Dagblaðið Vísir - DV - 09.04.2010, Blaðsíða 23

FRÉTTIR 9. apríl 2010 FÖSTUDAGUR 23
SARKOZY OG „SÁPUÓPERAN“
Í aðalhlutverkum Forsetahjónin,
Nicolas og Carla, eru ekki samstíga
í „sápuóperunni“.
MYND AFP
Fleiri afurðir Gróu á Leiti
FRANÇOIS MITTERRAND
OG KVENNAMÁLIN
Alkunna er að François Mitterrand,
Frakklandsforseti frá 1981 til 1995, tók
nokkur hliðarspor. Um hann var sagt að
hann ræki tvö heimili og hefði eignast
dóttur með einni ástkvenna sinna, Önnu
Pingeot. Mitterand reyndi af fremsta
megni að kveða sögusagnirnar niður og
beitti fyrir sig lögreglunni og leyniþjón-
ustunni. Um síðir varð hann þó of gamall
og gat ekki lengur treyst á það ægivald
sem hann hafði yfir blaðamönnum.
Hann staðfesti sögusagnirnar árið 1994.MARKOVIC-MÁLIÐ
Markovic-málið kom upp í október 1968
þegar líkið af Stevan Markovic, lífverði leik-
arans Alains Delon, fannst á ruslahaugum
við þorp í útjaðri Parísar. Dauði Stevans varð
kveikjan að orðrómi um tilvist ljósmynda
af Claude Pompidou, eiginkonu Georges
Pompidou, fyrrverandi forsætisráðherra
Frakklands og síðar forseta, sem sýndu
hana taka þátt í hópkynlífi með þekktum
einstaklingum úr undirheimunum. Orðróm-
urinn átti ekki við rök að styðjast.
MARÍA ANTOINETTE,
FRAKKLANDSDROTTNING
Franski byltingardómstóllinn réttaði yfir
Maríu Antoinette þann 14. október 1793.
Henni var gefinn lítill tími til að undirbúa
vörn sína og almennt talið að um sýndar-
réttarhöld hafi verið að ræða. Á meðal þess
sem henni var gefið að sök voru sifjaspell
og að hafa skipulagt kynsvall í Versalahöll.
Áhöld eru um flest ákæruatriðin á hendur
Maríu Antoinette og flest talin afurðir
gróusagna.
GISCARD D’ESTAING
OG MJÓLKURBÍLL
Um Giscard d’Estaing, forseta
Frakklands frá 1974 til 1981,
komst sú saga á kreik á áttunda
áratug síðustu aldar að hann
hefði verið á leið til ástkonu
sinnar þegar hann árla morguns
lenti í árekstri við mjólkurbíl. Sú
saga fékkst aldrei staðfest.
JACQUES CHIRAC
Jacques Chirac, forseti Frakklands
frá 1995 til 2007, var sagður hafa
eignast óskilgetið barn með
japanskri konu og eiga feitan
bankareikning í Tókíó að auki.
Þrátt fyrir að leyniþjónustan
rannsakaði málið var kviksagan
aldrei staðfest, né að fullu kveðin
niður.