Dagblaðið Vísir - DV - 09.04.2010, Blaðsíða 12

12 FÖSTUDAGUR 9. apríl 2010 FRÉTTIR
Íbúar Kópavogsbæjar þurfa að greiða
samtals 1,6 milljarða króna fyrir
íþróttaaðstöðu sem Knattspyrnuaka-
demía Íslands byggði í Kórahverfinu
þar í bæ. Kostnaður bæjarins vegna
fjárfestinga Knattspyrnuakademíunn-
ar nemur nú á þriðja milljarð króna en
átti að vera á bilinu 700 til 800 milljón-
ir. Viðskiptablaðið greindi frá málinu á
fimmtudaginn.
Eiður Smári Guðjohnsen, leik-
maður Tottenham, er einn af aðstand-
endum Knattspyrnuakademíunnar,
auk föður hans Arnórs Guðjohnsen,
Guðna Bergssonar, Loga Ólafsson-
ar og Ásgeirs Sigurvinssonar. Árið
2005 var undirrituð viljayfirlýsing um
samstarf á milli Kópavogsbæjar og
Knattspyrnuakademíunnar um upp-
byggingu íþróttaaðstöðunnar. Hug-
myndin var sú að Knattspyrnuaka-
demían myndi eiga þessar eignir og að
bærinn myndi leigja þær af henni til
25 ára. Ástæðan fyrir þessari útfærslu
var sú að talið var hagstæðara fyr-
ir bæinn að leigja eignirnar frekar en
að kaupa þær þar sem það hefði þýtt
minni fjárútlát fyrir bæinn, samkvæmt
frétt Viðskiptablaðsins.
Kaup Kópavogsbæjar á eignunum
hafa hins vegar breytt þessari stefnu:
Bærinn þarf nú að leggja út í þann
kostnað sem reynt var að losna við
með því að leigja eignirnar. Kópavogs-
búar bera því á endanum kostnaðinn
af þessum fasteignaframkvæmdum
akademíunnar.
Aðstandendurnir eiga
ekki pening
Ástæðan fyrir því að Kópavogsbær
þarf að kaupa eignir Knattspyrnuaka-
demíunnar eru þær að Eiður og fé-
lagar eiga ekki fjármuni til að standa
við skuldbindingar sínar út af bygg-
ingu íþróttaaðstöðunnar. Niðurstað-
an er því sú að Kópavogsbær yfirtek-
ur þessar skuldbindingar og eignast
þær eignir sem um ræðir. Heimild-
ir DV herma að Glitnir hafi lánað fyr-
ir framkvæmdunum á sínum tíma og
má því reikna með að skuldirnar séu
nú við Íslandsbanka. Ef Eiður og við-
skiptafélagar hans hefðu átt fjármuni
til að standa við skuldbindingar sínar
gagnvart bankanum vegna verkefnis-
ins hefði Kópavogsbær ekki þurft að
kaupa eignirnar af þeim.
Guðríður Arnardóttir, bæjarfulltrúi
Samfylkingarinnar í Kópavogi, segir að
ekkert annað sé í stöðunni fyrir bæinn
en að kaupa eignirnar. „Það sem okk-
ur ber að gera er að verja hagsmuni
íbúa Kópavogsbæjar og verja þá fjár-
muni sem bærinn hefur nú þegar lagt í
verkefnið. Og það er ekki hægt að gera
það nema svona. Auðvitað svíður það
alltaf þegar þarf að leggja svona mikla
peninga í eina fjárfestingu en við
verðum að gera þetta. Ég hugsa þetta
svona: Hvernig getur þetta hús nýst
okkur sem best? Það mun nýtast okkur
best ef það verður eign Kópavogsbæj-
ar,“ segir Guðríður og bætir því við að-
spurð að vitanlega hefði bærinn ekki
þurft að kaupa íþróttaaðstöðuna ef
aðstandendur Knattspyrnuakademí-
unnar hefðu getað staðið í skilum.
Styður umfjöllun DV um Eið
Frétt Viðskiptablaðsins um málefni
Knattspyrnuakademíunnar styð-
ur umfjöllun sem DV birti í lok síð-
asta árs um fjárhagsstöðu Eiðs Smára
Guðjohnsen. Þá sagði DV frá því að
Eiður Smári skuldaði um 1.200 millj-
ónir króna á móti eignum sem metnar
voru á 750 milljónir króna. Fyrirsögn
fréttar DV var: „Eiður Smári í krögg-
um.“
Í fréttinni kom fram að Eiður
hefði samið við lánardrottna sína,
Kaupþing í Lúxemborg, nú Banque
Havilland, og Íslandsbanka, um
endurgreiðslu skuldanna á næstu
þremur árum. Laun Eiðs Smára hjá
knattspyrnufélaginu AS Monaco rétt
duga fyrir mismuninum á skuld-
um hans og eignum. Ástæðan fyrir
því að Eiður Smári skuldsetti sig er
meðal annars sú að hann fjárfesti í
fasteignaverkefnum Askar Capital í
Hong Kong og Tyrklandi með lánum
frá Kaupþingi í Lúxemborg og Glitni,
auk fasteigna Knattspyrnuakademí-
unnar.
