Morgunblaðið - 08.05.2015, Page 9

FRÉTTIR 9Innlent
MORGUNBLAÐIÐ FÖSTUDAGUR 8. MAÍ 2015
Bæjarlind 6, sími 554 7030
Við erum á facebook
Gallabuxur
36–46/48
Str:
13.900 kr.
Eikjuvogur 29 - 104 Rvk. S:694-7911
www.facebook.com/spennandi
Opið: Mán. - fim: 12 - 18 og fös. 12-16
Menntunarsjóður Mæðrastyrksnefndar Reykjavíkur
selur að þessu sinni lyklakippur frá Tulipop í árlegu
fjáröflunarátaki sínu. Átakið hófst í gær þegar
Kristín Ingólfsdóttir, rektor Háskóla Íslands, keypti
fyrstu lyklakippuna, en sjóðurinn sem stofnaður var
árið 2012 styrkir konur á öllum aldri til náms. „Sú
yngsta sem nú þiggur styrk er fædd árið 1996 en sú
elsta 1961 en styrkþegar koma frá öllu landinu,“
segir Anna H. Pétursdóttir, gjaldkeri sjóðsins.
Mæðrastyrksnefnd átti hugmyndina að stofnun
þessa sjóðs sem gjarnan er kallaður menntunar-
sjóður kvenna. Anna vonast til þess að 2,5 milljónir
náist með átakinu en hönnuðir Tulipop gefa hönnun
sína og Blómaval mun styrkja söfnunina með hverj-
um seldum mæðradagsblómvendi.
Ásgerður Breiðfjörð Ólafsdóttir, styrkþegi, sem
útskrifast nú í vor úr tómstunda- og félagsmála-
fræðum, segir styrkinn hafa breytt lífi sínu og eflt
sjálfstraust mikið. „Þetta hefur breytt lífi mínu, að
vera láglaunamanneskja með litlar tekjur og geta
menntað sig á þessu sviði sem ég vildi, eiga mögu-
leika á betri launum og bara víkka sjóndeildarhring-
inn. Menntun hjálpar manni,“ segir Ásgerður. „Ég
var í endurhæfingu vegna áfallastreituröskunar
þessi þrjú ár meðan á námi stóð og námið hjálpaði
mér gríðarlega við að ná bata.“
Lítið brottfall
Anna gleðst yfir því að brottfall styrkþega úr
skóla er lítið en áhrif styrkjanna mikil. Hún segir
ekki hafa þurft að hafna mörgum umsóknum en 69
styrkir hafi verið veittir frá stofnun sjóðsins og hafa
þeir verið veittir til 52 kvenna. Greidd eru skólagjöld
að hámarki hundrað þúsund krónur á ári og styrkur
til bókakaupa sem nemur að hámarki 30.000 krónum
á önn.
Lyklakippan kostar 2.500 krónur og er til sölu
víða, m.a. í Lyfju og Epal. brynjadogg@mbl.is
Morgunblaðið/Kristinn
Styrkur Í ár fá 27 konur styrk til náms. Guðríður Sigurðardóttir, formaður menntunarsjóðsins, Kristín Ing-
ólfsdóttir, rektor HÍ, Signý Kolbeinsdóttir, hönnuður Mæðrablómsins og María Björg Sigurðardóttir.
Styrkir til kvenna
 Menntunarsjóður kvenna selur lyklakippur Rektor
fyrsti kaupandinn  Lítið brottfall styrkþega úr námi
Steinþór Guðbjartsson
steinthor@mbl.is
Eftir að Hótel Saga var opnuð um
miðjan sjöunda áratug liðinnar aldar
var Súlnasalurinn helsti skemmti-
staður landsins. Ragnar Bjarnason
söng þar í 19 ár og kl. 22-01 annað
kvöld verður ballstemningin þar end-
urvakin. Ragnar Bjarnason og Þur-
íður Sigurðardóttir syngja með Grét-
ari Örvarssyni, hljómborðsleikara og
söngvara, og Hans Jensen saxófón-
leikara, en þeir kalla sig einfaldlega
Hans og Grétar.
Grétar Örvarsson segir að for-
svarsmenn Hótels Sögu (Radisson
BLU Hótel Saga) við Hagatorg hafi
fengið margar óskir um að halda
dansleiki eins og á árum áður og
hann hafi verið beðinn um að hóa
saman bandi. Það hafi verið auðvelt
og dansinn eigi eftir að njóta sín í
Súlnasalnum sem fyrr.
