Dagblaðið Vísir - DV - 22.02.2010, Qupperneq 8

8 MÁNUDAGUR 22. febrúar 2010 FRÉTTIR
„Á næstu dögum ætla ég að taka út
alla peninga og loka VISA-korti og
þeim viðskiptum sem ég er með
í Landsbankanum og flytja þau í
sparisjóði sem mér skylst að séu
traustsins verðir,“ segir Sigurður
Hreinn Sigurðsson, viðskiptavinur
Landsbankans til 22 ára.
Hann sendi bankastjóra og stjórn
Landsbankans formlegan tölvupóst í
vikunni þar sem hann tilkynnti þeim
að vegna þess hvernig staðið hafi ver-
ið að málum bankans, meðal annars
í 30 milljarða framlagi til Icelandic
Group og afskriftum forstjóra félags-
ins, ætlaði hann að fara með sín við-
skipti eitthvert annað. Í kveðjubréf-
inu til Landsbankans segir Sigurður:
„Einnig get ég vísað til fjölda annarra
frétta, meðal annars um World Class
og eigendur þess en ég geri ráð fyr-
ir að ykkur sé fullkunnugt um starf-
semi bankans og líklega mun meira
en fjölmiðlar og almenningur hafa
tök á að kynna sér, enda ríkir banka-
leynd um flest það sem þið aðhafist.“
Átakanlegt
Sigurður Hreinn segist eiga um það
bil milljón í sparifé í Landsbankan-
um. „Ég er ekki stór viðskiptavinur
en ég ætla að beina mínum viðskipt-
um annað. Ég er líka að mótmæla í
verki ráðaleysi ráðherranna Jóhönnu
Sigurðardóttur og Gylfa Magnús-
sonar. Það eru neytendur sem verða
að gera eitthvað ef ráðherrar í ríkis-
stjórninni gera ekki neitt,“ segir hann
í samtali við DV.
Hann segir í bréfi sínu að fram-
ferði bankanna gegn látakendum sé
óverjandi og siðferði einstaklinga í
skilanefndum gömlu bankanna og
slitastjórnum átakanlegt. Myndbirt-
ing fjölmiðla af Elínu Sigfúsdóttur og
Sigurjóni Árnasyni í boði fjárglæfra-
manna sýni að munurinn fyrir og eft-
ir hrun sé nákvæmlega enginn.
Byltingu út fyrir bloggið
Jafnvel þótt Sigurður Hreinn sé ekki
stærsti viðskiptavinur bankans og ef-
laust finni bankinn nærri því ekkert
fyrir því að einn viðskiptavinur snúi
við honum bakinu og taki peninga
sína út, þá segir hann það ekki skipta
máli. Í þessu gildi að oft velti lítil þúfa
þungu hlassi. „Ég vil hvetja fólk til
að hugsa sinn gang í staðinn fyrir að
vera frústrerað og blogga um það.
Það þarf að gera eitthvað í málunum.
Það er erfitt að horfa upp á byltingu
sem á sér stað bara á internetinu,“
segir Sigurður.
Hann segir sýnt að hlutirnir fari
ekki að gerast fyrr en fólk taki mót-
mælin af internetinu og komi á stað-
inn til að mótmæla. Það hafi sýnt sig
að hreyfing komst á hlutina þegar
mótmælendur fóru að hrópa hástöf-
um fyrir utan bankana og þeyta bíl-
flautur: „Þá gerist eitthvað!“
Trufla greiðsluflæði bankanna
Friðrik Ó. Ómarsson, formaður Hags-
munasamtaka heimilanna, bend-
ir á að fólk hafi marga möguleika til
þess að sýna hug sinn til bankanna í
verki. Vandinn sé hins vegar að fólk
skorti trú að það geti haft áhrif. Hann
segir hins vegar ýmislegt hægt að
gera. „Fólk getur flutt sín viðskipti,
það getur sagt upp kortaþjónustu og
það er verulega stór hluti af því sem
bankarnir byggja á. Það kemur með
tvöföldum þunga í bakið á neytend-
um án þess að þeir geri sér grein fyrir
því,“ segir hann.
Friðrik bendir á að fólk geti sagt
upp þjónustuháttum og að lok-
um flutt viðskipti sín yfir til annarra
banka. „Það er mjög sterkt því það
snertir bankanna mjög alvarlega.
