Dagblaðið Vísir - DV - 22.01.2010, Side 20

ÓÞOLANDI SMÁGLÆPIR
Smáglæpamaður sem stel-ur súpu í matvöruverslun fær fulla athygli lögreglu og dómstóla á meðan sá sem
stelur heilu bönkunum sleppur
og það meira að segja án áminn-
ingar. Það tekur kerfið skamman
tíma að kortleggja gjörðir þjófsins
í matvörubúðinni og senda hann í
afplánun. Og það þarf aðeins eina
radarbyssu og tvær löggur til að
sanna glæpi þeirra sem aka of hratt
um Suðurgötuna. Réttarkerfið er
ekki komið á það stig að brenni-
merkja smáþjófa eða höggva af
þeim hönd, sem auðvitað væri rétt-
ast til að fyrirbyggja frekari afbrot.
Og kerfið hefur engan tíma til þess
að kafa ofan í flækjurnar sem teygja
anga sína til Tortóla og Lúxemborg-
ar. Þau mál eru of flókin fyrir löggu
og dómstóla. Og það er þess vegna
sem víkingarnir sem fóru ránshendi
um Evrópu verða ekki lögsóttir. Þeir
fara úr landi undir heiðursverði og
kaupa nýja banka.
En þetta er allt saman skiljan-legt. Það er einfalt að sakfella grímubúinn einstakling sem kastar steini í hús. Skýrslu-
gerðin er þægileg og réttarhöld
einföld. Skítt með það þótt stóru
fiskarnir sleppi. Aðalatriðið er að ná
þeim litlu og refsa þeim grimmilega.
Auðvitað er það skiljanlegt að réttarkerfið vilji sína virkni. Fyrst ekki er hægt að koma böndum á embætt-
ismenn, stjórnmálamenn og aðra
skúrka bankahrunsins þá er ágætt að
loka inni í fangelsi þá sem mótmæltu
með þeim tilþrifum að eitthvað lét
undan. Það er þá allavega eitthvað
að gerast. Og það er af nógu að taka
hjá löggunni.
Fjöldi mynda er til af atburð-unum á Austurvelli þeg-ar búsáhaldabyltingin átti sér stað. Líklega er hægt að
ákæra þúsundir manna fyrir að vera
með hávaða á almannafæri. Réttar-
kerfið getur eytt í það næstu mánuð-
um að fara í gegnum öll þau ósköp.
Við þurfum ekkert að velta fyrir
okkur sekt eða sakleysi þeirra sem
áttu að gæta hagsmuna Íslands en
brugðust. Það er mikilvægara að fá
mótmælendur dæmda en sómakæra
hvítflibba á borð við Árna Mathie-
sen, Björgvin G. Sigurðsson, Davíð
Oddsson, Geir H. Haarde, Ingi-
björgu Sólrúnu Gísladóttur, Jónas
Fr. Jónsson og Kjartan Gunnarsson.
Nei, smáglæpir eru óþolandi og þá
verður að uppræta. Skítt með þá sem
framkölluðu hrunið. Þeir gerðu það
óvart.
SANDKORN
n Ásmundur Stefánsson,
bankastjóri Landsbankans,
er sá einstaklingur sem best
hefur dafnað í rústum Íslands.
Hann var skip-
aður formað-
ur bankaráðs
Landsbank-
ans og lét ráða
sjálfan sig sem
bankastjóra.
Ásmundur gerði
betur en þetta því hann skip-
aði sjálfan sig sem stjórnar-
formann Vestia, eignarhalds-
félags Landsbankans, sem fer
með forræði fjölda stórfyrir-
tækja. Óhætt er að segja að
hann kunni að ota sínum tota.
n Þögnin sem ríkir um spill-
ingu Landsbankans er sláandi.
Þetta er sá banki sem kom
Icesave á
laggirnar með
gríðarlegum
efnahagsleg-
um afleið-
ingum. Fjöldi
manns sem
átti þátt í spill-
ingunni er
enn við störf í ríkisbankanum
eða í fyrirtækjum hans. Þeirra
á meðal er Steindór Baldurs-
son sem var nánasti aðstoð-
armaður Sigurjóns „Icesave“
Árnasonar. Steindór var verð-
launaður af bankanum með
því að hann var gerður forstjóri
Vestia og hefur þannig gríðar-
leg völd í viðskiptalífinu.
n Ekkjan Guðbjörg Matthías-
dóttir í Vestmannaeyjum er
umsvifamikil í viðskiptalífinu.
Henni virðast standa flestar
bankadyr opn-
ar þegar lánsfé
er annars veg-
ar. Þannig fékk
hún yfirráð
yfir Lýsi hf. án
þess að leggja
fram krónu
úr eigin vasa.
