Húnavaka - 01.05.1981, Qupperneq 168

166
HÚNAVAKA
mundi Ingþórssyni og konu hans Jóhönnu Jósefsdóttur, er nú búa í
Enniskoti og naut þar góðrar aðhlynningar.
Sigvaldi kvæntist aldrei, en tók systurson sinn Jóhannes að sér og ól
hann upp frá fjögurra ára aldri. Hann er nú látinn fyrir nokkrum
árum.
Með Sigvalda í Enniskoti er genginn mikill og góður þegn þjóðar
sinnar. Hann var dugandi bóndi og bætti jörð sína mjög að ræktun og
húsum.
Hann var mikið náttúrubarn, er undi löngum stundum í skauti
heiðarinnar víðfeðmu og grösugu, sem liggur að baki sveitarinnar og
dalsins, er ber nafn víðáttunnar, þar sem kyrrð vornæturinnar ríkir og
ómælt víðfeðmi landsins skapa þann heim, er enginn fær nær komist
nema sá einn er lifir hann. Til þessara slóða hvarf hann árlega í fylgd
vina sinna. 14 ára að aldri fór hann fyrst í göngur, síðan öll haust og
síðast á sl. hausti. Hann var allra manna fróðastur um Víðidals-
tunguheiði og nokkru fyrir andlát sitt lauk hann ýtarlegri örnefnaskrá
yfir heiðarsvæðið. Einnig reit hann greinar í blöð og tímarit, einatt um
gróðurmál.
Sigvaldi var mikill hestamaður og kunnur tamningamaður. Hann
var greindur vel, rólegur í allri framgöngu og orðvar svo af bar.
Honum voru snemma falin trúnaðarstörf fyrir sveitarfélag sitt. Sat
m.a. í hreppsnefnd Þorkelshólshrepps um nokkurra ára skeið. Öllum
þeim störfum er honum voru falin gegndi hann af stakri skyldurækni.
Hann var því maður vinmargur.
Sigvaldi var maður fróður eins og áður er að vikið, ljóðelskur og
hagmæltur vel, en fór dult með þessa sérgáfu sína. Hann var og
söngmaður góður og jafnan glaður á góðri stund.
Útför hans fór fram frá Þingeyrakirkju 8. nóvember.
Sr. Arni Sigurðsson.
N,