Morgunblaðið - 08.05.2015, Side 36

36 DÆGRADVÖL
MORGUNBLAÐIÐ FÖSTUDAGUR 8. MAÍ 2015
KOLAPORTIÐ
kolaportid.is
Einstök stemning í 26 ár
Opið laugardaga og sunnu
daga
frá kl. 11-17
Stjörnuspá
21. mars - 19. apríl 
Hrútur Einhver hefur mistúlkað orð þín og þú
þarft að gera allt sem í þínu valdi stendur til
að leiðrétta misskilninginn. Reyndu að sjá
hlutina í réttu ljósi áður en þú lætur til skarar
skríða.
20. apríl - 20. maí 
Naut Einhver langt í burtu lætur á sér kræla.
Umheimurinn sperrir eyrun. Mundu að raun-
verulegt örlæti felst í því að láta hlutina af
hendi þegar þörfin fyrir þá kemur upp.
21. maí - 20. júní 
Tvíburar Bjartsýni og sjálfstraust eru mik-
ilvæg í dag. Farðu út og gerðu eitthvað upp-
byggilegt þér til dægrastyttingar.
21. júní - 22. júlí 
Krabbi Það er erfitt að verða óvart vitni að
hlutum milli annarra. Búðu þig samt undir
harða samkeppni sem þú þó átt að geta sigr-
ast á. Sýndu þolinmæði.
23. júlí - 22. ágúst 
Ljón Nú þegar þú hefur útlínur verkefnisins
klárar er tímabært að setjast yfir smáatriðin.
Reyndu að forðast átök ef mögulegt er.
23. ágúst - 22. sept. 
Meyja Þú finnur bæði fyrir uppreisnarkennd
og metnaði. Auðvitað er allt þeim að kenna,
en hvers vegna að skella skuldinni á aðra?
Bættu skaðann og haltu þína leið.
23. sept. - 22. okt. 
Vog Þú verður meðal sterkra persónuleika
þegar þú laðast að fólki sem heillar þig upp
úr skónum. Farðu þér hægar og gefðu öðrum
góðan tíma til þess að skilja hvað þú vilt.
23. okt. - 21. nóv.
Sporðdreki Þú reiðir þig yfirleitt ekki á vin-
gjarnleika ókunnugra – en stundum þó, og þú
verður sjaldan fyrir vonbrigðum. Láttu þér
standa á sama um fáfræði annarra.
22. nóv. - 21. des.

Bogmaður Reyndu að gefa þér tíma til ein-
veru í dag. Atvinnutækifærin sem þú girnist
eru nær en þig grunar. Talaðu hreint út við
vinnufélaga þína og hugaðu betur að sjálfum
þér.
22. des. - 19. janúar 
Steingeit Hafðu alla hluti á hreinu svo ekki
komi til misskilnings milli þín og þinna eða
þín og þess opinbera. Leitaðu þér upplýsinga
og gerðu áætlanir.
20. jan. - 18. febr. 
Vatnsberi Gefðu gaum að orðum þínum, því
þau hafa mikla þýðingu og geta skorið úr um
hvort þú nærð árangri eða ekki. Fylgstu vel
með fjármálunum.
19. feb. - 20. mars