Eiður lagði 130 milljónir
í verkefnið
Hluti af þeim eignum Eiðs Smára
sem taldar voru geta farið upp í
skuldir hans var viðskiptakrafa á
hendur Íþróttaakademíunni vegna
láns upp á 700 þúsund evrur, um
130 milljónir íslenskra króna. Fjár-
munirnir höfðu runnið í fasteigna-
verkefni Íþróttaakademíunnar.
Samkvæmt heimildum DV reyndi
Eiður Smári að selja viðskiptakröf-
una á síðasta ári en án árangurs:
Enginn vildi kaupa kröfuna. Ástæð-
an fyrir því að Eiður vildi selja kröf-
una var sú að hann vantaði peninga
til að grynnka á skuldum sínum við
Kaupþing í Lúxemborg og Glitni. Ein
af ástæðunum fyrir því að erfiðlega
gekk að selja viðskiptakröfuna var sú
að enginn lánasamningur var gerð-
ur á milli Knattspyrnuakademíunn-
ar og Eiðs Smára og ekkert veð var
fyrir láninu frá honum. Því verður að
segjast að hæpið er að kalla fjárfest-
ingu Eiðs Smára í Knattspyrnuaka-
demíunni lán, jafnvel þó að hann og
fjárhaldsmenn hans hafi lagt þann
skilning í málið eftir efnahagshrun-
ið þegar Eiður var kominn í fjárhags-
erfiðleika. Fullyrða má að þessar 130
milljónir sem Eiður lagði í verkefnið
séu nú tapaðar. Þetta þýðir að Eiður
á ekki eins miklar eignir og talið var
í fyrra þegar hann leitaði eftir sam-
komulagi við lánardrottna sína un
endurgreiðslu þeirra lána sem hann
fékk frá þeim.
Eiður Smári Guðjohnsen lánaði 130 milljónir króna til Knatt-
spyrnuakademíunnar sem nú eru tapaðar. Viðskiptablaðið
greindi frá því að Kópavogsbær hefði keypt eignir akademíunn-
ar fyrir 1,6 milljarða. Fjárhagsvandræði eigendanna eru ástæð-
an. Bæjarfulltrúi Samfylkingar segir að svo há fjárfesting svíði.
EIÐUR TAPAR
130 MILLJÓNUM
INGI F. VILHJÁLMSSON
blaðamaður skrifar ingi@dv.is
Auðvitað svíður það alltaf þeg-
ar þarf að leggja svona
mikla peninga í eina
fjárfestingu en við
verðum að gera þetta.
Í kröggum Kópavogsbær þurfti að
kaupa íþróttaaðstöðuna af Knatt-
spyrnuakademíu Eiðs og félaga þar
sem þeir gátu ekki staðið við skuld-
bindingar sínar. Ef þeir hefðu staðið
betur fjárhagslega hefði bærinn ekki
þurft að kaupa aðstöðuna af þeim.
Eiður sést hér í leik með Tottenham.
Guðni Bergsson, einn af aðstand-
endum Knattspyrnuakademí-
unnar, segir að Kópavogsbær hafi
keypt eignirnar vegna þess að
hagstæðara hafi verið fyrir bæj-
arfélagið að gera það en að leigja
þær áfram. Hann segir ástæðuna
ekki vera þá að hann og viðskipta-
félagar hans hafi ekki getað stað-
ið við skuldbindingar sínar gagn-
vart lánardrottnum sínum. „Þetta
er ekki þannig að við höfum ekki
getað staðið í skilum heldur er
þetta spurning um hvaða upp-
hæð Kópavogsbær borgar fyrir
þetta, annars vegar í leigu og hins
vegar með því að kaupa þetta. Að
athuguðu máli var komist að því
að hagstæðara væri fyrir bæinn
að eiga íþróttaaðstöðuna,“ segir
Guðni.
Hann segir að ýmsar utanað-
komandi ástæður hafi valdið því
að leigan á íþróttaaðstöðunni hafi
hækkað og að Kópavogsbær hefði
því átt að greiða töluvert hærri
leigu til Knattspyrnuakademíunn-
ar. Hann segir að kveðið hafi verið
á um þessa hækkun í leigusamn-
ingnum á milli akademíunnar og
Kópavogsbæjar. „Við hefðum alveg
getað haldið áfram að eiga þetta og
leigt þetta til Kópavogsbæjar en þá
hefði leigan líka þurft að hækka.
Við vorum með skotheldan samn-
ing en við þurftum að fá leigu-
greiðslur þar sem tekið hefði verið
tillit til þess hversu hár byggingar-
kostnaðurinn var orðinn þar sem
við þurftum líka að standa í skilum
við okkar lánardrottna. Þessi upp-
hæð var orðin verulega há þar sem
þetta var stórt og mikið húsnæði,“
segir Guðni.
Hann segir að lendingin í mál-
inu hafi því verið sú að besta lausn-
in fyrir Kópavogsbæ og aðstand-
endur Knattspyrnuakademíunnar
hafi verið sú að Kópavogur yfirtæki
skuldbindingar akademíunnar út
af íþróttaaðstöðunni og eignaðist
hana. „Þetta voru bara tveir aðil-
ar sem komust að heppilegri nið-
urstöðu með tilliti til hagsmuna
beggja.“
Guðni vill ekki gefa það upp
hvernig aðstandendur Knatt-
spyrnuakademíunnar koma fjár-
hagslega út úr fjárfestingunni í
Kópavoginum þar sem hann geti
ekki talað fyrir hönd viðskiptafé-
laga sinna.
Segist hafa getað
staðið í skilum