Dagblaðið Vísir - DV - 28.10.2009, Blaðsíða 41
ið til Jórdaníu nema vera með rétta
pappíra og stundum er það ekki einu
sinni nóg. Það er mjög erfitt að hafa
ekki ferðafrelsi og það er óþægilegt
að vera ríkisfangslaus manneskja,
ég var frá Palestínu en enginn sam-
þykkti mig sem slíka. Þegar ég fékk
íslenska ríkisborgararéttinn fann ég
að ég var orðin hluti af samfélagi og
sú tilfinning var mjög góð,“ útskýr-
ir Amal sem hefur aðeins einu sinni
farið aftur til Palestínu. „Hér eru allir
vinir mínir og fjölskylda. Hjarta mitt
er hér og hér á ég heima.“
Vonlaust að flýja land
Amal segir erfiðleikana í íslensku
samfélagi vissulega alvarlega og hún
finnur fyrir kreppunni persónulega.
„Ég var svo dugleg að aðlagast sam-
félaginu að ég lenti í sömu vandræð-
um og allir aðrir,“ segir hún hlæjandi
og bætir við: „Menningin hefur bara
verið svona. Kaupa og kaupa á kred-
it. Hrunið var mikið áfall fyrir mig en
ég veit að við munum ná okkur upp
úr þessu. Ísland verður áfram besta
land í heimi,“ segir hún og bætir við
að hún ætli ekki að flýja af hólmi þótt
í harðbakkann slái.
„Við verðum öll að standa sam-
an og bjarga landinu okkar. Þetta
er okkar land og það væri vonlaust
að gefast upp og flýja,“ segir hún og
bætir við að henni finnist andrúms-
loftið í samfélaginu jákvæðara í dag
en fyrir hrun. „Þetta eru erfiðir tím-
ar en mér finnst eins og allir séu að
gera sitt besta til að halda áfram. Það
var mikil svartsýni og vonleysi í sam-
félaginu fyrst eftir hrunið en í dag
er þetta orðið að okkar veruleika og
brúnin er aftur að lyftast á fólki. Við
verðum öll að einbeita okkur að því
sem við getum gert til að hjálpast að
við uppbygginguna og reyna að forð-
ast þunglyndi,“ segir hún en bætir við
að líklega horfi ekki allir á málin líkt
og hún geri.
„Ég hef mikla trú á Íslendingum.
Við eigum svo mikið, fiskinn, raf-
magn, álver, grænmeti og margt ann-
að sem við getum notað til að komast
aftur á lappirnar.“
Kreppa eKKi sama og
Kreppa
Aðspurð hvort hún sé ánægð með
störf ríkisstjórnarinnar segist Amal
eiga erfitt með að setja sig í henn-
ar spor. „Ég held að ríkisstjórnin sé
að gera góða hluti en það er erfitt að
dæma um það nema vera með allt
fyrir framan sig. Ég er enginn hag-
fræðingur en ef við setjum þetta upp
eins og hjá venjulegri fjölskyldu þá
trúi ég að þau séu að gera sitt besta.
Sonur minn bað mig nýlega um að
gefa sér dýran hlut en ég sagðist ekki
hafa efni á því núna, hann fengi hann
frekar um jólin. Kannski fáum við líka
glaðning um jólin frá ríkisstjórninni.“
Amal hefur orðið vitni að mun
meiri erfiðleikum en hún upplifir í
dag. Hún geri þó ekki lítið úr vanda-
málum landsmanna og segir mikinn
menningarmun á kreppu í Palestínu
og kreppunni hér. „Við þær aðstæður
sem Palestínumenn búa við á heima-
stjórnarsvæðunum þykir gott að fá
tvær máltíðir á dag. Þegar fólk fær
ekki mat er kreppa. Á Íslandi verðum
við að skera allt niður og erum fyrir
vikið með minna nammi, minna af
kexi, förum sjaldnar í kvikmyndahús
en flestir eru með mat. Þetta eru erf-
iðir tímar hjá mörgum og við sjáum
öll muninn á Bónuskörfunni í dag og
í fyrra. Vonandi lagast ástandið sem
fyrst.“
aftur útlendingur
Amal segist hafa sökkt sér í umræður
um ástandið til að byrja með. Hverj-
um þetta væri að kenna og hverjum
ætti að refsa. Í dag segist hún frek-
ar einbeita sér að því hvernig hægt
sé að laga ástandið. „Við vitum hver
sökudólgurinn er en við verðum að
horfa fram á við. Þetta er ekkert ann-
að en það sem hefur gerst í þriðja
heims löndum líkt og Egyptalandi og
Sýrlandi þar sem þeir ríku hafa flutt
peningana út úr landinu en þeir fá-
tæku gjalda fyrir. Við getum ekki beð-
ið eftir að fólki sé refsað því við verð-
um að standa upp og byrja að vinna
að framtíðinni.“
Hún segir að þegar hún hafi kom-
ið til Íslands 1995 hafi erlendar konur
ekki haft neina rödd í samfélaginu.
Því hafi hún, í samvinnu við aðra,
stofnað Samtök kvenna af erlendum
uppruna árið 2003. „Fyrir kreppu var
ástandið orðið mun betra en þegar
ég kom enda höfðu Íslendingar van-
ist erlendu fólki og farið var að sam-
þykkja það sem hluta af samfélaginu
í gegnum atvinnulífið og annað.
Núna eftir hrun verðum við að
passa okkur vel því fjárhagserfiðleik-
um fylgja oft fordómar og það er stað-
reynd að stór hluti þeirra sem þiggja
atvinnuleysisbætur er útlendingar.
Við reynum að hlúa að fólki og reyn-
um allt sem við getum til að koma
fólki aftur út á vinnumarkaðinn og
halda námskeið svo fólk geti fengið
enn betri vinnu þegar atvinnulífið fer
af stað aftur,“ segir hún og bætir við
að fordómar séu þegar orðnir meiri í
kjölfar hrunsins. „Um daginn hitti ég
konu sem sagðist aftur vera farin að
finna að hún væri útlendingur. Það
hefði komið tímabil sem henni hefði
fundist hún ein af landsmönnum en
það væri breytt í kjölfar kreppunnar.
Það eru margar rannsóknir sem
sanna að glæpir, heimilisofbeldi, for-
dómar og annað eykst í kjölfar svona
erfiðleika. Við vitum það og nú verð-
um við að vinna í þessum málum
áður en ástandið verður hættulegt,“
segir Amal sem er þrátt fyrir kreppu
hamingjusöm á Íslandi. „Þetta er
bara tímabil og þetta lagast. Við feng-
um mörg rosalega fín ár þar sem við
vorum ánægð og það verður að vera
jafnvægi í þessu.“
indiana@dv.is
hafnarfjörður Miðvikudagur 28. október 2009 41
Örugg
þjónusta
Vönduð
vinnubrögð
í 25 ár
MYND
Bæjarhrauni 26, Hafnarfirði
S: 565 4207 - Gsm: 893 5950
www.ljosmynd.is
Ánægð í Hafnarfirði Amal Tamimi segist aldrei gleyma deginum sem hún varð íslenskur ríkisborgari. Mynd Rakel Ósk
„Um daginn hitti ég konu sem sagðist aftur vera
farin að finna að hún væri útlendingur. Það hefði
komið tímabil sem henni hefði fundist hún ein
af landsmönnum en það væri breytt í kjölfar
kreppunnar.“
Meiri fordómar í kreppu