Dagblaðið Vísir - DV - 30.12.2009, Blaðsíða 27

FRÉTTIR 30. desember 2009 MIÐVIKUDAGUR 27
10. LÝÐUR MEÐ FLUGELDASÝNINGU
„Ég ætla ekki að elta ólar við það samfélag hugleys-
ingja sem stór hluti bloggheima virðist orðinn.
Sóðakjaftur þeirra sem þar skýla sér undir dul-
nefnum á samt sinn þátt í því andrúmslofti sem
daglega er kynt undir og því miður leika nokkrir
oddvitar umræðunnar í netheimum þar talsvert
hlutverk líka.“
n Lýður Guðmundsson, stjórnarformaður Exista, flutti ræðu á aðalfundi félagsins í ágúst þar
sem almenningur fékk sjaldséð tækifæri til að kynnast sýn útrásarvíkings á efnahagshrunið og
uppgjör síðastliðins árs.
11. GLEYMSKA INDRIÐA
„Ég var í flugvélinni en ég man ekki svo nákvæm-
lega hvað ég aðhafðist.“
n Svar Indriða Þorlákssonar, aðstoðarmanns Steingríms J. Sigfússonar, í samtali við DV.is í
september. Farþegi í flugvél á leiðinni frá Danmörku sá Indriða skrifa trúnaðarbréf til Steingríms
J. Sigfússonar í byrjun þess mánaðar. Bréfið snérist um niðurstöðu viðræðna íslensku
sendinefndarinnar við Breta og Hollendinga þar sem rætt var um Icesave.
12. HREIFUR ÞINGMAÐUR
„Sjálfstæðisflokkurinn er snúinn flokkur. Hann
snérist á einu augabragði í afstöðunni til EES-
samningsins. Á einu augabragði… Á einu auga-
bragði.“
n Úr þingræðu Sigmundar Ernis Rúnarssonar, þingmanns Samfylkingarinnar. Hann var
þvoglumæltur í ræðustól á Alþingi í ágúst þar sem hann ræddi um Icesave. Þingmaðurinn var
augljóslega hreifur af víni þegar hann lét þessi orð falla en hann hafði drukkið léttvín á golfmóti
í boði MP Banka, líkt og DV greindi frá. Hann baðst síðar afsökunar.

13. RUKKAÐUR FYRIR VÍN SEM HANN
DREKKUR EKKI
„Ég drekk ekki einu sinni kampavín.“
n Pálmi Jónsson, fjármálastjóri KSÍ, var í viðtali við DV í nóvember 2009. Pálmi glataði 3,2
milljónum króna, á þáverandi gengi, af kreditkorti sínu og KSÍ á súlustaðnum Rauðu myllunni,
Moulin Rouge, í Zürich í Sviss árið 2005. Pálmi viðurkennir að hafa heimsótt staðinn en hann
fullyrðir að milljónirnar hafi verið teknar af kortunum í leyfisleysi.
14. INNANTÓMT SVAR UM STYRKI
„Þetta er mitt svar.“
n Steinunn Valdís Óskarsdóttir, þingmaður Samfylkingarinnar, svaraði með þessum hætti
þegar hún var spurð að því í DV í apríl hvort hún hefði fengið styrki frá Baugi og FL Group í
kosningabaráttu sinni fyrir borgarstjórnar- og þingkosningar á árunum fyrir hrunið. Steinunn
Valdís neitaði að svara afdráttarlaust af eða á en sagði í svari sínu sem hún vísaði til að hún
myndi opna bókhald sitt ef aðrir stjórnmálamenn gerðu það líka.
15. LITLA BOMBAN
„Ég ræddi við sálfræðimenntaðan mann í dag sem
er vel inni í málum hreyfingarinnar og hann
grunar að Þráinn sé með alzheimer á byrjunar-
stigi.“
n Margrét Tryggvadóttir, þáverandi þingkona Borgarahreyfingarinnar, skrifaði tölvupóst í
ágúst þar sem hún ræddi um andlegt ástand Þráins Bertelssonar sem var með henni í
þingflokki. Sættir tókust ekki á milli Þráins og annarra þingmanna Borgarahreyfingarinnar eftir
þessa bombu. Þráinn hætti í Borgarahreyfingunni og er óháður þingmaður í dag en
flokkssystkini hans stofnuðu Hreyfinguna.