Fræg kaup hennar á Árvakri
hafa kostað fremur takmörk-
uð fjárútlát. Aukið hlutafé sem
var skilyrði Íslandsbanka fór
inn í félagið Þórsmörk en ekki
í Árvakur sem tapar formúu
þessa dagana. Nú vill ekkjan
fá yfirráð yfir Skeljungi, eflaust
til að ná í lausafé. Væntanlega
mun einhver bankanna gauka
að henni lánsfé svo það megi
verða.
n Ólafur F. Magnússon borg-
arfulltrúi hefur svo sannarlega
velgt Hönnu Birnu Kristjáns-
dóttur borgarstjóra undir ugg-
um. Hefur
borgarstjóri
setið undir
níðvísum,
ásökunum
um lygar og
jafnvel mút-
ur. Mörg-
um blöskrar
framganga Ólafs Friðriks en
hláturinn ískrar í öðrum. Bent
er á að það voru Hanna Birna
og félagar hennar sem settu
borgarstjórakeðjuna um háls
Ólafs með eftirminnilegum
afleiðingum. Hann er því upp-
vakningur Sjálfstæðisflokksins.
LYNGHÁLS 5, 110 REYKJAVÍK
ÚTGÁFUFÉLAG: Útgáfufélagið Birtíngur ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Sverrir Arngrímsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRAR:
Brynjólfur Þór Guðmundsson, brynjolfur@dv.is
og Þórarinn Þórarinsson, toti@dv.is
AUGLÝSINGASTJÓRI:
Elísabet Austmann, elisabet@birtingur.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Þetta er enginn ágrein-
ingur, þetta er bara mín
ákvörðun.“
Þórhallur Gunnarsson um
að hann hafi ákveðið að
hætta af persónulegum
ástæðum en ekki vegna
ágreinings. - Vísir
„Blekið er varla þornað.“
Gísli Örn Garðarsson um
samning þess efnis að
uppfærsla Borgarleikhússins
og Vesturports hafi verið
seld til sýninga í Þýskalandi.
- DV
„Þetta er einhvers konar
ameríkanisering.“
Matthías Halldórsson aðstoðarlandlæknir um
fjölgun fyrirtækja sem sérhæfa sig í innheimtu
slysa- og skaðabóta fyrir fólk. Hann telur þess
þróun neikvæða. - DV
„Kveð ykkur öll með
söknuði.“
Þórhallur Gunnarsson, fráfarandi
dagskrárstjóri RÚV, sem sagði óvænt upp starfi
sínu. - DV.is
„Gírug í ferðir, gráðug í fé.“
Svona hefst níðvísa Ólafs F.
Magnússonar
borgarfulltrúa um Hönnu
Birnu Kristjánsdóttur
borgarstjóra sem hann flutti
á fundi borgarstjórnar. - DV.is
BÓKSTAFLEGA
Litla, lata Hanna
Hanna Birna Kristjánsdóttir var í
sviðsljósi og reyndar skotspónn
í kvæði, sem nýstirni reykvískrar
ljóðaiðju, kastaði fram á fundi borg-
arstjórnar í byrjun vikunnar. Þarna
var það Ólafur F. Magnússon sem
tjáði sig í bundnu máli. Að vísu er
kvæðið óttalegt hnoð en merkingin
er þó vel læsileg og verður vart ann-
að sagt en Hanna Birna hafi nú náð
að fela sig í því botnfalli sorans sem
Ólafur þekkir af eigin raun, reynd-
ar svo vel að hann treystir sér til að
setja í rímað kvæði. Jafnvel þótt við-
vaningsbragurinn sé mest áberandi
í leirburði Ólafs þá leynir sér ekki að
Ólafur F. er viss um að Hanna Birna
Kristjánsdóttir sé versti borgarstjóri
allra tíma. Hann sakar borgarstjór-
ann um græðgi, óhóflegt ferðasukk,
að þiggja gjafir frá banka, auðmýkt
gagnvart auðvaldi, niðurskurð í vel-
ferðarkerfi og fleiri ósiðlegar gjörðir.
Rím kvæðisins og stuðlar eru yf-
irleitt í lagi. En árásin á vorn hlé-
dræga borgarstjóra hefði svosem
mátt koma frá menni sem státað
getur af fleiri kostum en Ólafur F.
Magnússon. Hann fer þó ábyggi-
lega rétt með allar staðreyndir þegar
hann segir að Hanna Birna sé óhæf
í starfi borgarstjóra, þar sem hún
heldur um stjórnartauma í nefni
þess sama íhalds og lagði hér allt í
rúst. Hún hefur fengið að vera eins-
og viðkvæmt egg í bómullarhnoðra
eða glerdúkka í silkipappír. Ég held
reyndar að Hanna Birna hafi aldrei
sést opinberlega – allavega ekki sem
góður borgarstjóri.
Núna spáir fólk og spekúlerar
hvert verði hugsanlegt meðreiðar-
hyski Hönnu Birnu á lista sjálfstæð-
ismanna í komandi borgarstjórn-
arkosningum. Sjálfur er ég á þeirri
skoðun að best hefði verið að fá á
listann þá hreinræktuðu, innmúr-
uðu menn sem virkilega geta sýnt
okkur hverja hagsmuni Sjálfstæð-
isflokkurinn virkilega vill verja –
menn einsog: Davíð Oddsson, Kjart-
an Gunnarsson, Hannes Hólmstein,
Árni Johnsen og fleiri eðalmenni.
