Húnavaka - 01.05.1981, Page 159

HÚNAVAKA
157
þessir staðir voru andleg höfuðból þegna sinna og þangað var sótt
traust og trú og uppörvun. Hér kom fólkið saman í einum anda til
lofgjörðar og þakkargjörðar og hugsaði um trúna á handleiðslu
Drottins allsherjar.
Svo var um Jónínu Valgerði Ólafsdóttur er hún sjötug að árum
heimsótti æskustöðvarnar létt í spori og rifjaði upp æskuárin í víkinni.
Þá var hún viðstödd í síðasta sinni, er sungin var messa í Hólskirkju,
kraup við altari með bræðrum sínum eins og þegar þau voru börn að
aldri, i bæn og beiðni ásamt þakkargjörð. Hún var jarðsungin að
Þingeyrum 12. janúar 1980.
Sigurbjörg Jónasdóttir frá Fjalli andaðist 25. apríl 1980 á Héraðshæl-
inu á Blönduósi. Hún var fædd 4. nóvember 1885 á Syðra-Hóli í
Vindhælishreppi. Voru foreldrar hennar Jónas Guðmundsson og
kona hans Anna Jónsdóttir. Sigurbjörgu var fengið fóstur strax á
fyrsta ári hjá hjónunum Ólafi Ólafssyni og Guðríði Einarsdóttur er
bjuggu á Keldulandi-, en höfðu komið austan af Skaga. Mátti segja að
hún væri uppeldisdóttir þeirra hjóna, en hún var hjá þeim til 21 árs
aldurs. Meðal systkina hennar var Sigurlaug Hansdóttir húsfreyja í
Sólheimum í Svínadal.
Sigurbjörg bar það svipmót að hún hafði fengið gott uppeldi. Þann
6. febrúar giftist hún Jónasi Þorvaldssyni bónda á Fjalli, myndar-
manni. Hófu þau búskap á Kálfshamri, en fluttu að ári liðnu að Fjalli
í Skagahreppi og bjuggu þar síðan. Þau eignuðust þessi börn:
Guðríði gifta Kristjáni Guðmundssyni i Hvammkoti, en þau bjuggu
síðan á Steinnýjarstöðum.
Ólafur, dvaldi lengst af á Fjalli.
Skafti Fanndal kvæntur Jónu Guðrúnu Vilhjálmsdóttur, en þau
búa í Lundi á Skagaströnd.
Jóhanna gift Angantý Hilmari Jónssyni frá Mallandi á Skaga. Þau
bjuggu á Fjalli og síðan i Fjallsminni á Skagaströnd, en þau slitu
samvistum og býr Jóhanna nú með Snorra Gislasyni í Höfðatúni á
Skagaströnd. Uppeldisbörn þeirra hjóna voru:
Hjalti Líndal er andaðist 1935.
Ljósbjörg Guðlaugsdóttir gift Sverri Ingimundarsyni og búa þau á
Stöðvarfirði.