Morgunblaðið - Sunnudagur - 28.06.2015, Blaðsíða 51

28.6. 2015 MORGUNBLAÐIÐ SUNNUDAGUR 51
Zen og listin að viðhalda
vélhjólum: rannsókn á lífs-
gildum, eftir Robert M. Pirsig,
kom út á íslensku hjá Eddu árið
2010. Bókin er einhvers konar
sambland af heimspekilegum
vangaveltum og skáldskap og
segir af sautján daga mót-
orhjólaferðalagi feðga um
Bandaríkin. Handritinu var
hafnað 121 sinni áður en Willi-
am Morrow & Company tók
við henni. Bókin nýtur því þess
vafasama heiðurs hjá heims-
metabók Guinness að vera sú
bók sem oftast hefur verið
hafnað í heiminum. Pirsig mun
hafa skrifað bókina að mestu á
milli tvö og sex að nóttu til, áð-
ur en hann fór til vinnu sinnar
að skrifa leiðarvísa fyrir tölvur.
Heimspekileg
hjólamennska
Á dögunum kom út bók á vegum nýs forlags
sem kallast Turninn. Hún nefnist Eitthvað
illt á leiðinni er og er hrollvekjusafn þar
sem nítján rithöfundar á aldrinum átta til tíu
ára rekja einhverjar ógurlegustu og óvana-
legustu sögur sem undirritaður hefur lesið í
langa tíð. Það er mikið gleðiefni hversu vel er
vandað til útgáfunnar en þetta er einhver fal-
legasta bók sem komið hefur út á þessu ári.
Mikið er lagt í allar hliðar afurðarinnar; rit-
stjórn, pappír, letur og myndskreytingar, allt
er þetta hið smekklegasta. Bókin er ekki ein-
göngu stórskemmtilega hrikaleg lesning held-
ur er þetta prýðileg hvatning fyrir allra
yngstu rithöfunda þjóðarinnar. Það hlýtur að
vera siðferðileg skylda allra sannra bókaunn-
enda að styrkja þetta bráðskemmtilega fram-
tak. Þetta er eintak sem á skilinn heiðursstað
í hillunni. Maður vonar hreinlega að þetta sé
aðeins fyrsta eintakið af mörgum því afurðin
hefur alla burði til þess að verða hin þokka-
legasta ritröð. Hrollvekjusafn eftir yngstu höfunda landsins.
HRÆÐILEGA GOTT
Bækurnar um Viggó viðutan, einhverja viðkunn-
anlegustu andhetju bókmenntasögunnar, komu út
á íslensku á árunum 1978-1988 á vegum Iðunnar.
Sögurnar um hinn síþreytta, kúrulega og mis-
músíkalska Belga áttu uppruna sinn í penna og
hugviti teiknimyndarans Andrés Franquins, sem
vann á hinu goðsagnakennda tímariti Spirou.
Bækurnar eru fyrir löngu orðnar að sígildum dæg-
urmenningargersemum, ásamt öðrum á borð við
Tinnabækurnar og Sval & Val, sem eru landar hans
Viggós. Undirritaður sleit barnsskónum á níunda
áratugnum og var innblásinn af uppátækjasamri
hugmyndaauðgi þessa tvívíða uppeldisbróður síns.
Ég tók því kollhnís af gleði þegar ég frétti af því
að Froskur útgáfa væri að gefa út nýja röð þar
sem brandararnir sem Franquin teiknaði verða all-
ir gefnir út í tímaröð, en hingað til hefur aðeins
rjóminn verið fleyttur ofan af verkum hans. Til
stendur að nýju bækurnar um Viggó verði nítján talsins (áður voru þær tólf) og geta því
framsýnir ættingjar yngstu kynslóðarinnar, sem láta bókmenntalegt uppeldi þeirra sig
varða, tryggt sér afmælis- og jólagjafir næsta áratuginn.
