Morgunblaðið - Sunnudagur - 17.05.2015, Blaðsíða 38
38 MORGUNBLAÐIÐ SUNNUDAGUR 17.5. 2015
Græjur og tækni
Sýndarveruleikafyrirtækið Oculus Rift, sem er í
eigu Facebook, hefur tilkynnt að sýndarveruleika-
hjálmur þess, The Rift, sem beðið hefur verið
með mikilli eftirvæntingu, muni koma á markað
snemma árs 2016. Búist er við því að Morpheus-
hjálmurinn frá Sony muni koma út um líkt leyti.
Sýndarheimur stækkar
Tölvusérfræðingar hafa nú uppgötvað nýjan tölvuvírus
sem virkar þannig að hann reynir að viðhalda sjálfum sér
með því að gera þá tölvu sem hann hýsir ónothæfa.
Vírusinn hefur hlotið nafnið Rombertik og verði hann
var við að einhver reyni að koma á hann böndum eyðir
hann mikilvægum gögnum á tölvunni sem gerir að verk-
um að hún endurræsir sig í sífellu. Greinendur segja
jafnframt að Rombertik skeri sig úr hópi tölvuvírusa að
því leyti að hann berjist hatramlega gegn hvers kyns til-
raunum til að stöðva hann. Í raun má segja að hann
fremji sjálfsmorð með því að eyðileggja sjálft tækið sem
hann lifir og hrærist í.
Á tölvum sem styðjast við Windows-stýrikerfi stelur
vírusinn hægt og bítandi ýmsum gögnum svo lengi sem
enginn hefur orðið var við hann. Hann ræðst yfirleitt á
tölvur í gegnum viðhengi í svikatölvupóstum. Oft er um
að ræða falska tölvupósta sem líta út fyrir að vera frá
fyrirtækinu Microsoft. Það sem jafnframt gerir vírusinn
einstakan er að hann bregst afar illa við komist hann á
snoðir um að einhver reyni að átta sig á virkni hans.
„Rombertik er ólíkur öðrum vírusum að því leyti að hann
reynir að eyðileggja tölvuna ef hann telur að verið sé að
reyna að greina hegðun hans. Hann framkvæmir reglu-
lega athuganir á því hvort hann sé sjálfur sé undir eftir-
liti,“ segja sérfræðingar frá öryggisfyrirtækinu Cisco.
Þá lætur vírusinn ekki staðar numið við tilraunir til að
eyðileggja tölvur heldur framkvæmir hann skipanir um
að prenta úr háðsglósur til þeirra sem reyna að stöðva
hann.
Óvenjulegur sjálfsmorðsvírus
Nýr vírus reynir að eyðileggja tölvuna sjálfa ef hann telur
að verið sé að reyna að greina hegðun hans.
Íbúar Lundúna þurfa oftar en ekki,
eins og íbúar annarra stórborga, að
sætta sig við samlífi við rottur, mýs
og önnur meindýr. Erfitt getur verið
að stemma stigu við slíkum plágum
en dýragóðgerðarsamtökin Wood
Green í borginni hafa nú sent frá sér
nýtt smáforrit sem hefur það að
markmiði að hjálpa fólki í London að
flæma nagdýr burt frá heimilum sín-
um og tryggja um leið umkomulaus-
um köttum samastað um hríð. Not-
endur forritsins geta kynnt sér ýmsa
ketti í forritinu, lesið sér til um sögu
þeirra og skoðað myndir, og að lok-
um óskað eftir því að fá að hýsa einn
þeirra að kostnaðarlausu. Juliette
Jones, einn starfsmanna Wood
Green, segir að um 200 ketti vanti
húsaskjól. „Kettirnir okkar myndu
njóta góðs af því að fá tímabundinn
samastað þangað til þeir finna sér
loks varanlegt aðsetur. Við vonumst
til þess að þessi einstaka þjónusta
verði til þess að hugur fólks opnist
og það geri sér grein fyrir kostum
þess að hafa elskulegan kött hjá
sér.“
APPIÐ
Bjarga köttum og
flæma burt nagdýr
A
pple Watch-úrið er nú loks komið á
markað og fyrstu eigendurnir um
víða veröld ganga nú um götur
með slíkt snjallúr um úlnliðinn.
Eflaust verja þeir fyrstu dögunum í að dást
að úrinu og prófa margvíslega möguleika
þess en eins og á við um allar aðrar nýj-
ungar í lífi fólks dvínar ljómi þess smám
saman og þá öðlast fólk raunsærri mynd af
því til hvers úrið nýtist því best. Í ljósi þess
að flestir möguleikar úrsins eru nú þegar að-
gengilegir í gegnum snjallsíma fólks er ekki
úr vegi að velta því upp hvaða fólki úrið mun
nýtast mest. CNN hefur fjallað um málið og
hér að neðan er að finna nokkrar hugmyndir
að því fyrir hvern úrið er í raun.
* FYRIR ÞÁ NÝJUNGAGJÖRNUApple skortir ekki aðdáendur enda myndast
oftar en ekki útihátíðarandrúmsloft fyrir utan
verslanir fyrirtækisins þegar ný vara er
væntanleg. Fyrir þá sem njóta þess að kynna
sér nýjustu tækni og vera með á nótunum
ætti Apple Watch því að vera tiltölulega aug-
ljós kostur. Þá skemmir ekki fyrir að hafa vit
á tækni og kippa sér ekki upp við einhverja
galla sem kunna að gera vart við sig í fyrstu
útgáfum úrsins. Snjallúr eiga án nokkurs vafa
framtíðina fyrir sér, munu verða sífellt al-
gengari sjón og nýjungagjarnt fólk mun án
nokkurs vafa hafa gaman af því að kynna sér
möguleika þeirra og getu.
