Dagblaðið Vísir - DV - 19.06.2009, Qupperneq 14

föstudagur 19. júní 200914 Fréttir
annars en að Landsbankinn ætlaði
að halda áfram að fjármagna bank-
ann á Íslandi með Icesave-reikning-
unum í Bretlandi.
Í viðtalinu sagði Sigurjón: „Við
fjármögnum bankann með einstakl-
ingsinnlánum, í gegnum vöru sem
við köllum Icesave... Og einmitt núna
í dag erum við að skrá inn 100.000.
kúnnann og erum búin að afla um
500 milljarða íslenskra króna í gegn-
um þessa vöru á síðastliðnum níu
mánuðum.“ Svo sagði Sigurjón: „Það
sem er búið að gerast á undanförn-
um árum er að íslenskir bankar hafa
vaxið mikið innanlands og ekki síður
erlendis. Í okkar tilfelli er helmingur-
inn af starfseminni erlendis. Það er
það sem keyrir þetta áfram, annars
vegar drifkrafturinn í útrás íslenskra
fyrirtækja, sem bankarnir styðja, og
hins vegar útrás bankanna sjálfra
þar sem þeir afla erlendra kúnna á
erlendum vettvangi, þannig að ég sé
ekki annað en að það haldi áfram.“
Skoðanir stjórnenda Landsbank-
ans á málinu virðast hins vegar hafa
breyst frá ágúst 2007 og þar til í mars
2008 því samkvæmt viðtali við Hall-
dór J. Kristjánsson, hinn bankastjóra
Landsbankans, í Morgunblaðinu í
október 2008 var farið að undirbúa
flutning Icesave inn í dótturfélag í
ársbyrjun 2008. „Við vorum farnir að
undirbúa þetta í byrjun ársins, vegna
þess hvað reikningurinn var stór og
að þá var hafin umræða um hvort
innlánstrygging væri í Bretlandi eða
Evrópu, þá töldum við skynsamlegt
að færa þetta yfir í breskt dótturfé-
lag. En til þess þurftum við tilsla-
kanir ...“ sagði Halldór í viðtalinu og
bætti því við að Landsbankinn hefði
ekki fengið „eðlilegar forsendur“ frá
eftirlitsaðilum í Bretlandi til þess að
geta komið Icesave inn í dótturfélag.
Halldór vildi hins vegar ekki greina
frá því í viðtalinu hverjar forsend-
ur Landsbankans fyrir tilfærslunni
hefðu verið.
Vitneskja Landsbankans um
hættuna af Icesave í Bretlandi í árs-
byrjun 2008 virðist hins vegar ekki
hafa haft þau áhrif að stjórnendur
bankans stofnuðu dótturfélag utan
um Icesave þegar byrjað var að bjóða
upp á reikningana í landinu í maí árið
2008. Raunar var það svo, samkvæmt
frétt í Morgunblaðinu 11. desember
2008, að ekki fyrr en í lok ágúst 2008
komst Landsbankinn að þeirri nið-
urstöðu, eftir fund með hollenska
seðlabankastjóranum sem lýst hafði
yfir áhyggjum af örum vexti Icesave
í Hollandi, að vinna ætti að því að
færa starfsemi Icesave í Hollandi inn
í dótturfélög. En þetta var rúmum
mánuði fyrir fall íslenska bankakerf-
isins og lokun Icesave-reikninganna
í Hollandi og Bretlandi.
Forsendur bankans „skuld-
settu“ þjóðina
Sigurjón Árnason tók í sama
streng og Halldór þegar hann var
inntur eftir því í Kastljósviðtali í byrj-
un október 2008 af hverju Icesave-
reikningunum hefði ekki verið kom-
ið inn í dótturfélög í Bretlandi og
Hollandi. Í viðtalinu sagði Sigurjón:
„Til þess að þetta væri hægt að koma
þessu yfir í dótturfélög þurfti auðvit-
að að gera ákveðna hluti og til þess
að það myndi ganga upp, séð út frá
sjónarhorni Landsbankans, þurfti
að vera hægt að gera þetta í ákveðn-
um þrepum og skrefum til þess að
aðrir lánasamningar Landsbankans
myndu ekki rakna upp og þetta náð-
ist ekki samkomulag um því miður ...
En menn kannski voru bara of sein-
ir til þess að leyfa okkur að gera það
með þeim hætti sem við töldum að
við þyrftum að gera þetta,“ sagði Sig-
urjón í viðtalinu.
Af orðum Sigurjóns og Halldórs
að dæma sést að viðræðurnar við
yfirvöld og eftirlitsaðila í Bretlandi
enduðu ekki með því að Icesave-
reikningunum væri komið inn í dótt-
urfélag Landsbankans vegna þess að
bankinn fékk ekki að gera það á þeim
forsendum sem stjórnendur bankans
vildu. Enn liggur hins vegar ekki fyr-
ir hvaða forsendur og kröfur Lands-
bankinn gerði svo Icesave-reikning-
unum væri komið inn í dótturfélög.
