Morgunblaðið - Sunnudagur - 28.06.2015, Blaðsíða 24

24 MORGUNBLAÐIÐ SUNNUDAGUR 28.6. 2015
Heimili og hönnun
M
aría Björg Sigurð-
ardóttir segir mikil-
vægt að heimilið fún-
keri vel og að það
þjóni þörfum og lífsstíl fjölskyld-
unnar. „Heimilið á að vera griða-
staður þeirra sem þar eru og af-
skaplega mikilvægt að öllum líði
vel þar og geti athafnað sig og
hvílt sig vel.“
Þegar kemur að innanhússstíl
hefur María gaman af hlutum
sem koma úr ólíkum áttum og
segir flestar af eigum fjölskyld-
unnar koma frá heimilum for-
eldra, ömmum og öfum og eitt
og annað sem fjölskyldan hefur
gripið með sér af ferðalögum.
„Hlutir með sál eru okkur hug-
leiknir, mér þykir svakalega vænt
um að hafa hluti uppivið sem
vekja minningar um æskuheimili
eða aðra staði sem mér þykir
vænt um. Ég er samt alltaf að
reyna að ofhlaða ekki heimilið,
gott að hafa smá „breathing
space“.
María segir þau hjónin nýta
ýmislegt gamalt sem þeim hefur
áskotnast í gegnum tíðina. „Mér
hefur alltaf þótt hátískuhúsgögn
frekar óspennandi, betra að
byggja upp heimilið sitt á
löngum tíma og kunna að meta
hvern einasta hlut. Þegar verið
er að kaupa húsgögn í massavís
og skipta öllu út eftir tískubylgj-
um finnst mér heimilið missa
svolítið sálina,“ útskýrir hún og
bætir við að það þurfi ekki allt
að vera fullkomið, það séu þessir
litlu, skrítnu hlutir sem gera
heimilið persónulegt.
Aðspurð hvaðan hún sæki inn-
blástur hvað varðar heimilið svar-
ar María:
„Líklega í líf mitt, ég hef eytt
hálfri ævinni í Englandi og hef
ferðast mikið um Frakkland og
Ítalíu. Við eyðum eins miklum
tíma og hægt er í sveitum okkar
hér á Suðurlandi. Þetta hefur allt
áhrif á estetíkina.“
María segir eldhúsið án efa
eftirlætisstað sinn á heimilinu.
„Ein uppáhaldsstund okkar
hjónanna er að setjast í eldhúsið
klukkan sex á föstudögum í
happy hour og aperatívo meðan
við dundum okkur við að elda
matinn. Allur matur er eldaður
frá grunni á hverjum degi og
matmálstíminn með börnunum er
heilagur, það að vanda sig við
þessar athafnir og njóta þess
með fjölskyldunni fyllir húsið af
góðri orku, ég er viss um það.
Það er í tísku að stytta sér leið-
ir þegar kemur að matarund-
irbúningi og gefa sér ekki tíma
til að njóta þess, það er ekki
góð þróun fyrir fjölskyldulífið.“
Morgunblaðið/Þórður
Hjónin njóta sín saman í smekk-
lega innréttuðu eldhúsi og segja
jafnframt matmálstíma með
börnunum heilagan.
Fallegt, gamalt
snyrtiborð í
hjónaherberginu.
María Björg segir afskaplega
mikilvægt að öllum líði vel á
heimilinu og geti athafnað sig.
Í borðstofunni segir María lífið rætt fram og til baka og ekk-
ert truflar. Fjölskyldan fær vini og fjölskyldu í mat að minnsta
kosti einu sinni til tvisvar í viku og það fyllir húsið af gleði.
HÚSGAGNAHÖLLIN • B í l d s h ö f ð a 2 0 • R e y k j a v í k • OP I Ð V i r k a d a g a 1 0 - 1 8 , l a u g a r d . 1 1 - 1 7 o g s u n n u d . 1 3 - 1 7
SYLVESTER
borðstofustóll
með krómfótum
VERÐ KR.
9.990
FULLT VERÐ
13.990
ALLIR LITIR
KOMNIR
AFTUR