Morgunblaðið - Sunnudagur - 31.05.2015, Blaðsíða 26

Heimili
og hönnun *Laugardagurinn er lifandi í miðbæ Hafnarfjarðarfrá klukkan 11-17. Þá verður flóamarkaður áThorsplani og á túninu á móti Eymundsson.Einnig verður skottsala á bílaplaninu á milli Ey-mundsson og verslunarmiðstöðvarinnar Fjarð-ar. Þá verður mikið líf og fjör í bænum en versl-anir verða með skemmtileg tilboð fyrir utan
verslanirnar auk þess sem humarvagninn hefur
boðað komu sína á hátíðina.
Flóamarkaðir og fjör í Hafnarfirði
S
væðið á bókasafni Seltjarnarnes er aðallega hugsað fyrir yngri
unglinga og er hugmyndin á bak við verkið sú að kveikja áhuga
þeirra á að nýta meiri tíma á bókasafninu. Það hefur Theresa
Himmer gert með því að búa til svæði sem er sérstaklega ætlað
þessum ákveðna hópi. „Ég byrjaði á því að velta fyrir mér unglingsárun-
um og hvernig þetta tímabil í lífinu snýst um að skapa eigin sjálfsmynd
og finna sína staðsetningu í stærri hópum, bæði vinahópnum og í víðara
samhengi. Ég fór einnig að hugsa um hvernig það að læra og búa til nýja
þekkingu er ákveðin samvinna, eða eitthvað sem gerist í hópi. Þessar
tvær pælingar eru svolítið bakgrunnur þessarar seríu eða sætiseininga,“
segir Theresa Himmer sem frumsýndi verkið Sofa Complex á Hönn-
unarMars í mars síðastliðnum. Í verkinu segir hún ungmennin geta leikið
sér með það hvernig líkaminn er staðsettur í rýminu.
Theresa segir verkið byggt á eins konar keðju, leiðum til þess að vera
saman, að vera nálægt eða fjarri hvert öðru en samt sem áður í sama rými
þar sem hver persóna á að geta fundið sinn stað.
„Þegar þessar einingar eru samankomnar í rými myndast óendanlegir
möguleikar og leiðir sem ýta undir samveru.
Sofa Complex er í rými í einhvers konar rúðuneti. Það sem mér fannst
áhugavert og er mikilvægt við rúðunetið er að það er án hírarkís og án mið-
punkts og þannig er verið að reyna að styðja undir samveru á jöfnum for-
sendum.“
Umhverfið hvetur til skapandi hugsunar
Einingarnar eru smíðaðar úr 18 mm hágæðabirkikrossviði í Hjóli atvinnu-
lífsins. Síðan eru sætisfletirnir klæddir með teppi sem er unnið með sér-
stakri prenttækni sem svipar til þess að prenta á pappír. Myndin á eining-
unum er stór ljósmynd af fyrrverandi verki Theresu, Fossinum, sem var í
Bankastræti í Reykjavík.
Þessi stóra mynd er síðan skorin niður í minni hluta og klæðir alla sæt-
ishlutana og gerir þá þægilegri.
„Það sem mér fannst líka mikilvægt var að ögra hvernig við hugsum um
húsgögn og að koma saman í rými og hversu mikil áhrif það hefur á sam-
skipti og samveru. Mér fannst mikilvægt að skapa umhverfi sem hvetur til
skapandi hugsunar, eða horfa öðrum augum á það sem maður þekkir,“ út-
skýrir Theresa en form eininganna er innblásið af hefðbundnum stærðum á
húsgögnum og segist hún þannig hafa unnið með ákveðið stafróf, hæð og
dýpt hefðbundinna húsgagna.
„Ég er að leika mér með þetta stafróf með því að setja það saman á nýj-
an, óhefðbundinn hátt. Þetta vísar mjög mikið í hefðbundna húsgagnasmíði.
Síðan er hugmyndin að búa til möguleika á því að koma saman eða samein-
ast á ólíkan hátt.“ Hún segir bókasafnið jafnframt mikilvæga stofnun í sam-
félaginu og það sé mikilvægt að vera alltaf að þróa þessar stofnanir til að
tryggja að þar sé alltaf áhugavert rými fyrir alla aldurshópa. „Ég er því
ánægð að fá tækifæri til þess að vinna við þessa tegund stofnunar.“
Theresa
Himmer
Í verkinu Sofa Complex geta ungmennin leikið sér með hvernig líkaminn er staðsettur í rýminu.
Fossinn er verk eftir Theresu sem var sett upp í Banka-
stræti árið 2006.
Þegar einingar eru samankomnar í rými myndast óend-
anlegir möguleikar og leiðir fyrir samveru.
Á teppið sem klæðir einingarnar er prentuð mynd af eldra verki Theresu.
TÍMABILIÐ SNÝST UM AÐ FINNA SÍNA STAÐSETNINGU
Styðja undir
samveru á jöfn-
um forsendum
MYNDLIST OG ARKITEKTÚR SKIPA STÓRT HLUTVERK Í
VERKI THERESU HIMMER SEM HEFUR HANNAÐ ÁHUGA-
VERÐAR EININGAR Í RÝMI Í BÓKASAFNI SELTJARNARNESS
SEM ER ÆTLAÐ UNGLINGUM.
Sigurborg Selma Karlsdóttir sigurborg@mbl.is
* Mér fannstmikilvægtað skapa um-
hverfi sem hvetur
til skapandi
hugsunar, eða
horfa öðrum aug-
um á það sem
maður þekkir
Morgunblaðið/Styrmir Kári