* FYRIR ÞÁ SEM VINNA LÍKAMLEGA VINNU
Upphaflega voru það að mestu gagnrýn-
endur í tæknigeiranum sem stýrðu umræðu
og umfjöllun um úrið, en þeir eru upp til
hópa fólk sem ver mestum tíma sínum sitj-
andi við skrifborð, með snjallsíma sína innan
seilingar. Staðreyndin er sú að við skrifborð
kemur úrið ekki að miklum notum að þeim
eiginleika undanskildum að það minnir not-
andann reglulega á að standa upp og hreyfa
sig. Það er jafnframt ekki hraðvirkasta leiðin
til þess að komast að því hvað klukkan er í
ljósi þess að það eru örlitlar tafir á því að
klukkan sjálf birtist þegar hún er kölluð
fram á skjáinn. Á hinn bóginn gæti úrið nýst
þeim vel sem vinna á ferð. Fólk sem vinnur
við kennslu, eða þjónustu- eða hjúkr-
unarstörf gæti notið góðs af því að geta fyr-
irvaralaust skoðað tilkynningar af ýmsum
toga með því að líta snöggt á úlnliðinn.
* FYRIR FORELDRAAð eiga börn er auðvitað líkamleg vinna í
sjálfu sér og að hanga í símanum daginn
út og inn getur framkallað samviskubit.
Vilji fólk leitast við að takmarka tíma sinn
fyrir framan skjá á hverjum degi gæti
snjallúr — semsagt annar skjár til við-
bótar í líf þess — hjálpað til, enda auð-
veldara að halda sig frá snjallsímanum
sem óneitanlega hefur meira aðdráttarafl.
Eigi fólk jafnframt í fullu fangi með að
sinna ýmsum heimilisstörfum og brauð-
fæða afkvæmi sín getur úrið létt því lífið
enda er hægt að svara símtölum eða lesa
skilaboð með lítilli fyrirhöfn fyrir atbeina
þess.
* FYRIR ÞÁ SEM ERU HÁÐIRSNJALLSÍMANUM
Ef iPhone-fíkn þín er á svo háu stigi að hún
hefur slæm áhrif á samband þitt við fólkið í
kringum þig vegna þess að þú getur ekki
sleppt því að endurhlaða Facebook, eða
Twitter eða Snapchat á tveggja mínútna
fresti, mun þá Apple Watch gera illt vera
eða hjálpa til? Það má ímynda sér að það að
geta séð tilkynningar um leið og þær berast
komi í veg fyrir að fólk hangi í 20 mínútur á
samskiptamiðlum þegar það ætlaði bara að
skoða símann til að kanna hvort einhver
hefði hringt.
* FYRIR ÞÁ SEM ÓTTAST AÐ HELTAST ÚR LESTINNI
Óttinn við að heltast úr lestinni og vita ekki
hvað vinir og kunningjar eru að gera á
hverri stundu, eða jafnvel að vera ekki með
á nótunum um hvað er vinsælt eða mik-
ilvægt hverju sinni er raunverulegur og veld-
ur því að margir snjallsímaeigendur gera
ekki annað en að gaumgæfa símann sinn í
tíma og ótíma. Apple Watch mun að sjálf-
sögðu reynast þessu fólki vel enda munu því
berast hvers kyns tilkynningar í rauntíma á
skjá úrsins og hættan á því að viðkomandi
missi af einhverju dvínar.
* FYRIR ÞÁ GLEYMNU EÐA ÞÁ SEMGANGA MEÐ STÓRAR TÖSKUR
Í sannleika sagt er einn nytsamlegasti eigin-
leiki úrsins sá að með atbeina þess er um-
svifalaust hægt að vita hvar snjallsími manns
er niðurkominn. Þá kemur það einnig að
góðum notum fyrir þá sem ganga með stórar
töskur á sér og þurfa ítrekað að róta á botni
þeirra eftir símanum svo hægt sé að svara
símtali. Hver og einn verður hins vegar að
ákvarða fyrir sjálfan sig hvort þessir mögu-
leikar eru þess virði að reiða fram tugi þús-
unda króna fyrir.
* FYRIR ÞÁ SEM VILJA KOMA SKILABOÐUM Á FRAMFÆRI
Apple Watch er lúxusvara, alveg eins og
lúxusbílar og skór frá tískuhönnuðum. Það
er glæsilega hannað, ekki síst dýrustu út-
gáfurnar. Ákvörðunin um að fjárfesta í
slíku úri getur því falið í sér yfirlýsingu
um notandann sjálfan, það er að hann sé sú
manngerð sem hiki ekki við að verja háum
fjárhæðum í framúrstefnulega úlnliðs-
græju.
MARGIR MÖGULEIKAR ÚRSINS
Eiginleikar Apple úrsins eru margvíslegir og hentar það ólíku fólki með ólíkar þarfir.
APPLE WATCH-SNJALLÚRIÐ ER NÚ
KOMIÐ Á ALMENNAN MARKAÐ.
AÐDÁENDUR APPLE UM VÍÐA VER-
ÖLD BÍÐA JAFNFRAMT HVERS KYNS
NÝJUNGA FRÁ FYRIRTÆKINU MEÐ
MIKILLI EFTIRVÆNTINGU EN FYRIR
HVERN ER ÞETTA ÚR Í RAUN?
Halldór A. Ásgeirsson haa@mbl.is
Fyrir hvern er Apple Watch í raun?