koti í Vatns-
dal.
Þorsteinn mun snemma hafa orðið að sjá sér farborða í lífinu, i skjóli
móður sinnar. Hann var ötull til verka og námfús. Miklar námsgáfur
og reglusemi greiddu götu hans til mennta, enda var eigi um auðugan
frændgarð að ræða.
En frá Koti hefur hann sína suðurgöngu til mennta, og hóf nám í
Flensborgarskóla í Hafnarfirði. Meðal mætra kennara var Lárus
Bjarnason síðar skólastjóri þar. Hann veitti athygli fremur öðrum
nemendum þeim Þorsteini Gíslasyni og Sveinbirni Högnasyni, kenndi
þeim í aukatímum fræði er voru utan náms þeirra í skólanum, og
örvaði þessa skjólstæðinga sína til að ganga menntaveginn svonefnda.
Gengu þeir félagar inn í 4. bekk Menntaskólans 1916, og lásu síðan
utanskóla 5. og 6. bekk og luku stúdentsprófi 1918 með lofi og voru
næsta jafnir, hlaut Þorsteinn 64 stig en Sveinbjörn 67 stig. Hart höfðu
þeir lagt að sér við lesturinn en árangurinn var lika góður. Var þessi
stúdentsárgangur sá síðasti er átti Garðvist vísa í Höfn.
Sigldi Sveinbjörn Högnason út til náms í guðfræði og gat sér mikinn
orðstír. En Þorsteinn Gíslason sat heima og settist í guðfræðideildina
og lauk námi í guðfræði með lofi 1922 eftir 3'/2 ár.
Hafði Þorsteinn stundað kennslu og þingskriftir með náminu sér til
uppihalds í höfuðborginni. Stóð hann nú á vegamótum mannlífsins,
en kennsla hafði verið rík í eðli þeirra fóstbræðra, Sveinbjörns og hans.
Þá kom köllun til Þorsteins að gjörast kapelán hjá sr. Bjarna Pálssyni í
Steinnesi, er var sjúkur. En þetta var í heimahögum Þorsteins og mun
eigi minna hafa hér orkað á hann að sumarið áður er hann var í
kaupavinnu á stórbýlinu Ási í Vatnsdal hafði hann heitbundist fóst-
urdóttur Guðmundar Ólafssonar bónda og alþingismanns. Var sr.
Þorsteinn B. Gíslason vígður 14. maí 1922 til Þingeyraklausturs-
prestakalls.