16. DULARFULLA MAJONESDROTTNINGIN
„Ég á fullt, fullt af vinum og er föðmuð alls staðar
sem ég kem.“
n Kleopötru Kristbjörgu Stefánsdóttur, forstjóra Gunnars Majoness, skaut endanlega upp á
stjörnuhimininn í viðtali við DV í nóvember. Umfjöllun DV um Kleopötru Kristbjörgu vakti mikla
athygli þar sem forstjórinn nýtur mikillar hylli hjá ýmsum, meðal annars erfingjum Gunnars
Majoness sem gerðu hana að forstjóra fyrirtækisins. Kleopatra á sér stóran áhangendahóp sem
hún kallar „Fjölskylduna“. Sitt sýndist hins vegar hverjum um umfjöllun DV og voru margir sem
skildu ekki alveg frásögnina um uppgang hinnar dularfullu Kleopötru.
17. SAMKYNHNEIGÐUR FÉKK EKKI AÐ SYNGJA
„Ég veit að ég fæ ekki að syngja í Fíladelfíu af því að
ég er samkynhneigður, ég veit það.“
n Friðrik Ómar Hjörleifsson söngvari var í viðtali við Séð og heyrt í nóvember þar sem hann
greindi frá því að hann fengi ekki að syngja í kirkju Hvítasunnusafnaðarins, Fíladelfíu. Málið
vakti athygli annarra miðla og endaði það með því að Friðrik og forsvarsmenn Hvítasunnusafn-
aðarins náðu sáttum.
18. BAUÐ SKULDABRÉF FRÁ VENESÚELA
„Það passar að ég hafi komið með þessi bréf og
einnig að þetta hafi verið há upphæð. Þetta voru
bréf sem aðili niðri á Miami var með og var að
bjóða.“
n Jón Gerald Sullenberger fjárfestir svarar DV í desember þar sem hann er spurður hvort
hann hafi boðið Landsbankanum skuldabréf frá Venesúela til umsýslu árið 2006. Málið er nú í
höndum ríkissaksóknara sem kannar hvort bankinn og ríkislögreglustjóri hafi farið að lögum við
meðferð málsins, en grunur leikur á að um tilraun til peningaþvættis hafi verið að ræða.
19. FREISTANDI BARNALÁN
„Ef það er engin áhætta í þessu, hvort sem það eru
börn eða aðrir, hlýtur að vera ákaflega freistandi að
taka slík lán… Við fengum svo bara fjármálakerfið á
hliðina en á þessum tíma voru menn öðruvísi
stemmdir og töldu ekki mikla áhættu í þessu.“
n Einar Örn Jónsson fjárfestir var í viðtali við DV í nóvember spurður út í siðferðilegt réttmæti
þess að veðsetja börn fyrir stofnfjárbréfum í sparisjóðnum Byr. Einar Örn og nokkur systkini hans
létu börn sín kaupa stofnfjárbréf í Byr í stofnfjáraukningunni árið 2007 og tóku til þess lán í
þeirra nafni sem börnin voru persónulega ábyrg fyrir.
20. STAÐALBÚNAÐUR HEIMILISINS
„Þú finnur ekkert hér nema staðalbúnaðinn:
Hafnaboltakylfu og kannski eina exi.“
n Athygli vakti þegar lögregla hafði mikinn viðbúnað fyrir utan heimili Jóns Hilmars
Hallgrímssonar, sem er betur þekktur sem Jón stóri, í desember. Svona svaraði hann
fréttakonu RÚV aðspurður hvort einhver vopn væri að finna á heimili hans eftir að sérsveitin
bankaði upp á heima hjá honum í leit að byssumanni. Byssumaðurinn reyndist svo á endanum
hafa verið meindýraeyðir með vasaljós en Jón fékk gríðarlega athygli vegna málsins.