Dagblaðið Vísir - DV - 19.06.2009, Side 18

föstudagur 19. júní 200918 Fréttir
„Við erum ekki örugg hérna. Þeir
gerðu merki með höndunum eins
og þeir vildu skera barn bróður
míns á háls. Þeir sögðust vilja drepa
okkur öll,“ sagði Couaccu Siluis,
einn um hundrað Rúmena sem
flýðu heimili sín í Belfast, höfuð-
borg Norður-Írlands, í vikunni eftir
langvarandi árásir og hótanir kyn-
þátta- og útlendingahatara.
Fólkið sem varð fyrir árásunum
er innflytjendur sem hafa komið
til landsins til að vinna margvís-
leg láglaunastörf, oft með lítið eða
ekkert atvinnuöryggi. Blaðamaður
Belfast Guardian lýsir aðstæðum
fólksins svo að það sé meðal þeirra
sem búa við verst kjör af öllum inn-
flytjendum, margir karlanna vinni
við að selja blöð á umferðareyjum
og konurnar hafa verið sakaðar um
betl fyrir utan verslanir.
Þetta er fólkið sem hefur orð-
ið fyrir árásum undanfarna daga
og sumar rúmensku fjölskyldurnar
sem fluttu til Belfast í von um betra
líf eiga sér nú þann draum heitast-
an að komast aftur til Rúmeníu af
þeim sökum. Vandi þeirra myndi
þó ekki leysast við þann flutning.
Fólkið er flest sígaunar, sem hafa
löngum sætt ofsóknum í Rúmeníu
– og reyndar víðar.
Flótti í skjóli nætur
Um 20 fjölskyldur, samanlagt um
hundrað manns, flýðu heimili sín
um miðja vikuna eftir nokkra daga
af róstum og árásum. Fólkið gafst
upp eftir að heimili þess höfðu ver-
ið grýtt, rúður brotnar og því hótað
líkamsmeiðingum og morðum.
Fólkið segist fyrst hafa orðið
vart við árásirnar í þessari umferð á
föstudag og þær mögnuðust á laug-
ardag og sunnudag þegar ráðist var
á heimili innflytjendanna. Á mánu-
dag var efnt til göngu um Lisburn
Road þar sem íbúar, aðgerðasinn-
ar, verkalýðsforkólfar og kirkjunnar
menn lýstu andúð sinni á kynþátta-
og útlendingahatri. Það virðist eng-
an árangur hafa borið því árásirnar
mögnuðust eftir það.
Aðfaranótt miðvikudags sá fólk-
ið sitt óvænna og flýðu allir nema
ein fjölskylda heimili sitt. Lögreglu-
menn fylgdu fólkinu sem yfirgaf
heimili sín í öruggt skjól og lög-
regluvörður var settur við heimili
einu fjölskyldunnar sem ákvað að
dvelja þar áfram.
Farnar á taugum
Trish Morgan er ein af þeim sem
tóku á móti fólkinu í Belfast City-
kirkjunni þegar það flýði af heim-
ilum sínum. Hún segist hafa fengið
upphringingu frá safnaðarmeðlim
sem hafði unnið með Rúmenun-
um og sá hafi beðið um aðstoð fyrir
þá. Hálftíma síðar var búið að opna
kirkjuna og hundrað manns komn-
ir þangað til að þiggja skjól og að-
stoð. Hún segir andrúmsloftið hafa
verið mjög skrýtið. „Mæðurnar, sér-
staklega, voru dauðuppgefnar, al-
veg farnar á taugum og ég undrast
það ekki. Þær komu með þær eig-
ur sem þeim tókst að pakka niður
áður en þær lögðu af stað. Þetta var
ekki sú lífsreynsla sem þær bjuggu
sig undir þegar þær lögðu á ráðin
um að flytja til Norður-Írlands.“
Ráðalaus í Belfast
„Við erum mjög hrædd. Við eigum
ung börn,“ sagði Couaccu Siluis,
sem vísað er til í upphafi fréttarinn-
ar, í viðtali við Belfast Guardian.
„Við getum ekki snúið aftur heim.
Kannski getum við farið aftur til
Rúmeníu en við eigum engan pen-
ing. Við verðum að vera hér áfram.
Ég veit ekki hvað við eigum að gera
núna. Við verðum hérna nokkra
daga áfram en svo veit ég ekki hvað
við eigum að gera.“
Siluis virðist tala fyrir munn
margra því fleiri fjölskyldur hafa
beðið um aðstoð við að komast aft-
ur til Rúmeníu. Óvíst er þó hvaða
viðbrögð sú beiðni fær eins og skilja
má á orðum Naomis Long, borgar-
stjóra í Belfast. „Við hefðum mikl-
ar áhyggjur af því hvernig þeir sem
standa fyrir árásunum tækju þeim
skilaboðum. Við hefðum mikl-
ar áhyggjur af því ef það yrði þeim
hvatning til að halda árásunum
áfram.“
Vaxandi kynþáttahatur
Árásirnar á sígaunafjölskyldurnar
frá Rúmeníu síðustu daga eru ekk-
ert einsdæmi á Norður-Írlandi. Út-
lendingahatur hefur farið vaxandi,
allavega ef mið er tekið af tölum
um fjölda árása sem skilgreindar
hafa verið sem hatursglæpir. Glæp-
ir þar sem kynþáttahatur er talið
ráða miklu hafa meira en tvöfaldast
á síðustu fimm árum, farið úr 453 í
rúmlega þúsund.
Sígaunafjölskyldurnar í suður-
hluta Belfast eru ekki einu sinni
fyrstu fjölskyldurnar til að flýja
heimili sín vegna árása kynþátta- og
útlendingahatara. Tugir fjölskyldna
flýðu heimili sín í Belfast fyrir tveim-
ur mánuðum eftir árásir kynþátta-
og útlendingahatara. Nokkrum
mánuðum áður, í nóvember á síð-
asta ári, var bensínsprengju kastað
að bíl sem stóð fyrir utan heimili sló-
vasks innflytjanda.
BRynjólFuR ÞóR Guðmundsson
fréttastjóri skrifar: brynjolfur@dv.is
„Mæðurnar, sérstak-
lega, voru dauðupp-
gefnar, alveg farnar á
taugum og ég undrast
það ekki.“
Byrgt fyrir glugga Einn rúmenanna
lýsti því hvernig hann hefði slasast
þegar steini var grýtt gegnum glugga
á heimili hans. myndiR AFP
SKELFINGIN
Í BELFASTGætt af lögreglu fjölmennt lögreglulið þurfti til að tryggja öryggi fólksins.