Þeir sem eru með lánaviðskipti og í
skuld við bankann geta einnig grip-
ið til ýmiskonar ráðstafanna. Ef fólk
vill mótmæla framferði og ákvörðun-
artöku, þá er hægt að færa sig í ann-
an banka, en ef fólk er ósátt að auki
við viðbragðsleysi eða ófullnægjandi
aðgerðir gegn höfuðstólshækkun-
um, getur fólk gripið til ýmissa ráð-
stafana, það er að tefja greiðslur og
greiða jafnvel eftir skilgreind tíma-
mörk til þess að tefja greiðsluflæði
bankanna. Það hefur veruleg áhrif ef
greiðsluflæðið byrjar að hökta.“
Róttækasta úrræðið er svo að vita-
skuld að taka þátt í greiðsluverkfalli.
„ÆTLA AÐ BEINA MÍNUM
VIÐSKIPTUM ANNAГ
Sigurður Hreinn Sigurðsson ætlar að sýna hug sinn til Landsbank-
ans í verki og taka sparifé sitt út úr bankanum eftir 22 ára viðskipti.
Honum ofbjóða afskriftir bankans til auðmanna á meðan ekkert er
gert fyrir almenning.
Hefur lítil áhrif
Innlán í íslenskum bönkum nema hátt í tvö þúsund milljörðum króna. Ef
þeirri upphæð er skipt gróflega í þrennt á milli Íslanbanka, Landsbankans
og Kaupþings, þá má áætla að innlánin í hverjum banka nemi um það bil
660 milljörðum króna. Það þyrfti því gríðarlega stórar aðgerðir til þess að
hafa áhrif á bankana.
Ingólfur H. Ingólfsson hjá Spara segir að aðgerð-
ir eins og þær sem Sigurður Hreinn fóru í miklu
frekar táknrænar en að þær geti haft raunveru-
leg áhrif á starfsemi bankanna. „Bankarnir eru
stútfullir af peningum og það þarf að taka út ansi
mikið sparifé til þess að þetta hafi áhrif. En ef
þúsund manns myndu hlaupa í bankann sinn að
taka út peningana sína, þá máttu búast við því að
restin fylgi á eftir. Það er samt ólíklegt að banka-
áhlaup verði á þessum forsendum. Þú þarft að vera
skelfingu lostinn sem sparifjáreigandi
til að bankaáhlaup eigi sér stað.
Þú verður ekki skelfingu lostinn
af því að þér mislíkar siðferði
bankastjórans,“ segir Ingólfur.
30 prósent heimila
Friðrik segir það stóra ákvörðun að
hætta að borga af lánunum sínum.
„Fólk verður að gera það alvarlega
upp við sig hvort það vill taka þátt í
greiðsluverkfallsáætlunum. Þeir sem
eru róttækastir gera það af því að þeir
geta ekki meir eða láta ekki bjóða sér
meira. Það verður hver og einn að
taka ábyrgð sjálfur.“
Hann segir að samkvæmt könn-
un sem Hagsmunasamtök heimil-
anna létu gera fyrir sig eru um 30
prósent heimila að taka þátt í slík-
um aðgerðum með einum eða öðr-
um hætti. Friðrik brýnir fyrir fólki
að það geti haft áhrif. „Ef 10 þúsund
manns tryðu því að þau hefðu áhrif,
myndu þau hafa áhrif. Það er skort-
ur á samstöðu og trú. Það dýrmæt-
asta sem banki á er viðskiptamaður.
Hvernig getur banki án viðskipta-
manna unnið? Það sem banki gerir
er að haga sér eins og bóndi gagnvart
búpeningi. Hann lítur á viðskiptavini
sína eins og kýr á bás sem hann getur
mjólkað að vild eða slátrað.“
VALGEIR ÖRN RAGNARSSON
blaðamaður skrifar: valgeir@dv.is
Fólk verður að gera það alvar-
lega upp við sig hvort
það vill taka þátt í
greiðsluverk falls-
áætlunum. Friðrik Ó. Ómarsson „Fólk getur flutt sín viðskipti, það getur sagt upp
kortaþjónustu og það er verulega stór
hluti af því sem bankarnir byggja á.“
Hvetur til aðgerða Sigurður
Hreinn Sigurðsson sýnir í verki
það sem aðrir blogga um.
MYND SIGTRYGGUR ARI