Dagblaðið Vísir - DV - 15.01.2010, Side 25

Hver er maðurinn?
„Alexander Dan Vilhjálmsson
ritstjóri.“
Hvaðan ertu?
„Ég er frá Íslandi.“
Hver er fyrsta minning þín úr
æsku?
„Að grenja.“
Hver er eftirminnilegasta bók
sem þú hefur lesið?
„Ég ætla að segja Satan‘s burger. Af
því djöfullinn opnaði skyndibitastað í
henni.“
Hver er eftirminnilegasta
kvikmynd sem þú hefur séð?
„Pulp Fiction. Þar er Uma Thurman
rekin í gegn með nál.“
Af hverju ferðu af stað með
Furðusögur?
„Einhver varð að gera það.“
Vantar svona blað í flóruna?
„Já. Hiklaust myndi ég segja.“
Hvað birtir Furðusögur?
„Skáldskap og myndlist sem tengjast
einhvern veginn „Fantastic“, sem er
vísindaskáldsaga eða sögumynstur.“
Hvenær kemur fyrsta tímaritið
út?
„Það kemur út í mars eða apríl. Við
erum búin að vera að safna að okkur
efni.“
Hvað kemur blaðið oft út?
„Það er ekki alveg komið á hreint.
Alla vega tvisvar á ári.“
HEFUR ÞÚ FARIÐ Í LEIKHÚS Á ÞESSU LEIKÁRI?
„Nei, en ég ætla alveg pottþétt að fara.“
ÞORVALDUR TRYGGVASON,
80 ÁRA ELDRI BORGARI
„Nei, ekkert í leikhús. Ég fékk 6 miða í
60 ára brúðkaupsafmælisgjöf og ég á
eftir að fara.“
RÖGNVALDUR RÖGNVALDSSON,
80 ÁRA ELDRI BORGARI
„Nei, ég er ekki búin að ákveða það. Ég
er ekki með mikinn afgang til að fara í
leikhús.“
SIGRÍÐUR J. SIGURÐARDÓTTIR,
60 ÁRA ÖRYRKI
„Nei, því miður. En ég vona að ég
komist eitthvað í vetur. Það er margt í
boði.“
ELLEN ÞÓRSDÓTTIR,
75 ÁRA ELDRI BORGARI
DÓMSTÓLL GÖTUNNAR
ALEXANDER DAN VILHJÁLMSSON
er ritstjóri Furðusagna, nýjasta
tímaritsins á markaðnum. Tímaritið
kemur út í mars/apríl Það verður
helgað skáldskap og myndlist undir
áhrifum frá hryllingi, fantasíum og
vísindaskáldskap.
VANTAR
SVONA BLAÐ
„Nei, en það er gaman.“
VILHELM SIGURÐARSON,
29 ÁRA STARFSMAÐUR Í NETTÓ
MAÐUR DAGSINS
Besta leiðin til þess að gera sjálf-
an sig kjánalegan er að spá fyrir
um hvað muni gerast í framtíðinni.
Þetta á sérstaklega við í máli eins
og Icesave, þar sem í raun allt getur
gerst og vindar breytast dag frá degi.
Eigi að síður ætla ég að leyfa mér
að spá í spilin. Til þess að spá fyr-
ir um stjórnmálin er besta leiðin
hvorki að kanna skítuga kaffibolla
né heldur að líta í lófa viðkomandi.
Það sem maður þarf fyrst að gera er
að skilgreina hagsmuni.
Ljóst er að það var forsetanum í
hag að skrifa ekki undir lögin. Fyr-
ir þriðjudaginn 5. janúar var hann
fyrirlitinn af flestum, en nú eru þeir
mun fleiri sem líta á sig sem stuðn-
ingsmenn hans.
Hvað næst?
Sjálfstæðismenn, og framsóknar-
menn einnig, virðast dauðhrædd-
ir við þjóðaratkvæðagreiðslu. Það
er ekki að undra, því ef lögin verða
felld verða þeir mögulega sjálfir að
taka um taumana. Þá verður það
að samþykkja Icesave-lög, annað-
hvort þessi eða önnur, fyrsta verk-
efni þeirra. Í raun er stjórnarand-
staðan dauðhrædd við að „vinna“
þessa kosningu. Betra er að láta
ríkisstjórnina sjá um skítverkin í
bili og taka við síðar þegar rofar til
í efnahagsmálum. Stjórnarandstað-
an virðist alveg á móti því að kom-
ast í stjórn, enda ekki líklegt til vin-
sælda að vera í þeirri stöðu að þurfa
að skera niður og hækka skatta um
leið.