VERTU VELKOMINN, VIGGÓ
Húshjálpin á sér stað í upp-
hafi sjöunda áratugarins í suð-
urríkjunum og segir af hlut-
skipti svartra kvenna sem
önnuðust heimili hvítra kyn-
systra sinna. Ung stúlka snýr
aftur heim eftir háskólanám og
tekur að skrifa sögu þessara
kvenna með ófyrirséðum af-
leiðingum. Það voru margir
sem heilluðust af fyrstu bók
Kathryn Stockett þegar hún
kom út í Bandaríkjunum árið
2009, en kannski færri sem
vissu að bókinni hafði verið
hafnað sextíu sinnum áður en
hún fékk úgáfusamning hjá Amy
Einhorn Books. Í dag hleypur
sala bókarinnar á mörgum
milljónum og hún hefur verið
þýdd yfir á mýmörg tungumál.
Bókin kom út í íslenskri þýð-
ingu Ólafar Eldjárn hjá JPV árið
2011.
Hafnað sextíu
sinnum
Knýið á og fyr-
ir yður mun
upplokið verða
SNIÐGENGIN SNILLD
ÞAÐ VILL OFT VERÐA AÐ DIMMA HLIÐIN Á
TUNGLINU GLEYMIST ÞVÍ ÞAÐ SKÍN SVO SKÆRT
Á HINA. ÞANNIG GETA FYRSTU ATRENNUR
ÞEIRRA SEM VORU AÐ HASLA SÉR VÖLL HORFIÐ
Í DUMBUNGI GLEYMSKUNNAR. MÖGULEGA ERU
ÞESSAR BÆKUR HVATNING FYRIR ALLA ÞÁ SEM
ERU VEL KUNNUGIR LUKTUM DYRUM.
Ótrúlegt en satt, þá var Dagbók
Önnu Frank hafnað að minnsta
kosti fimmtán sinnum áður en hún
hlaut útgáfu og lét einn rýnirinn þau
orð falla að sér virtist stúlkan
„hvorki búa yfir nauðsynlegu næmi
né tilfinningu, sem dugi til að gera
bókina athyglisverða“. Í dag hefur
bókin verið þýdd á tæplega 70
tungumál, þ.á m. íslensku, og selst í
yfir 30 milljónum eintaka.
Versti ritdómur
sögunnar?
Sögunni af Pí var hafnað af fimm útgefendum áður en
Knopf í Kanada tók hana að sér. Sagan segir af ungum
dreng sem endar á björgunarbát ásamt tígrisdýri í 27
daga og þarf að yfirstíga margs konar erfiðleika, jafnt ver-
aldlega sem andlega. Bókin vann síðar Man Booker-
verðlaunin árið 2002 og fjölda annarra í kjölfarið. Hún
hefur selst í meira en tíu milljónum eintaka og er sífellt
þýdd á fleiri tungumál. Árið 2012 var gerð kvikmynd eftir
bókinni, sem vann til fernra Óskarsverðlauna. Bókin kom
út í íslenskri þýðingu Jóns Halls Stefánssonar hjá Bjarti ár-
ið 2012.
Örkin hans Pí
BÓKSALA 17.-23. JÚNÍ
Allar bækur
Listinn er tekinn saman af Eymundsson
1 LeynigarðurJohanna Basford
2 Konan í lestinniPaula Hawkins
3 HamingjuvegurLiza Marklund
4 Blóð í snjónumJo Nesbø
5 Vegvísir um jarðfræði ÍslandsSnæbjörn Guðmundsson
6 Tapað fundiðÁrelía Eydís Guðmundsdóttir
7 Perlur úr ljóðum ísl. kvennaSilja Aðalsteinsdóttir valdi
8 RótlausDorothy Koomson
9 Gæfuspor - Gildin í lífinuGunnar Hersveinn
10 Mindfulness Colour BookEmma Farrarons
Kiljur
1 Konan í lestinniPaula Hawkins
2 HamingjuvegurLiza Marklund
3 Blóð í snjónumJo Nesbø
4 Tapað fundiðÁrelía Eydís Guðmundsdóttir
5 RótlausDorothy Koomson
6 Auga fyrir augaRoslund & Hellström
7 HilmaÓskar Guðmundsson
8 Ljós af hafiM.L.Stedman
9 Stjörnur yfir TókýóHiromi Kawakami
10 DNA kiljaYrsa Sigurdardottir