Morgunblaðið - Sunnudagur - 28.06.2015, Blaðsíða 13

fólks á viðfangsefninu. Eitt skref er
tekið í einu. „Ég hef fengið fólk upp
að mér sem hefur sagt við mig að
ég hafi hreyft við femínistanum í því
og mér þykir alltaf vænt um það.
Við reynum kannski líka að vera
fyrirmyndir og tölum hvort við ann-
að af virðingu um þessi málefni,
þetta eru oft viðkvæm málefni sem
margir eiga til að æsa sig yfir,“ seg-
ir Anna Tara. „Fyrir mitt leyti
finnst mér þetta bara gaman. Mér
finnst gaman að uppgötva nýja hluti
hvað varðar femínisma og allt sem
honum tengist. Öll mín uppáhalds-
áhugamál, sem eru myndasögur,
bíómyndir og poppkúltúr, eru nátt-
úrulega löðrandi í karlmennsku. Það
er ekki mikið jafnvægi þar og karl-
mennirnir eru ofan á. Í raun ógna
femínískar hugmyndir öllu sem ég
hef brennandi áhuga á. En það
truflar mig ekki og eyðileggur ekki
áhugamálin mín fyrir mér, heldur
finnst mér bara gaman að sjá hina
hliðina, vera meðvitaður og skilja
kynjamisréttið. Þess vegna var ég
mjög glaður að sjá nýju Mad Max-
myndina, þar sem kona leikur aðal-
hlutverkið, og varð mjög ánægður,“
segir Hugleikur og brosir.
Má grínast með nauðganir?
Spjallið leiðist út í umræðu um grín
og vangaveltur um hvort megi gera
grín að ákveðnum málum eða ekki.
Er fólk í dag orðið viðkvæmt fyrir
gríni? „Ég veit hreinlega ekki hvort
fólk er viðkvæmara núna eða hvort
Facebook sé bara til. Í mörgum til-
fellum eru samskiptamiðlar búnir að
breyta hvernig er talað og hugsað
um svo marga hluti. Það heyrast
miklu fleiri raddir og skoðanir í
krafti Facebook,“ segir Hugleikur.
„Það er meira og meira gagnrýnt
hvað má djóka með og hvað ekki.
Ég hef séð komment og greinar á
netinu þar sem er lögð áhersla á að
það megi ekki grínast með nauðg-
anir. En grín er leið til að nálgast
ákveðið umræðuefni eða málefni.
Nauðgunarbrandari sem gerir grín
að brotaþola er hins vegar ekki
brandari heldur árás, en grínistar
hafa lengi grínast með eitthvað al-
vörutengt til þess að sýna fram á
hversu fáránlegt viðkomandi málefni
er og það virkar.“
Anna Tara tekur undir þetta. „Ég
heyri þetta líka, að það sé bannað
að segja nauðgunarbrandara og ég
skil hvaðan þau rök koma. Fyrir
mér er lykillinn að því að segja
nauðgunarbrandara sá að gera grín
að gerendanum eða samfélaginu en
ekki þolandanum. Þegar brandarinn
er settur upp þannig þá dýpkar það
stundum skilning á hversu klikk-
aður raunveruleikinn er og getur
það oft verið þolendum í hag,“ segir
Anna Tara. Brandarar Hugleiks eru
þekktir fyrir að hafa fremur svartan
brag á sér en á sama tíma vekja
þeir mann oft til umhugsunar um
blákaldan raunveruleikann. Hann
segir það daglegt brauð að fólk
móðgist yfir bröndunum hans en
finnst það allt í lagi.
„Ekki það að mér finnist gaman
að ögra, mér finnst bara gaman að
fólk hafi skoðanir á hlutunum. Ef
einhver verður reiður yfir því sem
ég segi eða teikna þá finn ég ekki
þörfina til að leiðrétta eða útskýra.
Margir verða pirraðir á Face-
book-síðunni minni og eru fyrir vik-
ið gjarnan kallaðir teprur eða húm-
orslausir af öðrum en að mínu mati
má viðkomandi bara vera tepra eða
húmorslaus, það er ekkert að því og
bara nauðsynlegur hluti af flórunni,“
segir Hugleikur.
Orðin meðvitaðri
„Jafnvel erum við kröfuharðari um
að sýna hvert öðru virðingu og er-
um orðin minna sjálfhverf, meðvituð
um afkomu og staðsetningu annarra
í samfélaginu. Kannski er það ekki
neikvætt hvað við erum viðkvæm,“
svarar Anna Tara.
„Já, mér finnst líka vera ákveðið
tímabil í gangi núna þar sem gagn-
rýni á húmor og sérstaklega húmor
sem snýr að kynjamisrétti eða kven-
fyrirlitningu á einhvern hátt er í ein-
hverskonar hámarki og mér finnst
það frábært!“ bætir Hugleikur við.
Að því sögðu er það áhugavert hvað
unga kynslóðin hefur látið í sér
heyra að undanförnu, sbr. byltingar
á samfélagsmiðlum, Free the nipple,
Þöggun, Konur tala og 6dagsleikinn.
„Fyrir mína parta myndi ég segja
að þetta væru okkar bestu tímar, þó
ég hafi nú ekki lifað langa ævi en
það eru góðir hlutir að gerast núna í
þessum málum,“ segir Anna Tara.
„Það sem er að gerast í dag, þessar
byltingar og svona, er allavega að
hjálpa þessum þáttum mikið. Það er
ekki skortur á umræðuefnum,“ segir
Hugleikur að lokum.
Þetta skemmtilega dúó heldur
áfram að tala um mál sem snerta
okkur flest en fáir þora að ræða op-
inberlega. Hægt er að hlusta á eldri
þætti í gegnum Sarpinn á ruv.is en
næsti þáttur verður á dagskrá 1.
júlí. Morgunblaðið/Eggert
28.6. 2015 MORGUNBLAÐIÐ SUNNUDAGUR 13
Hólshraun 3 · 220 Hafnarjörður · Símar 555-1810, 565-1810 · Fax: 565-2367 · veislulist@veislulist.is · www.veislulist.is
Við sendum
hádegismat í bökkum
og kantínum til fyrirtækja
og stofnana alla daga ársins!
Boðið er upp á sjö valrétti á virkum dögum:
Tvo aðalrétti, þrjá aukarétti, heilsurétt og ávaxtabakka.
Aðalréttirnir eru breytilegir frá degi til dags.
Matseðill og nánari upplýsingar á veislulist.is
Fjölbreyttur matseðill
og valréttir alla daga
SKÚTAN
HÁDEGISMATUR
Í FYRIRTÆKI OG STOFNANIR
VINSÆLT - HEILSUBAKKAR
Heilsubakkar eru réttir sem samanstanda af léttu fæði