Morgunblaðið - Sunnudagur - 31.05.2015, Blaðsíða 36
Græjur
og tækni
Pac-Man 35 ára
*Fyrir viku fagnaði Pac-Man 35 ára afmæli, en íljósi þess að mannkyn hefur eytt á fjórðumilljón ára í að spila leikinn má gera ráð fyrirað flestir þekki hann. Færri vita þó vænt-anlega að leikurinn var upphaflega ætlaðurstúlkum og meðvituð tilraun höfundar leiks-ins til að koma fleiri konun inn í tölvu-
leikjasali. Talið er að spilakassaútgáfan hafi
verið spiluð tíu milljörðum sinnum.
Það er merkilegt til þess að hugsa að það séu liðin þrettánár síðan IBM kynnti fyrstu ThinkPad-fartölvuna og ekkisíður merkilegt að enn sé verið að framleiða fyrirtaks
tölvur undir því vörumerki, þó nú sjái Lenovo um þróun og
smíði. Lengi vel var IBM ThinkPad-fartölva reyndar mín
uppáhalds-ferðavél. Víst var hún heldur þung og ekkert sér-
lega hraðvirk, en hún var frábærlega traustbyggð, það var
hægt að reka niður tjaldhæla með henni, sló aldrei feilpúst og
með frábært lyklaborð.
Frá því Lenovo tók við vörumerkinu og framleiðslunni allri
fyrir áratug þykir mér sem vel hafi verið haldið á spöðunum,
en þó hefur orðið tölvuverð breyting á því sem kalla má hug-
myndafræðina á bak við línuna –
þegar IBM hélt um taumana voru
ThinkPad-fartölvur traustar og
dýrar og ekki ýkja tæknilegar, en
Lenovo-vélarnar eru jafnan mjög
framsæknar í tækni og hönnun og
á þokkalegu verðbili.
Tegundarheiti á ThinkPad-
fartölvunum fer eðlilega eftir út-
færslu, en þær vélar sem jafnan
eru mest fyrir augað og með bestu
tækniútfærsluna eru í svonefndri X-línu, ekkert rosalega hrað-
virkar, en mjög nettar og meðfærilegar og frekar dýrar vegna
þess að fartölvur eru náttúrlega dýrari eftir því sem þær eru
þynnri. Lengst ganga Lenovo-menn í svonefndri Thinkpad X1
Carbon, sem er í senn fislétt og næfurþunn.
Thinkpad X1 Carbon kom á markað 2012 og leysti þá af
hólmi eldri X1-týpur, en eins og heiti tölvunnar ber með sér
þá er boddíið á henni úr koltrefjaefni sem gerir hana í senn
léttari og sterkari en sambærilegar tölvur. Fyrir vikið er líka
hægt að hafa hana þynnri en gengur og gerist og svo þunn er
hún reyndar orðin í nýjustu útfærslu sinni að ekki veit ég
hvort lengra verður komist í þeim efnum.
Eftir því sem tækninni hefur fleygt fram hafa X1-vélarnar
orðið þynnri og öflugri, sem er ekki fréttnæmt í sjálfu sér, en
heldur stærra skref fannst mér þegar þær fengu snertiskjá,
en X1 með snertiskjá birtist fyrst 2013. Nú er það umdeilt
hversu gagnlegt það er að vera með fartölvu með snertiskjá,
en ég vitna fúslega um það að mér finnst það afskaplega
þægilegt og flýta fyrir ýmsum verkum.
Eitt af því sem ég hef helst kunnað að meta við ThinkPad-
fartölvurnar er að þær eru allar með framúrskarandi lykla-
borð, en rétt að geta þess þó að Lenovo hefur leyft sér að
hnika til ýmsu á þeim lyklaborðum, þó fæstar breytingar séu
beinlínis byltingarkenndar. Á síðustu útgáfu af X1, sem ég
prófaði ekki beinlínis en komst í tæri við í verslun, hafði F-
hnöppunum til að mynda verið breytt í snertirönd, sem mér
fannst ekki slæm hugmynd, en heldur kunni ég verr við nýja
snertiflötinn, eða músarflötinn. Á 2015-gerð X1 Carbon eru F-
hnapparnir á sínum stað, eins og sjá má á meðfylgjandi mynd,
en líka er búið að færa snertiflötinn til fyrra horfs og gerðar
fleiri smávægilegar breytingar á lyklaborðinu sýnist mér (hef
ekki samanburðinn tiltækan).
Það er alltaf gaman að taka fartölvu úr kassanum, en sjald-
an eins gaman og þegar það er vél eins og X1-tölva, endar eru
þær ævintýralega léttar og straumlínulagaðar. Ekki finnst
mér þær þó vera neinn skæningur, hún virkar traust og
boddíið gefur lítið eftir þó vélin sé fínleg að sjá. Ég skoðaði
miðlungsöfluga vél eins og sjá má af upptalningunni hér til
hliðar, sem kostaði 392.057 kr. í netverslun Nýherja, en hægt
er að fá hana mun öflugri og með stærri disk en verðið fer
líka hækkandi eftir því: Með i7 örgjörva og 512 GB PCI-e
SSD disk (sem er ca. þrisvar sinnum hraðvirkari en hefðbund-
inn SSD-diskur) kostar hún 551.133 kr. sem er vissulega
nokkuð mikið, en það deyja líka allir úr öfund þegar hún er
dregin upp úr töskunni á fundum.