Landsbankinn var svo tekinn
yfir af Fjármálaeftirlitinu og skila-
nefnd var sett yfir hann og Icesave-
reikningnum í löndunum tveimur
var lokað. Enn liggur ekki ljóst fyrir
hversu mikið fæst fyrir eignir Lands-
bankans í löndunum tveimur en
ábyrgðin sem íslenska þjóðin mun
þurfa að gangast í vegna þess að
stjórnendum Landsbankans láðist
að koma reikningunum inn í dótt-
urfélög nemur um 640 milljörðum
króna. Eignir Landsbankans gætu
dekkað 75 til 95 prósent af þeirri
upphæð en afgangurinn mun falla
á íslensku þjóðina. Samkvæmt mati
skilanefndar Landsbankans frá því
í febrúar gæti þessi upphæð numið
um 70 milljörðum króna en það er
talið vera nokkuð varfærið mat.
Enn er þó ómögulegt að segja
hver lendingin í Icesave-málinu
verður því Icesave-samningarn-
ir eiga eftir að fara fyrir Alþingi til
staðfestingar.
Gráu svæðin hans Sigurjóns
Umræðan um aðkomu Sigurjóns
Árnasonar að Icesave-reikningum
Landsbankans er í nokkru samræmi
við önnur mál sem komið hafa upp
á ferli bankastjórans fyrrverandi
þar sem hann hefur verið á gráu
svæði í aðgerðum sínum. Ólíklegt
er að Sigurjón og aðrir stjórnendur
Landsbankans hafi brotið lög þegar
þeir létu það ógert að koma Icesa-
ve-reikningunum inn í dótturfélög
í Bretlandi og Hollandi en óhætt er
að segja að það hafi verið óábyrgt af
þeim miðað við þau áhrif sem þetta
aðgerðarleysi mun hafa á íslensku
þjóðina á næstu árunum sem situr
eftir skuldum vafin. Og það virðist
sem íslenska þjóðin sé nauðbeygð til
að greiða skuldir Landsbankans út af
Icesave-reikningunum ætli hún sér
að tilheyra samfélagi þjóðanna í ná-
inni framtíð.
Hversu mikil ábyrgð Sigurjóns
og félaga hans í Landsbankanum
er skal ósagt látið en ljóst er að fyr-
irhyggjuleysi þeirra er að minnsta
kosti hluti ástæðunnar eins og
rannsókn á íslenska efnahagshrun-
inu mun væntanlega leiða í ljós á
næstu misserum. Meðal annars má
nefna að Steingrímur J. Sigfússon
fjármálaráðherra sagði í umræðum
um Icesave-samninginn á Alþingi
á fimmtudag að ábyrgðin lægi fyrst
og fremst hjá stjórnendum Lands-
bankans. Þar er ábyrgð Sigurjóns
Árnasonar nokkur svo ekki sé meira
sagt því hann átti stóran þátt í því
að gróðahagsmunir Landsbankans
voru settir ofar hagsmunum heillar
þjóðar þegar vélað var um Icesave-
reikningana við erlend yfirvöld fyrir
Nokkur ummæli Sigurjóns Árnasonar um Icesave:
„Það eina sem ég þarf að gera er að kíkja í lok dags
hvað er kominn mikill peningur inn. Það bættust við
fimmtíu milljónir punda bara á föstudaginn!”
Sigurjón talar um Icesave í viðtali sem bar yfirskriftina „Lætur aldrei efast
um fjármögnun bankans aftur“.
Fréttablaðið, 14. febrúar 2007
„Það tekur því ekki að svara svona ummælum, þetta
er ekki svaravert... Við erum að keppa á okkar for-
sendum og það gengur vel.“
Sigurjón svarar gagnrýni hollensks bankamanns á Landsbankann.
Viðskiptablaðið, 8. júlí 2008
„Til þess að þetta væri hægt, að koma þessu yfir í
dótturfélög, þurfti auðvitað að gera ákveðna hluti
og til þess að það myndi ganga upp, séð út frá sjón-
arhorni Landsbankans, þurfti að vera hægt að gera
þetta í ákveðnum þrepum og skrefum til þess að
aðrir lánasamningar Landsbankans myndu ekki
rakna upp og þetta náðist ekki samkomulag um því
miður ... En menn kannski voru bara of seinir til þess
að leyfa okkur að gera það með þeim hætti sem við
töldum að við þyrftum að gera þetta.“
Kastljósviðtal, 8. október 2008
Besta ársskýrslan Björgvin g. sigurðsson, þáver-
andi viðskiptaráðherra, sést hér afhenda sigurjóni
Árnasyni viðurkenningu fyrir bestu ársskýrslu ársins
2007. Mánuði síðar var bankinn hruninn.