Morgunblaðið - Sunnudagur - 31.05.2015, Blaðsíða 18

Ferðalög
og flakk
Góður ferðafélagi
*Ertu á leið í hitann? Sunnudagsblaðið mælirmeð að taka með sér í ferðina léttan klút eðaslæðu úr bómull. Einföld stykki sem hafamarga eiginleika, t.d. er þetta góð vernd gegnsólinni, má nota sem hálfgert handklæði,hægt að útbúa sem litla tösku og setja hluti íog einnig nota fyrir augun í sólbaði. Og ef-
laust er mun meira notagildi í slíkum klútum
og slæðum en hér hefur verið talið upp.
A
licante er höfuðborg Costa Blanca-héraðsins
á austurströnd Spánar. Eflaust hugsa
margir með sér að borgin sé þessi týpíska
túristaborg en í rauninni eru þar ekki að-
eins hálfbleikir ferðamenn með bakboka og djús í
brúsa eða mittistösku heldur einkennir borgina mikið
líf og menning. Þar er ótal margt í boði fyrir ferða-
langa.
Það sem er skemmtilegt við Alicante er að bæði er
hægt að njóta þess að skoða borgina og menningu
hennar, markaði og fjölbreytt söfn og einnig er hægt
að snara sér á ströndina sem er um sjö kílómetra
löng meðfram borginni. Handverkssalar setja síðan
svip sinn á höfnina og skella iðulega upp básum þar
sem þeir selja sinn varning. Þar myndast skemmti-
legur markaður þar sem ýmsar perlur má finna.
Inni í borginni er kastalinn Santa Bárbara sem er
frá 9. öld og stendur hann í um 170 metra hæð frá
sjávarmáli. Í grennd við Alicante eru gömul þorp og
gamlir bæir sem vert er að skoða. Mörg þeirra, t.d.
Altea, Alcoy og Villena, hafa verið í byggð í þúsundir
ára og margvíslegar byggingar vel varðveittar.
Heimamenn í góðum gír
Í borginni er mikið úrval af góðum veitingastöðum og
gaman að sækja þá sem eru þekktir fyrir tapasréttina
sína. Það er einstaklega skemmtilegt að borða tapas í
góðum hópi og allir deila réttunum og smakka sig
áfram hver af öðrum. Nándin er mikil og það myndast
fjörug stemning þegar allir fara að deila skoðunum
sínum á matnum sjálfum. Um þessar mundir stendur
yfir tapashátíð í Alicante sem nefnist Tardeo. Frá 18.
apríl og fram að 15. júní bjóða 53 veitingastaðir í
miðbæ Alicante upp á sérstök tilboð á tapasréttum
eða á 2,50 evrur og með hverjum rétti fylgir bjór.
Það er einstök upplifun að ganga í gegnum bæinn
og sjá heimamenn troðfylla göturnar með heitu blóði,
háu skvaldri og kraftmikilli orku sem smitar út frá
sér.
Ljósmyndir/Áslaug Snorradóttir
Dýrindis and-
arbolla með
hnetusmjörs-
kremi og rist-
uðum hnetum.
ALICANTE KEMUR SANNARLEGA Á ÓVART
Tapasveisla undir
berum himni
BRAGÐGÓÐUR MATUR, FALLEGT UMHVERFI OG SILKIMJÚK STRÖND ER ÞAÐ SEM EIN-
KENNIR ALICANTE-BORG Á SPÁNI. UM ÞESSAR MUNDIR STENDUR YFIR FJÖRUG TAPAS-
HÁTÍÐ ÞAR SEM 53 VEITINGASTAÐIR TAKA ÞÁTT.
Gunnþórunn Jónsdóttir gunnthorunn@mbl.is
Allskonar hópar klæða sig
upp og skella sér á Tardeo-
hátíðina sem stendur sem
hæst um þessar mundir.
Þessi tapasréttur
samanstendur af
kartöflum, hrá-
skinku, parmes-
anosti, rucola-
salati og andalifur.
Eggi er síðan skellt
ofan á og kryddað.
Sérlega góður.
Góð samsetn-
ing af meðal
annars beikoni
og önd, sem er
samsett í nokkurs-
konar snúð. Bragð-
góð sulta krýnir
toppinn.
Heimamenn skella sér í ýmsar skrautlegar múnderingar
og fagna þannig tapasveislunni í Alicante.