Fréttablaðið - 04.04.2015, Page 78

4. apríl 2015 LAUGARDAGUR| SPORT | 54
Ég er orðin smá
mamma í mér og það fer
með mér út á völlinn
líka.
Margrét Lára Viðarsdóttir
Gildi - lífeyrissjóður
Sætúni 1
105 Reykjavík
Sími 515 4700
www.gildi.is
gildi@gildi.is
Á R S F U N D U R
Ársfundur Gildis-lífeyrissjóðs verður haldinn á Grand Hótel
Reykjavík miðvikudaginn 15. apríl kl. 17.00.

Dagskrá fundarins:

1. Venjuleg ársfundarstörf.
2. Tillögur til breytinga á samþykktum sjóðsins.
3. Samruni Gildis-lífeyrissjóðs og Lífeyrissjóðs Vestfirðinga.
4. Önnur mál, löglega upp borin.
Tillögur til breytinga á samþykktum sjóðsins liggja frammi á skrifstofu
sjóðsins og eru birtar á heimasíðunni,
Allir sjóðfélagar eiga rétt til setu á ársfundinum með málfrelsi og
tillögurétti. Sérstakt fulltrúaráð, að jöfnu skipað fulltrúum stéttarfélaga
og samtaka atvinnurekenda sem að sjóðnum standa, fer með atkvæði
á ársfundinum.
Tillögur til ályktunar sem taka á fyrir á ársfundi þurfa að
berast stjórn sjóðsins eigi síðar en viku fyrir ársfund.
Kynningarfundur fyrir sjóðfélaga verður haldinn á
Hótel Ísafirði föstudaginn 17. apríl. kl. 17.00.
Reykjavík 31. mars 2015,

