Dagblaðið Vísir - DV - 30.12.2009, Qupperneq 69

30. desember 2009 MIÐVIKUDAGUR 69
OFURMENNI Usain Bolt
bætti heimsmet sitt á árinu. Hann
hljóp á ótrúlegum tíma í 100 metra
hlaupi, 9,58 sekúndum. Hversu hratt
kemst þessi ótrúlegi íþróttamaður?
SVIPMYNDIR
AF ERLENDUM
VETTVANGI
Margt gerðist þetta íþróttaárið þótt engin
væru stórmótin. Mikið var um endur-
komur og eitthvað um óvænt atvik. Hér
er stiklað á stóru yfir íþróttaárið úti í
hinum stóra heimi árið 2009.
SILFURENDURKOMA Lance Armstrong snéri aftur í Tour de France en þurfti að
láta sér lynda annað sætið, tapaði fyrir liðsfélaga sínum og erkifjanda. Hann stofnaði
síðar á árinu sitt eigið lið.
ÓSIGRAÐIR Josep Guardiola er að öðrum
ólöstuðum maður ársins. Hann tók við
Barcelona og stýrði liðinu til þriggja titla á
sínu fyrsta tímabili. Á árinu 2009 unnu þeir
allt sem hægt var, heila sex titla.
BESTIR Brasilía varð álfumeistari í
knattspyrnu eftir sigur á Bandaríkjunum
í frábærum úrslitaleik.
STAL SIGRINUM Hinn fjörgamli
Tom Watson var einu pútti frá því að
vinna Opna breska á sextugsaldri. Hann
tapaði síðar í umspili gegn Stewart Cink
sem vann þar með sitt fyrsta risamót á
ferlinum.
DÝRASTUR Í KORTER Kaka varð
dýrasti leikmaður heims þegar Real
Madrid keypti hann frá AC Milan á 56
milljónir punda.
MILAN, GALAXY, MILAN David
Beckham varð næstum meistari í
þriðja landinu þegar Galaxy tapaði
í vítaspyrnukeppni um MLS-titilinn.
Hann féll einnig í ónáð hjá stuðnings-
mönnum liðsins þegar hann vildi ekki
snúa aftur úr láni frá AC Milan í mars.
Hann fer svo aftur til Milan eftir áramót.
UPPRISAN HAFIN Fabio Capello gerði England að frábæru liði. Liðið tapaði aðeins
einum leik í undankeppninni og er einfaldlega sigurstranglegt á HM næsta sumar.
FALLNIR Eymd Newcastle
varð endanlega fullkomin
þegar liðið féll úr úrvals-
deildinni í vor. Það gæti
þó verið nákvæmlega
það sem liðið þurfti á að
halda því nú hugsa menn
bara um fótbolta, spila eins og
englar og verða aftur mættir í
úrvalsdeildina næsta haust,
án efa.
ÍÞRÓTTAMAÐUR ÁRSINS Ryan Giggs
verður betri með aldrinum. Í byrjun árs
var hann valinn besti leikmaður ensku
úrvalsdeildarinnar í fyrsta skiptið. Hann var
síðar í desember valinn íþróttamaður ársins
hjá breska ríkissjónvarpinu í fyrsta skipti.
HEIMSMEISTARI Jenson Button tók á sig mikla launalækkun hjá Brawn GP til
þess eins að fá að keppa í Formúlunni í ár. Honum datt ekki í hug að hann myndi
standa uppi sem heimsmeistari nokkrum mánuðum síðar.
MVP Kobe Bryant
varð meistari í NBA-
deildinni með Lakers
í fjórða skiptið. Í fyrsta
skiptið á ferlinum
var hann aftur á móti
valinn mikilvægasti
leikmaður úrslita-
keppninnar, MVP.