Húnavaka - 01.05.1981, Page 166

164
HÚNAVAKA
heimili. Ingibjörg var aldrei iðjulaus, hún vann í áratugi hjá Kaupfé-
laginu við að þrífa búð og skrifstofur og stundaði þvotta í húsum lengi
vel. Hafði hún hænsnabú er hún var notinvirk við. Hún var trygglynd
og vinnusöm og hafði ánægju af að blanda geði við fólk er hún vann
með. Hún var ræðin og hélt vel á málstað sínum, var skýr í hugsun og
duldi ekki meiningu sína. Ingibjörgu var farið sem mörgu háöldruðu
fólki að hún vildi dvelja sem lengst á heimili sínu. En elli beygir oss öll
og þar kom að hún fór á sjúkradeild Héraðshælisins og dvaldi þar um
tveggja ára skeið.
Lífsæfi hennar hafði lánast vel. Hún hafði aldrei bognað á sinni
lífsgöngu. Hún var hún sjálf alla æfidaga sína. Hún var jarðsett 5.
október 1980 á Blönduósi.
Sr. Pétur Þ. Ingjaldsson.
Ólafur Jónsson frá Brekku í Þingi andaðist í San-Fransisko í Banda-
ríkjunum 21. júní. Hann var fæddur 21. febrúar 1894 að Brekku i
Þingi, A.-Hún. Foreldrar hans voru hjónin Jón Jóhannsson bóndi þar
og kona hans Þórkatla Guðmundsdóttir og voru þau húnvetnskra og
snæfellskra ætta.
Ungur að árum innritaðist hann í Gagnfræðaskólann á Akureyri og
lauk þaðan gagnfræðaprófi vorið 1915. Stuttu síðar réðist hann far-
kennari suður í Lundarreykjadal og Skorradal í Borgarfirði og fluttist
að Arnþórsholti og bjó þar félagsbúi ásamt Júlíusi bróður sinum á
árunum 1917-1919. Stundaði hann kennsluna ásamt búskapnum
þessi ár.
En ári síðar tók hann sig upp og flutti til Vesturheims. Kom hann á
fót byggingafyrirtæki í Minnesótaríki í Bandaríkjunum, ásamt Jósef
bróður sínum, sem fluttst hafði vestur árið áður. Nokkru síðar settust
þeir bræður að í San-Fransiskó íKaliforniu. Stofnuðu þeir þar og ráku
byggingafyrirtæki, ásamt fleiri Islendingum, er fluttst höfðu vestur
um haf. Voru þeir bræður mjög samrýmdir og efnuðust þeir er stundir
liðu.
Ólafur var tvíkvæntur og eignaðist 3 börn með fyrri konu sinni og
eru þau öll búsett vestra. Seinni kona hans er Marione Johnsen,
skoskrar ættar og lifir hún mann sinn.
Hinsta ósk hans var, að jarðneskar leifar hans yrðu lagðar í íslenska