lífeyrissjóður
Stjórn Gildis-lífeyrissjóðs.
2015
www.gildi.is
SPORT
FÓTBOLTI „Að sumu leyti líður mér
eins og ég sé að byrja upp á nýtt.
Það er svolítið skrítið að koma
aftur inn í landsliðið eftir langa
fjarveru,“ segir Margrét Lára
Viðarsdóttir en hún kom aftur inn
í íslenska landsliðið á Algarve-
mótinu á dögunum en hún hafði þá
verið fjarverandi í eitt og hálft ár
þar sem hún eignaðist barn.
Margrét Lára og stelpurnar í
landsliðinu verða í eldlínunni í
Kórnum í dag klukkan 14.00 er
þær spila við sterkt lið Hollands í
vináttulandsleik.
„Hugarfarið hjá mér hefur líka
breyst svolítið. Ég er farin að
þroskast og taka meiri ábyrgð en
áður. Maður hugsar meira um að
hjálpa liðinu fyrst og fremst og
leikmönnunum í kringum sig. Ég
er orðin smá mamma í mér og það
fer með mér út á völlinn líka. Ég er
ekki lengur á vellinum á eigin for-
sendum að reyna að bæta eitthvert
markamet,“ segir Margrét Lára en
var hún þá bara að hugsa um sjálfa
sig áður?
„Nei, ég segi það nú ekki. Þetta
er bara öðruvísi núna. Ég hef sjö
ára meiðslasögu á bakinu, er að
eldast og veit að ég er ekkert að
fara til Potsdam. Forsendurnar hjá
mér hafa breyst og ég í leiðinni.“
Losnar aldrei við meiðslin
Eins og Margrét kemur inn á
glímdi hún við erfið meiðsli aftan í
læri í mörg ár en það lagaðist eftir
barnsburðinn. Sá gamli draugur er
þó byrjaður að banka aftur upp á.
„Ég hef verið að lenda í smá
vandræðum út af þessu. Það var
búið að vera mikið álag og ég hélt
að ég væri orðin alveg laus við
þetta en það er ljóst að ég verð að
lifa við þetta það sem eftir er af
mínum ferli. Álagið á mér var því
minnkað aftur og ég er í fínu jafn-
vægi núna.“
Framherjinn magnaði er kom-
inn aftur á mála hjá sænska liðinu
Kristianstad þar sem hún gerði
það gott áður.
„Það er mjög gaman og frábært
að geta einbeitt sér að fótboltanum
aftur. Það eru forréttindi að hafa
boltann að atvinnu og maður verð-
ur að kreista það aðeins lengur,“
segir Margrét Lára en hún verður
29 ára gömul í sumar.
Ætlar í master í sálfræði
Á meðan hún hefur spilað fótbolta
hefur hún líka menntað sig og er
farin að huga að því sem tekur við
er hún leggur skóna á hilluna.
„Óneitanlega er ég farin að
horfa fram á veginn því ég hef
markmið varðandi atvinnu síðar
meir. Ég er búin að klára BS í sál-
fræði og íþróttafræði og stefni á
mastersnám í sálfræði. Meðan lík-
aminn er í góðu standi og ég hef
svona gaman af þessu þá held ég
áfram. Ég er búin að lofa þjálfar-
anum að fara í það minnsta með
á næstu lokakeppni sem er 2017.
Það væri gaman að toppa þar sem
leikmaður með liðinu. Ég horfi því
þangað og mun taka stöðuna eftir
það.“
Margrét Lára er markahæsti
leikmaður í sögu kvennalands-
liðsins með 71 mark í 97 landsleikj-
um. Hvorki hún né aðrir leikmenn
landsliðsins voru á skotskónum á
Algarve-mótinu þar sem liðið skor-
aði ekki eitt einasta mark.
„Við reyndum að taka það
jákvæða úr mótinu. Það var fullt
af flottum hlutum sem við vorum
að gera. Við einbeittum okkur að
varnarleiknum og hann gekk mjög
vel. Það má heldur ekki gleyma því
að við vorum að spila á móti bestu
þjóðum heims,“ segir Margrét en
engu að síður hefur íslenska lið-
inu oft gengið vel á þessu móti og
meðal annars komist í úrslit. Þetta
var slakasta frammistaða Íslands
á mótinu.
„Þetta var æfingamót og við
fengum út úr mótinu það sem við
þurftum fyrir utan stigin. Ég held
samt að það sé mikilvægt að við
vinnum þennan leik gegn Hollandi.
Ekki síst fyrir andlegu hliðina. Að
fá sigurtilfinninguna aftur.“
Það hafa orðið kynslóðaskipti í
landsliðinu og meðan þau gengu
yfir tókst liðinu ekki að komast
á HM og í kjölfarið kom slakur
árangur á Algarve. Nú er þeim
lokið og stelpurnar ætla sér stóra
hluti í undankeppni EM.
Ætlum að vinna riðilinn
„Við höfum aldrei unnið riðilinn
okkar í undankeppni EM en nú
erum við í efsta styrkleikaflokki
þannig að möguleikinn á að vinna
riðilinn er fyrir hendi. Við ætlum
því að vinna þennan riðil og fara
beint á EM,“ segir Margrét Lára
en hver er munurinn á liðinu í
dag og fyrir þremur til fjórum
árum?
„Það hefur alltaf verið mikill