SANNKALLAÐ FIS
* Eins og getið er prófaði ég vél með Intel i5-örgjörva,nánar tiltekið tveggja kjarna Intel Core i5 5300U 2,3-2,7
GHz. Minni í vélinni er 8 GB og ekki hægt að hafa það
meira. Skjárinn er mjög fínn, 14" TFT WQHD LED IPS
snertiskjár með upplausnina 2560x1440 díla. Myndavél ofan
við skjáinn. Í vélinni er 256 GB „diskur“.
* Séð hef ég kvartað yfir því að ekki sé hefðbundið Ether-net-tengi á vélinni, en það er náttúrlega til þess að hægt sé
að hafa hana sem þynnsta. Breytistykki fylgir reyndar, en þar
sem þráðlausa netkortið í henni styður 802.11 AC, meðal
annars, ætti það ekki að vera vandamál.
* Eins og fram kemur í textanum hér til hliðar er vélineinkar nett; hún er 33,1 x 22,7 cm að stærð og 18.46 mm að
þykkt og ekki nema 1,44 kg að þyngd. Rafhlöðuending er
sögð allt að 10 tímar, sem er líklega ekki langt frá raunveru-
leikanum, en fer vitanlega eftir því í hvað hún er notuð. Upp-
sett á henni er 64 bita Windows 8.1 Pro.
Græjan
ÁRNI
MATTHÍASSON
ÞÓ MAÐUR EIGI VITANLEGA AÐ VELJA FARTÖLVUR EFTIR ÞVÍ
HVERSU HAGKVÆMAR ÞÆR ERU, HVERSU MIKLA VINNSLU-
GETU MAÐUR FÆR FYRIR KRÓNUNA, ER LÍKA SKYNSAMLEGT
AÐ LÍTA TIL ÚTLITSINS OG Í ÞVÍ SKÁKAR VARLA NOKKUR
THINKPAD X1 CARBON FRÁ LENOVO SEM ER EKKI BARA
NETT OG LÉTT, HELDUR LÍKA FÁRÁNLEGA FLOTT.
Á Google I/O þróunarráðstefnu sinni í vik-
unni kynnti Google væntanlega útgáfu af
Android sem kallast í dag Android M, en
endanlegt nafn verður kynnt í haust þegar
þróunarverkfærum verður dreift.
Það kemur sjálfsagt ekki á óvart að nýju
stýrikerfi fylgi ýmsar nýjungar, en þær eru
eðlilega mun fleiri en nefna má á einni ráð-
stefnu. Helstu atriði sem kynnt voru eru
þó eftirfarandi:
Betri aðgangsstýring á hugbúnaði:
Eins og þeir þekkja sem notað hafa Andro-
id-síma þá þarf maður ótrúlega oft að
stússa með aðgangsstýringu forrita, velja
hvaða forrit eigi að opna tiltekið skjal,
hvaða forrit eigi að afgreiða tiltekinn tengil
og svo má telja. Í nýrri útgáfu verður þetta
mun einfaldara en forðum og eins verður
einfalt að skoða hvaða aðgang hvert forrit
hefur og breyta ef vill.
Fingrafaraskannar: Stuðningur við fingra-
för við innskráningu og auðkenningu verður
aukinn til muna sem verður þá væntanlega
til þess að hann verður almennari í símum,
en þó því hafa Android-símar dregist aftur
úr iPhone til að mynda.
Borgað með símanum: Þó það sé enn
nokkuð í land að hægt verði að borga með
símanum hér á landi er skemmra í það vest-
an hafs. Android Pay heitir þjónustan og
byggir á NFC-væðingu síma og skynjara í
verslunum, en viðkomandi sími þarf þá að
vera að tengdur við greiðslukort.
Rafhlöðuending: Símaeigendur kvarta yfir
allskonar, en mest þó yfir rafhlöðuendingu. Í
Android M verða ýmsar viðbætur sem
lengja eiga í rafhleðsl-
unni, meðal annars
með því að „svæfa“
símann eða þar um bil
þegar maður leggur
hann frá sér. (Í því
sambandi má nefna að
ný gerð af USB-tengi,
USB Type-C, verður á
næstu gerð Nexus-
tækja og þá með tengi
sem má snúa hvernig
sem er og skilar líka
meiri spennu svo síminn er fljótari að hlaða
sig.)
Leitað hvar sem er: Google Now leita-
þjónustan mun geta leitað að hverju því sem
maður er með á skjánum þegar þrýst er á
miðjuhnappinn. Það
getur þannig leitað
að nafni í tísti eða í
Facbookfærslu án
þess maður þurfi að
fara út úr viðkomandi
forriti.
Afrit af forritum:
Þeir sem skipta ört
um síma gleðjast yfir
fréttum af því að Go-
ogle Play mun taka
dagleg afrit af for-
ritum, gögnum og
stillingum þeirra. Það eru reyndar takmörk
á gagnamagni með hverju forriti (ekki meira
en 25 MB með hverju forriti), en afritin
skerða ekki það pláss sem maður annars
hefur hjá Google Drive.
GOOGLE I/O
Ný útgáfa af Android