Morgunblaðið - Sunnudagur - 31.05.2015, Page 22
Heilsa og
hreyfing
Íslendingar gera það gott
Morgunblaðið/Eggert
*Evrópuleikarnir í CrossFit eru í fullum gangiog standa út helgina. Eitt íslenskt lið, sjö ís-lenskar stelpur og tveir íslenskir strákar takaþátt í leikunum en þau eiga öll raunhæfamöguleika á að enda í fimm efstu sætunumog komast þannig áfram á Heimsleikana ííþróttinni sem fara fram í Kaliforníu í júní.
Hægt er að fylgjast með allri keppninni á
www.games.crossfit.com.
Ú
tivistarfólk og ofurhugar sem ná
að klára Fossavatnsgönguna,
Blue Lagoon Challenge, Urriða-
vatnssund og Jökulsárhlaupið á
innan við tólf mánuðum geta fengið inn-
göngu í Fjölþrautafélagið Landvætti. ,,Mað-
ur verður landvættur fyrir lífstíð ef manni
tekst að klára þessar fjórar þrautir á tólf
mánaða tímabili. Hins vegar er ekki hægt
að vera hálfur landvættur,“ segir Ingvar
Þóroddson, formaður félagsins.
Hann segir að frá því að félagið var
stofnað árið 2012 hafi iðkendum í öllum
fjórum greinum fjölgað, sérstaklega hafi
hlaupafólki á höfuðborgarsvæðinu fjölgað
„Við teljum þetta verkefni okkar hafa haft
einhver áhrif á þá fjölgun.“
Þrautirnar fela í sér skíði, hlaup, hjólreið-
ar og hlaup og eiga sér stað í hverjum
landshluta. Fossavatnsgangan fer fram Ísa-
firði og er 50 kílómetrar að lengd, reið-
hjólakeppnin Blue Lagoon Challenge fer
fram í Hafnarfirði og er 60 kílómetrar að
lengd en Urriðavatnssund fer fram í Urr-
iðavatni við Egilsstaði og er 2,5 kílómetrar
að lengd. Loks er Jökulsárshlaupið 32,7
kílómetrar að lengd en í því er hlaupið frá
Dettifossi að Ásbyrgi.
Ingvar bendir á að þrautirnar séu ekki á
vegum félagsins heldur hafi þær verið til í
langan tíma. Til að mynda hafi Fossavatns-
gangan farið fram í sextugasta og fimmta
skiptið í ár. ,,Þessi hugmynd er þó ekki ný
af nálinni því Svíar eru með svipað fyr-
irkomulag. Þar heitir þetta En svensk
klassiker.“
Vísar Ingvar þar með til Vasaloppet sem
er 90 kílómetra skíðaganga, Vätternrundan
sem er 300 kílómetra langur hjólreiða-
hringur, Vansbrosimningen sem er þriggja
kílómetra langt sund og Lidingöloppet sem
er 30 kílómetra langt hlaup.
Markmið Landvætta er að safna með-
limum. Þeir eru nú 48 talsins en voru aðeins
sautján þegar söfnun félaga hófst árið 2013.
Ingvar segir landvættaþrautirnar ætlaðar
fólki sem æfi nokkuð stíft. Hins vegar hafi
alltaf staðið vilji til þess innan félagsins að
gefa öðrum möguleika á þátttöku í félaginu.
Þess vegna vilji stjórn Landvætta fjölga
leiðum til þess að fólk geti orðið félagar, þá
í formi aukafélaga. ,,Frá og með 2016 mun-
um við bjóða fólki upp á að gerast Lang-
vættir en þá hefur fólk fjögur ár til þess að
leysa þrautirnar. Þannig geta fyrstu Lang-
vættirnir geta orðið til eftir Fossavatns-
gönguna í byrjun maí 2016.“
Félagið mun einnig bjóða fólki upp á að
leysa af hendi svokallaða fjórðunga frá og
með árinu 2016. Um að ræða sömu greinar
en þær þarf að leysa af hendi á tólf mán-
uðum og þær þarf að taka í sama lands-
fjórðungi. Atburðurinn þarf einnig að vera
viðurkenndur. ,,Greinarnar eru 400 metra
sund, tveggja og hálfs kílómetra hlaup,
fimm kílómetra skíðaganga og tíu kílómetra
hjólreiðar,“ segir Ingvar og nefnir sem
dæmi að nýlega hafi verið staðið fyrir
sprettþríþraut í Kópavogi þar sem keppt
hafi verið í þremur þessara greina.“
Fyrir þá sem telja landvættaþrautirnar
fjórar of auðveldar, stefnir Fjölþrautafélagið
Landvættir á að setja á stofn nýtt fyr-
irkomulag, Landrisann. Þar eru sömu grein-
ar og í Landvættinum en vegalengdir
lengri. Stefnt er að því að vera búið að þróa
það afbrigði á 10 ára afmæli félagsins árið
2023.
Blue Lagoon Challenge er
haldin árlega af Hjólreiða-
félagi Reykjavíkur.
Morgunblaðið/Golli
FJÖLÞRAUTAFÉLAGIÐ LANDVÆTTIR
Fjórar
eldraunir
ÞEIR SEM KLÁRA FJÓRAR ÞRAUTIR, HVERJA Í SÍNUM LANDSHLUTA, GETA
GENGIÐ Í FJÖLÞRAUTAFÉLAGIÐ OG KALLAÐ SIG LANDVÆTTI.
Brynja Björg Halldórsdóttir brynja@mbl.is
Fossavatnsgangan á Ísafirði er 50 kílómetra skíðaganga.
Morgunblaðið/Halldór Sveinbjörnsson
Urriðavatnssundið hjá Egilsstöðum er tveir og hálfur kílómetrar að lengd.
Morgunblaðið/Árni Sæberg
Jökulsárhlaupið er 32,7 kílómetrar. Hlaupið er frá Dettifossi að Ásbyrgi.
Morgunblaðið/Kristinn