metnaður í kvennalandsliðinu og
leikmenn hafa lagt mikið á sig.
Við erum með 11-13 leikmenn
sem spila erlendis. Fæstar okkar
eru þar vegna peninganna heldur
erum við þarna af því okkur lang-
ar að bæta okkur og verða betri
leikmenn. Það hugarfar er í þess-
um hópi. Hér eru allar stelpurnar
í toppformi og heilt yfir finnst mér
allir leikmennirnir vera þannig í
dag. Mér finnst unun að horfa á
þetta lið og sjá hvað leikmenn eru
miklir fagmenn.“
henry@frettabladid.is
Tek meiri ábyrgð en áður
Margrét Lára Viðarsdóttir segist vera orðin meiri liðsmaður en hún var og hugarfar hennar hafi breyst. Hún
veit að ferillinn er farinn að styttast en ætlar að spila með landsliðinu á EM 2017 og skoða svo stöðuna.
STEMNING Það var stuð á æfingu kvennalandsliðsins í vikunni. Hér eru Margrét
Lára og Guðný Björk Óðinsdóttir á flugi. FRÉTTABLAÐIÐ/VILHELM
HANDBOLTI Leikur ársins í þýska
handboltanum fer fram á morg-
un þegar tvö bestu lið Þýskalands
mætast í leik sem gæti gert út um
titilbaráttuna í Þýskalandi.
Topplið Kiel tekur þá á móti
Rhein-Neckar Löwen. Kiel er með
tveggja stiga forskot á toppnum en
hefur leikið einum leik meira.
Mikil spenna er fyrir leiknum í
Kiel og þeir miðar sem fóru í sölu
á leikinn seldust upp á 20 mínút-
um. Rúmlega 10 þúsund manns
munu gera allt vitlaust á leiknum
en forráðamenn Kiel sögðust auð-
veldlega hafa getað selt tíu þúsund
miða í viðbót.
„Þetta verður mjög erfitt fyrir
okkur að öllu leyti ef Kiel vinn-
ur. Kiel er til að mynda með mun
betra markahlutfall og ég sé ekki
hvar liðið á að tapa stigum. Við
verðum, og ætlum, okkur að vinna
þennan leik,“ sagði Nikolaj Jacob-
sen, þjálfari Löwen, en Kiel varð
meistari á markamun í fyrra.
Stefan Kretzschmar handbolta-
spekingur segir að titillinn sé
undir í þessum leik.
„Ef Kiel vinnur þá er liðið orðið
meistari. Liðið hefur verið að
bæta sig í allan vetur og það er
mikið sjálfstraust í liðinu. Ég held
að liðið tapi ekki fleiri stigum í
vetur,“ sagði Kretzschmar.
Alfreð Gíslason er þjálfari Kiel
og Aron Pálmarsson spilar með
liðinu. Alexander Petersson og
Stefán Rafn Sigurmannsson spila
með Löwen. Leikurinn er í beinni
útsendingu á Stöð 2 Sport og hefst
útsending klukkan 15.10. - hbg
Úrslitaleikur í Kiel
Uppgjör Kiel og Löwen fer fram í Kiel á morgun.
Í LYKILHLUTVERKI Aron Pálmarsson mun spila stórt hlutverk í leiknum gegn
Löwen á morgun. FRÉTTABLAÐIÐ/GETTY
UFC Gunnar Nelson mun mæta
Englendingnum John Hathaway
í búrinu í Las Vegas þann 11. júlí
næstkomandi.
Það hefur mikið gengið á hjá
Hathaway á ferlinum. Hann
hefur unnið 17 bardaga en tapað
tveimur. Síðasti bardagi hans var
fyrir 13 mánuðum og þá tapaði
hann. Hann vann þrjá bardaga
þar á undan.
Hathaway hefur aftur á móti
lítið keppt síðustu ár enda var
hann greindur með Crohns-sjúk-
dóminn árið 2010 og það hefur
háð honum síðustu ár.
Crohns-sjúkdómurinn er lang-
vinnur bólgusjúkdómur sem
einkennist af tímabilum þar
sem sjúklingurinn er með hita,
kviðverki, niðurgang og jafn-
vel megrast en þess á milli er
hann einkennalítill/laus, að því er
kemur fram á doktor.is.
Hathaway keppti einu sinni
árið 2011 og tvisvar árið 2012. Þá
tók hann sér frí vegna veikind-
anna en kom til baka í fyrra.
Gunnar keppti síðast í október í
fyrra er hann tapaði sínum fyrsta
bardaga. Það var gegn Rick Story
og tapaði Gunnar á dómara-
úrskurði.
Hathaway kannast vel við
Story en þeir mættust í búrinu
árið 2009. Sá bardagi fór allar
þrjár loturnar og dæmdu allir
dómararnir Hathaway sigur.
Hann kláraði því manninn sem
stöðvaði Gunnar.
Það verður áhugavert að sjá
hvernig Hathaway mætir til leiks
í Las Vegas. - hbg
Hver er John
Hathaway?
HATHAWAY Hefur lagt manninn sem
vann Gunnar. FRÉTTABLAÐIÐ/GETTY
0
3
-1
2
-2
0
1
5
2
3
:3
9
F
B
0
8
8
s
_
P
0
8
3
K
.p
1
.p
d
f
F
B
0
8
8
s
_
P
0
7
8
K
.p
1
.p
d
f
F
B
0
8
8
s
_
P
0
0
6
K
.p
1
.p
d
f
F
B
0
8
8
s
_
P
0
1
1
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
7
6
9
-2
0
7
C
1
7
6
9
-1
F
4
0
1
7
6
9
-1
E
0
4
1
7
6
9
-1
C
C
8
2
8
0
X
4
0
0
5
B

F
B
0
8
8
s
_
3
_
4
_
2
0
1
5
C
M
Y
K