Fiskar Ekki er um annað að ræða en ganga á
hólm við ákveðið verkefni, þótt þú berir ein-
hvern kvíðboga fyrir því. Svo lengi lærir sem
lifir.
Skemmtileg vísnaskipti voru áBoðnarmiði fyrir skömmu og
byrjuðu með þessari vísu Jóns
Gissurarsonar:
Geng ég oft um vísnaveg
vert er mjög að þakk’ann.
Ferskeytluna faðma ég
fram á grafarbakkann.
Þegar loks mitt þrýtur skeið
og þrengir lífs að funa
áfarm vil ég eiga leið
innanum ferskeytluna.
Helgi Björnsson bætti við:
Hef á vísum ærna ást
yrði ég því feginn
að verði auðið við að fást
vísur hinum megin.
Dagbjartur Dagbjartsson sagði:
Það er nú ekki svona gott hérna
megin:
„Í sínum ljóðum sumir mest
sýna eigin heimsku.
Vísur mínar væru best
vafðar þögn og gleymsku“
Og bætti við í sviga: gömul
ólundarvísa.
Ágústa Ósk Jónsdóttir sagðist
alltaf hrifin af lýsingu Páls Ólafs-
sonar þar sem hann segir:
„Alla daga yrki ég
– ógn er vísnagrúinn –
óðar en ég andann dreg
oft er vísan búin.
Oft ég svona á kvöldin kveð
kvæðin út í bláinn
óðar gleymd, af engum séð
eru þau og dáin.
Þeim er víst í þessum heim
þarfalaust að flíka;
eg fer senn á eftir þeim
út í bláinn líka.
Jón Gissurarson segir: „Páll var
snillingur,“ og bætir við: „Sagt er
að Ísleifur Gíslason hafi eitt sinn
ort svo:
Þetta er alveg einstök snilld
og ekki dropi niður
frúin hún er feikna gild
friður sé með yður.
Jón bætir þessari athugasemd
við: „Sumir segja að einhver annar
hafi gert seinnipartinn.“
Árni Gunnarsson leggur þetta til
málanna: „Þessa vísu heyrði ég
fyrir löngu og þá svona:
Frúin er orðin feikna gild:
Friður sé með yður!
Alveg var þetta einstök snilld
og ekki dropi niður.“
Og bætir við: „Sigfús í Steintúni
var sagður hafa átt bæði frúna og
vísuna.“
Halldór Blöndal
halldorblondal@simnet.is
Vísnahorn
Leikur að vísum
Í klípu
„SVO VIÐ GÆTUM FORÐAST
TAFIR ÁKVAÐ ÉG AÐ KOMA MEÐ
VANDAMÁLALEYSI Á FUNDINN.“
eftir Mike Baldwin eftir Jim Unger
„ÉG GERI RÁÐ FYRIR AÐ ÞÚ VITIR AÐ
VEKJARINN ÞINN HRINGDI EKKI OG ÞÚ ERT
ORÐINN KLUKKUTÍMA OF SEINN Í VINNUNA?“
Hermann
Ferdinand
Hrólfur hræðilegi
Grettir
... þegar æfingin skapar
meistarann.
KOMINN TÍMI
Á MEGRUN,
GRETTIR
EINMITT ÞEGAR ÉG VAR AÐ NÁ
KJÖRÞYNGD MINNI!
ÞESSI KASTALI Á AÐ VERA
MEÐ BESTU BAKARÍIN Í ÖLLU
FRAKKLANDI!
ÞANNIG AÐ VERKEFNI DAGSINS
ER AÐ KOMA TIL BAKA MEÐ
HVERJA EINUSTU KÖKU!
Hugmyndir og viðhorf breytast.
Víkverji rakst nýlega á bók í hillu,
sem nefnist „Aðlaðandi er konan
ánægð“. Bókin er þýdd úr ensku, er
eftir bandarískan höfund, Joan
Bennett, og kom út á Íslandi 1946,
þremur árum eftir að hún kom út
vestan hafs. Í upphafi segir að „á síð-
ustu þrem áratugum hafi flestar af
dyggðum þeim og siðvenjum, sem
kallaðar voru kvenlegar, farið veg
allrar veraldar“. Nú sé svo komið að
konur séu jafnvel kallaðar til starfa í
fremstu víglínu: „Öllum ofbýður
þetta – nema okkur konunum.“
x x x
Bennett veitir ýmis ráð: „Karl-
menn hrífast frekar af glaðlegu and-
liti en mjög fríðu. Reisið upp brettar
brúnirnar, lyftið munnvikunum upp,
rekið deyfðina úr augunum. Látið
sírenur „filmunnar“ um ólundarsvip-
inn. Ánægjan, sem karlmenn hafa af
því að horfa á ólundarleg andlit, er
aðeins fólgin í vitneskjunni um það,
að þeir þurfi ekki að hafa þau fyrir
augunum alla daga.“
x x x
Á einum stað er millifyrirsögnin
Gerið húsverkin að leikfimi: „Þegar
þér þvoið gólf, sópið, ryksugið, heng-
ið út þvott eða starfið eitthvað ann-
að, skulið þér ekki beygja yður eða
hnipra saman, heldur nota tækifærið
og rétta úr yður við verkið, gera
þessi störf og önnur heimilisstörf,
sem til þess eru fallin, að leikfimi.
Hvað sem hverjum kann að finnast,
er það gott fyrir vaxtarlagið.“
x x x
Bennett hefur greinilega áhyggj-
ur af hreinlæti kynsystra sinna. Sér-
stakur kafli er um hreinlæti og talar
hún ekki um bað heldur þrifabað.
Leiðbeiningar um hvernig eigi að
baða sig eru í átta liðum og lýkur á
setningunni: „Nú eruð þér hrein.
Þetta var rækilegt bað.“ Ekki þó al-
veg hrein, því að nokkrum síðum síð-
ar koma leiðbeiningar um hárþvott.
Þær eru í ellefu liðum.
x x x
Bennett var þekkt leikkona á sín-
um tíma og því hefur bókinni ugg-
laust verið tekið vel er hún kom út,
en nú er hún í besta falli fyndin. vík-
verji@mbl.is
Víkverji
Því að laun syndarinnar er dauði en
náðargjöf Guðs er eilíft líf í Kristi Jesú,
Drottni vorum. (Rómverjabréfið 6:23)