Dagblaðið Vísir - DV - 19.06.2009, Síða 40

föstudagur 19. júní 200940 Sport
Bretland er vagga kappaksturs ekki
síður en knattspyrnu en á Silver-
stone-brautinni í Northamptonskíri
fór fram fyrsta Formúlu-mótið árið
1950. Nú, fimmtíu og níu árum síðar,
er komið að leiðarlokum hjá þessari
fornfrægu braut. Bernie Ecclestone,
framkvæmdastjóri Formúlunnar,
hefur átt í miklum deilum við eig-
endur Silverstone-brautarinnar um
viðhald og fleira en útkoman var
að keppt verður á Donington Park
næstu árin í það minnsta.
Það var afar mikilvægt fyrir Breta
að missa ekki keppni úr landi, sér-
staklega þar sem þeirra mönnum
gengur svona vel. Lewis Hamilton
varð heimsmeistari í fyrra og hafði
sigur á Silverstone fyrir framan sitt
fólk. Annar Breti, Jenson Button,
er sá sem ræður ríkjum í Formúl-
unni í dag en hann hefur unnið sex
af fyrstu sjö mótum ársins. Honum
hefur aftur á móti gengið afleitlega á
Silverstone til þessa.
Ömurlegur árangur
Fastlega má búast við að Jenson
Button snúi við gengi sínu á Silver-
stone-brautinni eins og hann hefur
gert í öðrum mótum til þessa. Hann
leiðir stigakeppni ökumanna með
tuttugu og sex stigum fyrir mótið um
helgina. Gengi hans á Silverstone til
þessa hefur hins vegar ekki verið til
eftirbreytni. Hann hefur aldrei svo
mikið sem komist á verðlaunapall
á heimavelli og í sex af síðustu níu
mótum hefur Button endað í sautj-
ánda sæti eða neðar.
Hann hlakkar þó til að keppa á
heimavelli. „Það er alltaf sérstakt að
aka á Silverstone fyrir framan landa
mína. Ég hef aldrei verið í forystu
um heimsmeistaratitilinn þegar ég
hef keppt á brautinni og reyndar
alltaf verið í vondri stöðu. Samt hef
ég alltaf fengið mikinn stuðning og
mig langar að gera eitthvað gott fyrir
mitt fólk um helgina. Við fáum mikla
samkeppni held ég á Silverstone þar
sem hún er háhraðabraut. Hún er í
sama klassa og Suzuka og Spa í mín-
um huga, ein sú besta á tímabilinu,“
segir Jenson Button.
Heimsmeistarinn gefst upp
Lewis Hamilton, ríkjandi heims-
meistari, hefur viðurkennt að hann
eigi ekki möguleik á Silverstone í ár.
McLaren-bíllinn er einfaldlega ekki
nægilega góður til þess að vinna á
svona háhraðabrautum en í fyrra
rúllaði Hamilton yfir keppinauta
sína á Silverstone og sigraði með
ríflega mínútu forskoti á næsta bíl.
Hann vonast bara til þess að sam-
landi hans verði sá síðasti sem sigrar
á heimavelli þeirra.
„Síðasta ár var auðvitað ótrúlegt
fyrir mig en ég hef ekki hugmynd um
hvernig við fórum að því að vinna í
fyrra með 68 sekúndna mun. Bíllinn
í ár er ekki nægilega góður til þess að
komast einu sinni á pall, býst ég við.
Þannig, frá mínum bæjardyrum séð,
væri frábært ef Jenson Button myndi
vinna. Það er heldur ekkert ólíklegt.
Allavega myndi ég þora að veðja
pening á það,“ segir heimsmeistar-
inn, Lewis Hamilton.
Deilur um útgjöld
Alþjóðaakstursíþróttasam-
bandið, FIA, og samtök
Formúlu-liðanna, FOTA,
deila nú hart um regl-
ur næsta árs en frest-
ur til þess að skila inn
umsókn fyrir næsta ár
rennnur út um helg-
ina. FIA hefur bann-
að marga litla hluti til
þess að sporna við
kostnaði, eins og
dekkjahitara, og
þá verður bann-
að að taka bens-
ín í miðri keppni
árið 2011. Max
Mosley, fram-
kvæmdastjóri
FIA, bauð lið-
unum 45 millj-
óna punda út-
gjaldaþak fyrir
utan
kostnað
liðanna
við véla-
kaup sem
eru mjög dýr.
FOTA svar-
TÓMAS ÞÓR ÞÓRÐARSON
blaðamaður skrifar: tomas@dv.is
Á sunnudaginn fer fram síðasta keppnin í bili á hinni forn-
frægu Silverstone-braut í Formúlu 1 en þar fór fyrsta Formúlu-
mótið fram árið 1950. Tveir Bretar, Lewis Hamilton og Jenson
Button, aka í Formúlu 1 og munu þeir gera allt til þess að verða
síðustu Bretarnir til að sigra á heimavelli. Hlutskipti þeirra til
þessa í ár er þó afar ólíkt.
SíðaSta keppnin
á SilverStone
Lewis Hamilton sigraði á heimavelli
í fyrra en býst við sigri Buttons í ár.
MYND AFP
Jenson Button stigahæstur,
fljótastur og sigurstranglegastur.