Ríkisstjórnin virðist minna
hrædd við þjóðaratkvæðagreiðslu
sem stendur. Eigi að síður eru allar
líkur á því að hún tapi henni. Þá þarf
hún að eyða öðru ári sínu í Icesave-
málið, líkt og því fyrsta, og hrýs vafa-
laust hugur við því.
Allir vinna
Það er ekki að undra að sjálfstæðis-
menn og framsóknarmenn vilji nú
skipa þverpólitíska nefnd til þess
að leysa málið. Þeir geta þá lýst yfir
sigri og sagst hafa komið sínum
sjónarmiðum á framfæri.
Hagur ríkisstjórnarinnar ligg-
ur í þessu einnig. Ríkisstjórnin get-
ur lýst yfir einhverskonar sigri með
því að hafa bundið enda á Icesave-
deiluna. Hún þarf ekki lengur ein að
bera ábyrgð á Icesave-málinu, held-
ur Alþingi allt. Málið er þá frá og
hún getur haldið áfram.
Síðast en ekki síst getur forseti Ís-
lands státað sig af sigri. Ef það væri
ekki fyrir hann hefðu betri samning-
ar ekki náðst.
Til þess að þetta gangi síðan upp
þurfa íslenskir stjórnmálamenn að
sannfæra langþreytta Breta og Hol-
lendinga um að eina leið til þess
að leysa deiluna, sökum innan-
landsaðstæðna á Íslandi, sé að þeir
gefi örlítið eftir á táknrænan hátt,
eins og 0,1 prósentustig í vöxtum
eða eitthvað álíka. Einnig er örlítill
möguleiki á að þeir samþykki þau
lög sem Alþingi lagði fram í haust.
Alþingi Íslendinga getur þannig sagt
að betri samningar hafi náðst og lýst
yfir sigri í deilunni. Ríkisstjórnir
Breta og Hollendinga geta státað sig
af því að hafa loksins fundið lausn
án þess að þurfa að beygja Íslend-
inga alveg í duftið. Boltinn er nú hjá
þeim.
Hagsmunir deiluaðila
Niðurstaðan verður þó á endanum
afar svipuð og ef Alþingi hefði kom-
ið sér saman um lausn strax síðasta
sumar. Í millitíðinni hafa margir
dýrmætir mánuðir glatast.
Vandamálið er þó ekki alveg leyst
með þessu, því margir Íslending-
ar eiga eftir að sitja með sárt ennið
og finnast sem að þjóðin hafi verið
svipt ákvörðunarrétti sínum. Mun
líklegra er að til óeirða komi, eða
fjöldaflutninga úr landi, heldur en
ef Icesave-deilan hefði verið leyst
með samkomulagi á Alþingi síðasta
sumar. Svo virðist sem eignir Lands-
bankans gangi að öllu eða mestu
leyti upp í skuldirnar, og því snýst
þetta í raun ekki um peninga. En
sterkir hagsmunaaðilar innanlands
hafa haft hag af því að gera deiluna
sem langvinnasta, og því fór sem fór.
Nú er bara að sjá hvað gerist í
febrúar ...
Líklegasta lausnin á Icesave-málinu
MYNDIN
Glerhjúpnum komið fyrir Þessa dagana er unnið að því að koma fyrir glerhjúp á tónlistar- og ráðstefnuhúsinu Hörpu á Austurbakkanum við Reykjavíkurhöfn. Glerhjúpurinn er
hannaður af Íslandsvininum Ólafi Elíassyni. Glerið í hjúpnum verður litað með nýrri tækni sem gerir að verkum að glerið breytir um lit og blæ eftir því hvernig ljósi fellur á það.
KJALLARI
UMRÆÐA 15. janúar 2009 FÖSTUDAGUR 25
VALUR GUNNARSSON
rithöfundur skrifar
„Síðast en ekki síst
getur forseti Íslands
státað sig af sigri.“