Eftir að hótelið var opnað söng
Ragnar Bjarnason þar fyrstu 19 vet-
urna en var á ferð um landið á sumr-
in, bæði með hljómsveit Svavars
Gests og Sumargleðinni. Hann segist
samt aldrei hafa farið langt frá Sögu,
verið eins og grár köttur og skemmt
þar reglulega. „Þetta er mitt annað
heimili,“ segir hann. „Ég er oft
þarna. Ég læt klippa mig þarna, fer í
bankann þarna og syng þarna tölu-
vert á einkaskemmtunum og svona.“
Súlnasalurinn er staðurinn
Raggi hefur bundist Súlnasalnum
sterkum böndum. „Á sínum tíma var
Súlnasalurinn staðurinn, the place.
Það yndislegasta við hann var það að
ef eitthvað gerðist í Reykjavík þá var
það í Súlnasalnum. Pressuböllin voru
til dæmis stór og mikil, ég söng þar
líka fyrir þjóðhöfðingja, nýárskvöldið
var óborganlegt og þar voru allar
stærri árshátíðir og aðrir mannfagn-
aðir.“
Margir sem komnir eru yfir miðj-
an aldur sakna þessara gömlu, góðu
balla, þar sem gestir dönsuðu til
dæmis valsa, tangó, polka og rokk og
ról allt kvöldið. Raggi segir að fólk
dansi enn, þó það hafi ekki verið í
boði á opinberum böllum, en nú gef-
ist tækifærið og það verði bara gam-
an.
Síðastliðið haust hélt Raggi af-
mælistónleika í Hörpu í tilefni 80 ára
afmælis síns og hann hefur ekki sleg-
ið slöku við síðan. Hann segist ekki
oft leiða hugann að því hvað hann
hafi sungið lengi en á skemmtun með
eldra fólki fyrir skömmu hafi hann
verið minntur á það. „Þá kom ein
kona til mín, gekk rólega yfir salinn
og sagði: „Komdu blesssaður, Ragn-
ar minn.“ „Komdu blessuð,“ svaraði
ég.“ „Ég sá þig fyrst 1947,“ hélt hún
áfram. Drottinn minn dýri, hugsaði
ég með sjálfum mér. Þá var ég 13
ára. „Hvar sástu mig?“ spurði ég
hana. „Hvar sá ég þig?“ svaraði hún.
„Ég sá þig þar sem þú varst að spila
á trommur með pabba þínum í veisl-
unni hjá henni Toggu systur.““
Raggi er ekkert að hætta. „Þegar
ég sé að eitthvað fer að bila held ég
lokatónleika og kveð með stæl.“
Gleðigjafar Þuríður Sigurðardóttir
og Ragnar Bjarnason söngvarar.
Raggi Bjarna og
Þuríður syngja á
balli í Súlnasalnum
 Raggi: „Eins og mitt annað heimili“
Hæstiréttur mildaði í gær refsingu
manns sem var sakfelldur í Hér-
aðsdómi Reykjavíkur á síðasta ári
fyrir að hafa sparkað í tvígang af
miklu afli í höfuð og andlit annars
manns. Við ákvörðun Hæstaréttar
var litið til þess að afleiðingar
árásarinnar voru ekki alvarlegar.
Manninum var gefin að sök sér-
staklega hættuleg líkamsárás með
því að hafa aðfaranótt 9. mars
2013 sparkað tvívegis af miklu afli
í höfuð og andlit manns með þeim
afleiðingum að hann hlaut bólgu á
efri og neðri vör, bólgu í kringum
vinstra auga og hruflsár á vinstri
framhandlegg.
Í héraðsdómi var maðurinn
dæmdur í eins árs og tíu mánaða
óskilorðsbundið fangelsi en í gær
var dómurinn mildaður í fimmtán
mánaða skilorðsbundið fangelsi.
Ákærði neitaði sök fyrir dómi.
Fyrir dómi kvaðst hann hafa lent í
ryskingum við brotaþola en upp-
tök þeirra hafi verið þau að brota-
þoli hafi fengið farsíma ákærða
lánaðan, en ekki viljað skila hon-
um.
Að sögn ákærða sló brotaþoli
hann og var hann að verjast frek-
ari árásum með því að sparka í
brotaþola. Hann sagðist þó ekki
muna eftir því að hafa sparkað í
höfuð hans.
Sparkaði af
miklu afli í
höfuð
mbl.is
alltaf - allstaðar