Svo hefði Hanna Birna getað feng-
ið á listann Geir Haarde og Árna
Mathiesen, þá tvo sem leiddu okkur
í gildru Icesave-samninga.
Þjóðin getur þó verið sátt við það
í dag að borgarstjórnin hefur ekki
gert meira af sér en raun ber vitni.
Tekist hefur að koma í veg fyrir ýmsa
einkavinavæðingu og borgin okkar
gæti jafnvel verið verri en hún er.
Áður var það gamli, góði Villi,
núna er það litla, lata Hanna. Djísús
Kræst, hvað gerist næst?
Ólafur vill æfur sanna
að íhalds-braut sé grýtt og myrk
þar eð litla, lata Hanna
frá Landsbankanum þáði styrk.
KRISTJÁN HREINSSON
skáld skrifar
„En árásin á vorn
hlédræga borgarstjóra
hefði svosem mátt
koma frá menni sem
státað getur af fleiri
kostum en Ólafur F.
Magnússon.“
SKÁLDIÐ SKRIFAR
20 FÖSTUDAGUR 22. janúar 2010 UMRÆÐA
Spilling borgarfulltrúa
LEIÐARI
Eitt áþreifanlegasta dæmið um spillingu er þegar stjórnmála-menn finna leiðir til að ráða ná-tengt fólk í stöður á kostnað al-
mennings. Borgarfulltrúar í Reykjavík
ganga lengra. Þeir skipa sjálfa sig í ótrú-
legustu stöður sem þeir hafa enga þekk-
ingu eða getu til að sinna. Niðurstaðan
er að þeir hækka launin sín, jafnvel um
milljónir, en fyrirtækin sem þeir stýra af
vanhæfni eru í rúst.
Orkuveita Reykjavíkur var ein traust-
asta eign borgarbúa. Borgarfulltrú-
ar með milljónastyrki frá auðmönnum
breyttu því. Meðan þeir fóru með æðsta
vald Orkuveitunnar var ákveðið að taka
nánast bara erlend lán, þótt tekjurnar
væru því sem næst allar í krónum. Svo
ákváðu þeir að fara í útrás með pening-
ana okkar og lánsféð. Um leið fengu þeir
hærri laun en annars væri. Orkuveitan
átti meira skylt við FL Group en fyrir-
tæki í almannaeigu. Enda þekktu borg-
arfulltrúarnir ágætlega til FL Group, sem
borgaði þeim milljónir í styrki. Það kem-
ur kannski ekki á óvart að borgarfull-
trúar, sem bjóða andlega veikum manni
borgarstjóratign í skiptum fyrir að kljúfa
flokk sinn og slíta borgarstjórnarsam-
starfi, skuli líka sýna siðleysi á öðrum
sviðum.
Kjartan Magnússon borgarfulltrúi er
einn fárra Íslendinga sem hefur komið til
smáríkisins Djibútí í Austur-Afríku. Hann
fór líka til Eþíópíu, Jemen, Kaliforníu og
Slóvakíu. Við borguðum farið. Til við-
bótar borgum við honum tvær milljón-
ir á ári í laun fyrir framlag hans til orku-
útrásarinnar sem stjórnarformanns REI.
Menntun hans er stúdentspróf. Reynslan
er fyrst og fremst blaðamennska á Morg-
unblaðinu og önnur pólitísk störf fyrir
Sjálfstæðisflokkinn.
Við borgum Sigrúnu Elsu Smáradótt-
ur, borgarfulltrúa Samfylkingarinn-
ar, milljón á ári fyrir hennar framlag til
orkuútrásarinnar. Meira munar þó um
þrotlaus ferðalög hennar á okkar kostn-
að. Hún hefur ferðast til Filippseyja, In-
dónesíu, Kaliforníu og Djíbútí, sam-
tals fyrir tvær milljónir króna á tveimur
árum.
Undir pólitískri stjórn hefur Orkuveit-
an verið misnotuð af stjórnmálamönn-
um og henni stefnt í alls kyns rugl, sem
tengist ekki tilgangi hennar; til dæm-
is að stunda risarækjueldi og skuldsett-
ar yfirtökur í nágrannasveitarfélögum.
Orkuveitan okkar er sýkt af borgarfull-
trúum sem nærast á henni. Nú er hún að
missa máttinn. Það liggur fyrir að bráð-
lega þarf að leggja fram aukaframlag
af almannafé til Orkuveitunnar og/eða
hækka hitareikninga borgarbúa töluvert.
Lífskjör borgarbúa versnuðu við það eitt
að Orkuveitan var skemmd undir stjórn
vanhæfra stjórnmálamanna.
En góðu fréttirnar eru þær að nokkr-
ir borgarfulltrúar náðu að hækka launin
sín verulega og ferðast á framandi staði
sem venjulegir Íslendingar munu aldrei
sjá.
JÓN TRAUSTI REYNISSON RITSTJÓRI SKRIFAR. Orkuveitan okkar er sýkt af borgarfulltrúum sem nærast á henni.