Dagblaðið Vísir - DV - 28.10.2009, Page 22
Miðvikudagur 28. október 200922 hafnarfjörður
Undirbúningur er í fullum gangi fyrir endurreisn jólaþorpsins sívinsæla í Hafnarfirði. Þetta er í sjöunda sinn
sem þorpið rís á Thorsplani í miðbæ Hafnarfjarðar, enda ekkert lát á vinsældum þess.
Það má með sanni segja að jóla-
þorpið hafi verið miðpunktur allr-
ar jóladagskrár í Hafnarfirði síðustu
misseri. Nú rís það í sjöunda sinn
á Thorsplani og er undirbúningur
í fullum gangi til að gera heimsókn
almennings í jólastemninguna sem
ánægjulegasta.
Opið verður allar helgar í desem-
ber frá kl. 13 til 18, ásamt kvöldopn-
un á Þorláksmessu. Þorpið verður
opnað 5. desember og mega gestir
búa sig undir fjöruga skemmtidag-
skrá, íðilfagra jólamuni til sölu og
ýmsar jólakræsingar. Jólasveinninn
verður að sjálfsögðu á sínum stað og
hver veit nema Grýla láti líka á sér
kræla.
Þorpið er auðvitað ekki aðeins
fyrir íbúa Hafnarfjarðar heldur alla
þá sem elska jólin og vilja upplifa að-
ventuna með öðrum sem hafa unun
af því að halda þessa hátíð ljóss og
friðar hátíðlega. Þá geta áhugasamir
landsmenn einnig haft samband við
Hafnarfjarðarbæ ef þeir luma á góðu
jólaskemmtiatriði, hvort sem það er
söngur, leikþáttur, hljóðfæraspil eða
annað jólalegt og fjörugt.
liljakatrin@dv.is
Miðpunktur
Ófrýnileg Grýla er ekkert lamb að leika sér við. Töfratónar Spurning hvort Sveinki mæti með fiðluna í ár.
jólaundirbúningsins