Dagblaðið Vísir - DV - 30.12.2009, Síða 42

42 MIÐVIKUDAGUR 30. desember 2009 KVIKMYNDIR
HVÍTA TJALDIÐ
Á NÝJU ÁRI
Dolph Lundgren, Lísa í Undralandi
Tims Burton og eitt stórt spurn-
ingamerki frá Christopher Nolan
er meðal þess sem vænta má á nýju
bíóári á Íslandi. DV kannaði útgáfu-
plan kvikmyndaveranna og valdi
það áhugaverðasta. joningi@dv.is
HARRY POTTER
AND THE DEATHLY
HALLOWS: PART I
 Leikstjóri: David Yates.  Leikarar: Daniel
Radcliffe, Rupert Grint, Emma Watson, Ralph
Fiennes.  Frumsýnd: 19. nóvember.
Það er óþarfi að eyða mörg-
um orðum í Harry Potter. Hann
þekkja allir. Fyrri hlutinn í loka-
kaflanum verður frumsýndur
síðla árs og eru væntingarnar
himinháar, eðlilega.
NINE
 Leikstjóri: Rob Marshall.  Leikarar: Daniel Day-Lewis, Marion
Cotillard, Penelope Cruz, Nicole Kidman.  Frumsýnd: 15. janúar.
Það er alltaf mikill viðburður þegar hinn
kvikmyndaleiði Daniel Day-Lewis birtist
á hvíta tjaldinu. Í þetta skiptið leikur hann
aðalhlutverkið í dans- og söngvamynd eftir
leikstjóra Chicago. Segir frá ítalska leik-
stjóranum Guido Contini sem á í erfiðleik-
um með samspil einkalífsins og vinnunnar.
Byggt á samnefndum söngleik.
THE WOLFMAN
 Leikstjóri: Joe Johnston.  Leikarar: Benicio Del Toro,
Anthony Hopkins, Hugo Weaving.  Frumsýnd: 12. febrúar.
Endurgerð klassískrar hryllingsmynd-
ar sem flestir ættu að kannast við.
Benicio Del Toro ætti að virka vel sem
úlfamaðurinn og ekki skemmir fyrir að
hafa gæðaleikara á borð við Anthony
Hopkins og Hugo Weaving við hlið
hans. Verður áreiðanlega vel sótt
mynd, en flest bendir til þess að hún
verði aðeins í meðallagi góð.
IRON MAN 2
 Leikstjóri: Jon Favreau.  Leikarar: Robert Downey
Jr., Gwyneth Paltrow, Mickey Rourke, Sam Rockwell.
 Frumsýnd: 30. apríl.
Fyrri myndin sló í gegn, svo að þetta
framhald ætti ekki að koma neinum á
óvart. Jon Favreau leikstýrir áfram og
hefur fengið sjálfan Mickey Rourke í
að leika illmennið. Það eitt og sér er
næg ástæða til að sjá myndina.
THE BOOK OF ELI
 Leikstjóri: Albert Hughes, Allen Hughes.  Leikarar:
Denzel Washington, Gary Oldman, Mila Kunis, Tom Waits.
 Frumsýnd: 29. janúar.
Önnur tveggja kvikmynda þetta árið
sem gerist eftir miklar hamfarir.
Fjallar um mann sem berst til síðasta
blóðdropa til að vernda bók sem gæti
bundið enda á þjáningar heimsins.
Kemur mörgum fyrir sjónir eins og
bandarísk útgáfa af Mad Max eða
Fallout-tölvuleikjunum.
SHUTTER ISLAND
 Leikstjóri: Martin Scorsese.  Leikarar: Leonardo DiCaprio,
Mark Ruffalo, Ben Kingsley.  Frumsýnd: 26. febrúar.
Tveir lögreglumenn eru kallaðir á af-
skekkta eyju vegna undarlegra atburða á
gömlum geð spítala. Martin Scorsese og
Leonardo DiCaprio eru óaðskiljanlegir
þessa dag ana, líkt og Russell Crowe og
Ridley Scott. Þeim hefur ekki mistekist
enn og því er engin ástæða til að ætla að
það gerist núna.
ROBIN HOOD
 Leikstjóri: Ridley Scott.  Leikarar:
Russell Crowe, Cate Blanchett, William Hurt.
Ridley Scott og Russell
Crowe eru óaðskiljanleg-
ir þessa dagana. Í fimmtu
myndinni þeirra saman, og
þeirri fjórðu á fimm árum,
bregður Crowe sér í hlutverk
Hróa Hattar. Hrói er eins
og sniðinn fyrir tvímenn-
ing ana sem munu eflaust
rúlla þessu upp. Vonandi á
jafn eftirminnilegan hátt og
Gladiator.
CLASH OF THE TITANS
 Leikstjóri: Louis Leterrier.  Leikarar: Sam
Worthington, Liam Neeson, Ralph Fiennes, Danny Huston.
Endurgerð samnefndrar myndar frá
1981. Dauðlegur sonur Seifs berst
gegn illum öflum undir heimanna
til að bjarga jörðinni og himnun-
um. Leikstjóri Hulk og nýstirnið Sam
Worthington leiða saman hesta sína
og ætti það að lofa nokkuð góðu. Sýn-
ishornin lofa að minnsta kosti miklu
sjónarspili.
PRINCE OF PERSIA:
THE SANDS OF TIME
 Leikstjóri: Mike Newell.  Leikarar: Jake Gyllenhaal,
Gemma Arterton, Ben Kingsley, Gísli Örn Garðarsson.
Þessi verður risastór. Gerð eftir vin-
sælum tölvuleikjum og með sjálfan
Jake Gyllenhaal í aðalhlutverkinu.
Hér heima er hún þó líklega merki-
legust fyrir þær sakir að Gísli Örn
Garðarsson leikur illmennið.
TOY STORY 3
 Leikstjóri: Lee Unkrich.  Leikarar: Tom Hanks,
Tim Allen, Joan Cusack.  Frumsýnd: 6. ágúst.
Það hafa margir beðið lengi eftir
þessu framhaldi. Ellefu árum eftir
Toy Story 2 er þriðja myndin loks
á leiðinni. Það vita allir að þetta
verður skemmtileg og vel hepp n-
uð mynd því mistök virðast vera
óþekkt fyrirbæri hjá Pixar.
INVICTUS
 Leikstjóri: Clint Eastwood.  Leikarar: Morgan
Freeman, Matt Damon.  Frumsýnd: 12. febrúar.
Það hlaut að koma að því að
Morgan Freeman léki Nelson
Mandela og ekki dugði minni
maður en Clint Eastwood til.
Myndin segir frá tilraunum
Mandela til að sameina þjóð sína
í kringum úrslitaleik HM í rugby
árið 1994. Eastwood, Freeman
og Matt Damon hafa allir verið
tilnefndir til Golden Globe verð-
launanna fyrir þátt sinn í mynd-
inni.