Dagblaðið Vísir - DV - 22.01.2010, Side 28

28 FÖSTUDAGUR 22. janúar 2010 HELGARVIÐTAL
Hamborgarafabrikkan er nýr
veitingastaður sem opnar á jarðhæð
Turnsins á Höfðatorgi í mars 2010.
Á Hamborgarafabrikkunni verður
frábær og fjölbreyttur matur, einstök
stemning og framúrskarandi þjónusta.

Við erum að leita að starfsfólki sem vill
starfa með okkur frá upphafi við að
móta nýjan og spennandi veitingastað.

HAMBORGARAFABRIKKAN AUGLÝSIR EFTIR
VEITINGASTJÓRA, ÞJÓNUM OG MATREIÐSLUFÓLKI
MEÐ NGTÍMASAMBAND Í HUGA
Hamborgarafabrikkan býður fjölbreyttan mat á
frábæru verði úr fersku, íslensku hágæðahráefni.
Hamborgarar og hollir réttir, salöt og steikur
ásamt úrvali forrétta og eftirrétta.
Viltu byrja með okkur?
Við gerum kröfur um:
O Metnað og hressleika
O Samskiptahæfni og þjónustulund
O Heiðarleika og umburðarlyndi
O Jákvætt viðhorf til lífsins

Á móti þá lofum við þér:
O Frábæru starfsumhverfi
O Tækifæri til að vaxa með okkur
O Góðum launum

