Dagblaðið Vísir - DV - 30.12.2009, Side 51

VÖLVAN 30. desember 2009 MIÐVIKUDAGUR 51
n Björgólfur Guðmundsson og Björgólfur Thor Björgólfsson munu verjast ásökunum um tengsl við mafíuna í Rússlandi.
Á árinu verða háværar umræður um
skiptingu svokallaðra lottópeninga og að
lokum láta stjórnvöld undan og breyta lög-
um þar að lútandi. Breytingarnar taka ekki
gildi á nýju ári en margir forystumenn fé-
laga og samtaka berjast gegn þessari breyt-
ingu með kjafti og klóm.
Eiður Smári forðast sviðsljósið á nýju ári
og gengur ekki vel á knattspyrnuvellinum.
Heimsmeistaramótinu í knattspyrnu í
sumar lýkur með sigri Þjóðverja. Völvan sér
heimsfrægan knattspyrnumann fá hjarta-
áfall og látast í beinni útsendingu frammi
fyrir öllum heiminum.
Íslenskur lyftingamaður vekur athygli
fyrir lyfjaneyslu í stærri stíl en áður hefur
sést.
Íþróttakonur njóta mikillar velgengni
á árinu og völvan sér Helenu Sverrisdótt-
ur körfuboltakonu í góðum málum og fót-
boltastelpurnar Margrét Lára Viðarsdóttir,
Þóra B. Helgadóttir og Hólmfríður Magnús-
dóttir njóta allar velgengni með erlendum
liðum á nýju ári.
NÁTTÚRUVERND OG ÁLVER
Á árinu verður byggingu álvers á Bakka
endanlega skotið á frest þegar Alcoa segir
sig frá því verkefni endanlega. Ástæðan er
að hluta til sú að Alcoa verður fyrir mikilli
gagnrýni þegar vinnubrögð fyrirtækisins
til að ná hylli sveitarstjórnarmanna komast
í hámæli og þykja ekki smekkleg.
Ekki verður heldur af byggingu álvers
í Helguvík en völvan sér framkvæmdir í
Straumsvík eftir umdeilda kosningu í Hafn-
arfirði.
Nýjar upplýsingar um starfshætti Lands-
virkjunar koma fram í dagsljósið. Völvan
heyrir orðið mútur sagt opinberlega og sér
háttsettan starfsmann fyrirtækisins segja
af sér ásamt forsvarsmönnum sveitarfélags
á Suðurlandi.
SKRÝTNIR HLUTIR
Margt undarlegt verður til þess að skemmta
landanum í svartnætti efnahagsþrenginga
á nýju ári. Þátttaka Íslands í Eurovision nær
athygli fólks því lag Bubba Morthens verð-
ur valið til þátttöku og kóngurinn vekur að
vanda athygli með misgáfulegum athuga-
semdum um málið.
Áramótaskaupið misheppnast algerlega
að þessu sinni og Rimahverfið tekur andköf
af hneykslun og reiði.
Fréttir af undarlegum draugagangi
í húsakynnum opinberrar stofnunar í
Reykjavík snemma árs valda mikilli kát-
ínu því þegar prestlærður maður er mætt-
ur á vettvang til að kveða niður hinn meinta
draug kemur í ljós að um hrekki starfs-
manna er að ræða.
Völvan sér einn hinna rosknu Stuð-
manna gefa út lag sem þjóðin fær svo ger-
samlega á heilann að hún syngur það og
blístrar allt árið. Í framhaldinu gengur tón-
skáldið í endurnýjun lífdaga og fer á ný að
spila og syngja fyrir alþýðu manna á sinn
kankvísa hátt.
Völvan sér opinskáar umræður um kyn-
skipti á nýju ári og þjóðin tekur andköf þeg-
ar þjóðþekkt persóna stígur fram í nýju
hlutverki.
n Íslenskar knattspyrnukonur eiga eftir að njóta velgengni erlendis
á nýju ári sem og íþróttakonur almennt.
n Bubbi Morthens heldur áfram að víkka út tónlistarsvið sitt.
Völvan sér að lag hans verður valið til að keppa fyrir Íslands hönd í
Eurovison.
n Hjaltalín tekur við kyndlinum af Björk og
Sigur Rós sem frægustu tónlistarmenn Íslands.
Lín Design, gamla sjónvarpshúsið Laugavegi 176 Sími 533 2220 www.lindesign.is
OXYTARM
Endurnærir og hreinsar ristilinn
Allir dásama OXYTARM
Í boði eru 60-150 töflu skammtar
30days&
Betri apótekin og Maður lifandi www.sologheilsa.is.
Losnið við hættulega kviðfitu og
komið maganum í lag með því að
nota náttúrulyfin Oxytarm og
30 days saman -120 töflu skammtur -
DETOX
KOMIÐ ÚT