Morgunblaðið - Sunnudagur - 31.05.2015, Blaðsíða 21

Ljósmyndir/Sigurjón Ragnar Sigurjónsson
31.5. 2015 MORGUNBLAÐIÐ SUNNUDAGUR 21
Edda Sigurðardóttir hefur búið á
vesturströnd Bandaríkjanna frá því
hún var nítján ára gömul en fyrstu
árin bjó hún í Seattle.
Ástæðan var sú að hún vildi búa
annars staðar en á Íslandi og það var
systir hennar sem var búsett í
Seattle sem aðstoðaði hana við
flutninginn á milli landa fyrir meira
en hálfri öld.
Hún lærði hárgreiðslu í Seattle og
á tvö börn en flutti til Portland árið
1982 þegar hún skildi við bandarísk-
an eiginmann sinn. Edda er mjög
ánægð í Portland en sonur hennar
býr þar einnig ásamt fjölskyldu sinni,
dóttir hennar býr í Washington DC.
Hún segir fáa Íslendinga búa í
Portland og var afar ánægð að hitta
Geir H. Haarde, sendiherra Íslands í
Bandaríkjunum, í hádegisverði sem
ferðamálayfirvöld í Oregon stóðu
fyrir nýverið í tilefni af áætlunarflugi
Icelandair milli Íslands og Portland.
Edda, sem talar lýtalausa íslensku,
klæddist íslenska þjóðbúningnum í
tilefni dagsins og fór vel á með henni
og sendiherranum í boðinu.
Fulltrúi Íslands í Portland
Bókabúðin Powell’s Books í Pearl-
hverfinu í Portland er risastór og
má segja að fyrir bókaorm sé það
að koma þangað inn eins og að
hafa lent í himnaríki.
Búðin hefur verið starfrækt í
Portland frá áttunda áratugnum.
Rætur Powell’s liggja til Chi-
cago, þar sem Michael Powell,
sem var þá nýútskrifaður úr Há-
skólanum í Chicago, opnaði sína
fyrstu bókabúð árið 1970. Að
áeggjan vina og kennara fékk Po-
well 3 þúsund Bandaríkjadali að
láni til þess að taka húsnæði á
leigu. Ævintýrið gekk upp og að
tveimur mánuðum liðnum var lán-
ið að fullu endurgreitt. Faðir
Michaels, Walter, málari á eft-
irlaunum, ákvað að aðstoða son
sinn í búðinni og varð svo hrifinn
að þegar hann snéri heim til Port-
land um haustið opnaði hann sína
eigin fornbókabúð.
Í kjölfarið hófst samstarf þeirra
feðga og nú er fátt sem minnir á
gömlu búðina.
Þar er hægt að kaupa notaðar
og nýjar bækur af öllum mögu-
legum stærðum og gerðum og frá
öllum heimshornum.
Búðin er á nokkrum hæðum og
er skipt upp í mismunandi deildir
þar sem maður getur fundið
margar útgáfur sömu bókar, hvort
heldur notuð eða ný eintök.
Himnaríki bókaormsins
Oregon er eitt af þremur helstu
vínhéruðum Bandaríkjanna. Í
Willamette Valley er að finna tæp-
lega eitt þúsund vínekrur í eigu á
sjötta hundrað framleiðenda.
Á aðeins fjörutíu árum hefur
Oregon skapað sér nafn í vínheim-
inum bæði með hvítvíni og rauðvíni
en helstu þrúgurnar eru pinot noir
og pinot gris.
Svokallað Miðjarðarhafsloftslag,
hlý þurr sumur og mildir vetur, hef-
ur þar mikið að segja en það er
heitast í lok júlí og byrjun ágúst.
Frá 24. júní til 20. september er
meðalhiti að degi til 23 gráður og
lítil úrkoma.
Á veturna er kaldasti tíminn frá
16. nóvember til 23 febrúar en þá
er meðalhitinn að degi til 11 gráð-
ur. Það snjóar í fjöll en lítið sem
ekkert á láglendi en það rignir aftur
á móti á veturna.
Miðjarðarhafs-
loftslag við
Kyrrahafið
ÖRYGGISVÖRUR
VERKTAKANS
–Þekking og þjónusta í 20 ár
Tunguhálsi 10 • www.kemi.is
KÍKTU Í KEMI OG SKOÐAÐU ÚRVALIÐ!