Sendu okkur umsókn með mynd á
atvinna@fabrikkan.is eða fylltu út
umsókn á www.fabrikkan.is
Trúnaði heitið.
Simmi og Jói
Margir þekktir leikarar hafa valið
sjónvarpsþætti fram yfir kvikmyndir,
er það eitthvað sem þú gætir hugsað
þér?
„Kannski.  Fer eftir efni, leikstjóra,
sjónvarpsstöð og mótleikurum.“
„Hvernig er eðlilegt líf í LA?
„Hmmm.....“
Hvernig er að búa í LA? Mikil og mörg
egó á sama stað eða margar hæfi-
leikaríkar og stórhuga manneskjur
þarna saman komnar?
„Bæði og allt í einu.“
Er útlitsdýrkunin mikil?
„Mér finnst tískan hér í borg hálf-
leiðinleg. Það fyndna er að stelpurn-
ar sem gera ekkert annað í lífinu en
að gera sig fínar  eru eiginlega allar
eins og hinar og þannig búnar, með
allri þessari vinnu, að gera sig venju-
legar.“
Ertu dugleg í ræktinni?
„Ég hugsa vel um mig þannig
að ég hafi heilann í lagi og einbeit-
ingu.  Ég verð mjög pirruð ef ég hef
ekki orku til að gera hlutina almenni-
lega! Mér finnst gaman í bardagalist-
um og þegar ég er að þjálfa fyrir sér-
stakt verkefni er ég í dúndurformi.
Þess á milli passa ég að vera alltaf í
nógu góðu formi til að ég geti kom-
ið mér í frábært form á þremur vik-
um. Pabbi gaf mér jógadiskinn hans
Guðjóns Bergmann og ég geri alla-
vega hluta af kraftjóganu daglega.
Ég sé mikinn mun á mér, jafnvel þótt
ég geri þetta ekki nema 10-15 mín-
útur á dag. Það er þessi herslumun-
ur. Smá aukaglampi í augunum. Að-
eins sneggri. Svo drekk ég alltaf vatn
strax þegar ég vakna og svo reglulega
allan daginn.  Grænt te er galdram-
eðal.  Svo borða ég litlar máltíðir en
frekar oft. Ég get ekki unnið eftir stóra
máltíð, það bara slokknar á mér.“
Hvernig býrðu?
„Við Dean búum í Hollywood-
hæðunum.“
Ert þú dugleg að koma heim?
„Alltaf þegar ég get. Beint til Mý-
vatns.  Dásamlegasti staður í heim-
inum.“
Ég las einhvers staðar að þú hefðir
farið í partí til Tarantinos. Ertu dugleg
að stunda skemmtanalífið?
„Það kemur fyrir.  Það verður að
hafa svolítið gaman af þessu. Quen-
tin er vinur okkar og það er gaman
að koma til hans þótt það séu oft
ansi langar nætur. Annars finnst okk-
ur eiginlega skemmtilegast að fara
á litla holubari sem enginn veit af.
Taka með sér 3 eða 4 vini. Gott að
kúpla sig aðeins út úr heiminum,
finna góðan glymskratta þar sem
dimmt er inni og dansa fram á nótt.“
Af hverju valdirðu að fara út í skóla?
  „Ég vildi læra bókmenntirnar á
ensku.  Svo er þetta einn besti leik-
listarskóli í heiminum.“
Þú fluttir ein út 16 ára, hefurðu alltaf
verið sjálfstæð?
„16 ára er maður ósigrandi.“
Hvar ólst þú upp?
„Ég ólst upp í Reykjavík, fyrst í
Stóragerði svo í Ljósheimunum. Lék
mér endalaust úti með Rúnu vin-
konu og hélt tombólur í Glæsibæ.“
Hvernig líkar þér í Mývatnssveitinni?
„Það er eitthvað alveg guðdóm-
legt við Mývatnssveitina.  Það er al-
gjör kyrrð en samt er bullandi orka í
hverju atómi.  Það verður alltaf stór-
fenglegra í hvert skiptið. Ég fór með
nokkra handritshöfunda, framleið-
endur og aðra vini mína héðan til
Mývatns yfir hátíðarnar, þar á með-
al Joe Morgenstern, kvikmyndagagn-
rýnanda Wall Street Journal, og hann
sendi mér í gær grein sem hann
hafði skrifað um Mývatnssveit í Wall
Street Journal, hann sagðist einfald-
lega ekki hafa getið setið á sér! Ég skil
hann vel.“
Var ekkert erfitt að velja á milli leik-
listar og tónlistar?
„Ég ber svo rosalega mikla virð-
ingu fyrir tónlistarmönnum þar
sem foreldrar mínir eru með hæfi-
leikaríkasta tónlistarfólki sem ég hef
hitt. Tónlistin hefur alltaf verið part-
ur af mér en ég er fyrst núna að hafa
mig í það að spila fyrir aðra.  Það er
dásamlegt.“
Ýttu foreldrar þínir þér út í tónlist?
Eða leiklist?
„Síður en svo.  Ég held að flestir
foreldrar sem eru í listamannabrans-
anum skilji hvers konar óstöðugleiki
fylgir og séu ekki að flýta sér að ýta
börnunum út í  óvissuna.  En mín-
ir foreldrar hafa ALLTAF stutt mig,
oftast skilið mig og þegar þau skilja
mig ekki dæma þau mig aldrei, sama
hvað ákvarðanir mínar hafa stund-
um verið djarfar. Og öðruvísi. Ég tek
ofan fyrir þeim og verð þeim ævin-
lega þakklát.“
Þú byrjaðir ung í Þjóðleikhúsinu, var
áhuginn strax kviknaður um níu ára
aldur?
„Vissulega var rosalega gaman
frá fyrsta andartakinu sem ég steig
á svið. En bara af því að barni finnst
brennandi gaman að láta hugann
reika inn í þykjustuheim fyrir fram-
an 600 manns sem veita því aðdá-
un og athygli þýðir það ekki að örlög
þess geti bara verið að verða leikari… 
Ég var 16 þegar mér fannst ég vera
nógu skýr í kollinum til að taka þesa
ákvörðun.“
Hvernig er þér tekið þegar þú kemur
á Klakann?
„Ég var heima öll jól og áramót
og finn bara einstakan stuðning og
jákvæðni frá Íslendingum.  Takk fyr-
ir það.“
Ertu orðin rík af leiklistinni?
„Ég lifi á mínu starfi...“
Áttirðu þér stjörnudrauma þegar þú
varst ung?
„Ég átti mér draum sem entist
sirka 6 mánuði um að fá að syngja
með Whitney Houston. Núna veit ég
betur. Það myndi kannski ekki koma
vel út. Fyrir mig.“
Eru draumarnir að rætast?
„Smám saman. Einn dag í einu.“
Ertu hamingjusöm?
„Mjög.“
Hvernig horfir kreppan og banka-
hrunið á Íslandi við þér?
„Mér finnst óttalega sorglegt að
sjá hvernig búið er að fara með fólk.
Og enginn vill taka ábyrgð…“
Er kreppan jafnalvarleg í Bandaríkj-
unum?
„Fólk hér í Ameríku missir húsin
sín á hverjum degi. Og atvinnu. Allur
iðnaður hefur stórlega dregist sam-
an.  Þetta eru sambærilegar afleið-
ingar af sama fylleríinu, á Íslandi eru
afleiðingarnar bara á sterum.  Fólk
spyr mig oft hvernig þjóðin spjari sig,
hvort það sé allt í lagi með fjölskyldu
mína. Ég finn virkilega til með lönd-
um mínum sem eiga þetta ekki skil-
ið.“
Varðandi aðdáendavefinn Adoring
Anita Briem, kitlar það ekki hégóma-
girndina að gúggla þig og sjá allar
þessar greinar og myndir plús þenn-
an aðdáendavef?
„Ég verð mjög snortin að sjá að
öll sú vinna sem ég legg á mig veit-
ir fólki eitthvað sem því finnst þess
virði að tala um. Það er ágætis byrj-
unarpunktur.“
Er ekkert erfitt að vera með manni
sem er líka í þessum bransa?
„Ef ég byggi með manni sem
fyndist ekki skemmtilegt að hrær-
ast í þessu með mér allan liðlangan
daginn myndi ég alveg ábyggilega
gera hann brjálaðan.  Við vinnum
mikið saman. Við kveikjum hvort í
öðru. Þetta bara virkar.“
Gætir þú unnið undir hans leikstjórn?
„Ég er einu skrefi á undan
þér.  Hann leikstýrði tónlistarmynd-
bandinu mínu með Preservation
Hall Band og ég er að reyna að fá
hann til að leikstýra mér í kvikmynd
eins fljótt og ég mögulega get. Ég er
að vinna í þessu.“
indiana@dv.is
Ég fæ kjóla og svoleiðis frítt
frá hönnuðum en fæ
það oftast bara lánað
þar sem ég get aldrei
verið í sama dressinu
tvisvar.
Hollywood-leikkona Anita lítur hissa
á myndavélina í mátunarklefa verslunar.
Myndina tók kærasti hennar.
MYND DEAN PARASKEVOPOULOS
Frumsýning Anita ásamt systur sinni, Gunnlaugi pabba sínum og kærastanum
Dean á frumsýningu kvikmyndarinnar Journey to the Center of the Earth í Laugarás-
bíói.