Dagblaðið Vísir - DV - 16.04.2010, Blaðsíða 48

ORÐ GUÐS - VERK SKRATTANS Í 21 ár hjólaði furðulegasta par Evr-
ópu um Ítalíu og Frakkland og betlaði nætursnarl og gistingu í hverri sókn sem það kom í.
Stéphane Moitoiret og Noëlla Hégo sögðust vera á guðs vegum og vöktu athygli þegar
þau hjóluðu frá þorpi til þorps. Reyndar voru þau svo undarleg að það var nánast venja
þegar þau yfirgáfu eitthvað þorpið í Frakklandi að hafa samband við yfirvöld í nálægum
þorpum og vara við því að undarlegt fólk væri væntanlegt. En í raun grunaði engan að þau
væru hættuleg enda sögðust þau færa fólki frið í Jesú nafni. Allt þar til ungur drengur, Valentin
að nafni, hvarf. Lesið um fólkið sem færði frið, og handbragð skrattans í næsta helgarblaði DV.
SVARTI SKUGGINN
David Lilburn var, að eigin sögn, ekki sjálfrátt þegar hann svipti eiginkonu sína lífi. Hann var kvennaflagari með
nýja ástkonu og eiginkonu sem hótaði skilnaði. Þá birtist Lilburn „svartur skuggi“ sem tók af honum völdin.
Á yfirborðinu féll ekki skuggi á líf Lil-
burn-hjónanna. Þau voru ágætlega
efnuð, David Lilburn átti sex íbúð-
ir í Aberdeen í Skotlandi sem voru
metnar á samtals eina milljón sterl-
ingspunda. Tveir synir þeirra voru
læknar og dóttir þeirra var í laga-
námi, en þegar miðaldurskreppan
skall á David hófs illvænleg þróun.
David Lilburn eyddi þúsund-
um punda í nýjar tennur og bruddi
hárræktartöflur í gríð og erg. Hann
stundaði líkamsrækt af miklum
móð og fór jafnvel í ræktina sex
sinnum í viku. Burtséð frá þeirri
staðreynd að hann hafði ýkta hug-
mynd um eigið ágæti bjó meira að
baki þeim hégóma sem hann hafði
tileinkað sér. David var afkasta-
mikill flagari og hafði nýlega fund-
ið sér nýja ástkonu; 43 ára fráskilda
konu sem hann kynntist fyrir tilstilli
einkamálaauglýsingar.
Eiginkonan hótar skilnaði
Þess var skammt að bíða að eigin-
kona Davids, Ann, kæmist að ást-
arævintýri eiginmannsins og hún
hótaði honum skilnaði. Ann lét ekki
sitja við orðin tóm og hafði sam-
band við skilnaðarlögfræðing. Því
var ástandið orðið þannig á heim-
ilinu að þau sváfu hvort í sínu her-
bergi; hún í hjónaherberginu og
hann í gestaherbergi.
Kvöld eitt þegar hann kom heim
ákvað hann að sofa í hjónaherberg-
inu því Ann var ekki heima og jafn-
vel óvíst hvort hún kæmi heim yfir
höfuð. David læsti að sér og gekk til
náða. Vart hafði hann náð að festa
svefn þegar hann vaknar við bar-
smíð á hurðina. David hleypti Ann
inn og upphófst hið versta rifrildi
sem endaði með því að Ann henti
farsíma að David. „Þá réðst ég á
hana,“ sagði David seinna.
Svarti skugginn gerir
vart við sig
Skyndilega heyrði David rödd sem
sagði: „Dreptu hana! Dreptu hana!“
„Það var svartur skuggi og hann
gaf mér skipun,“ sagði David Lilburn
síðar. „Hann eggjaði mig áfram –
dreptu hana, dreptu hana. Öll sam-
skipti okkar fóru fram með hugs-
anaflutningi.“
Á meðan á rifrildinu stóð barði
David höfði Ann við dyrakarminn
og í gólfið þannig að blóðið lagaði úr
höfði Ann.
Þá birtist svarti skugginn og
skipanir hans voru yfirþyrmandi
og sagði David að hann hefði ekki
átt annars úrkosti en að hlýða fyr-
irmælunum. Hann skildi Ann eft-
ir þar sem hún lá nánast í öngviti á
svefnherbergisgólfinu, fór niður og
náði sér í fjóra eldhúshnífa. Þegar
hann kom upp aftur kraup hann yfir
Ann og lagði til hennar 86 sinnum, í
kviðinn, bakið og hálsinn.
Neyðarlínan
Þrátt fyrir hve ofsafengin árásin var
náði Ann með herkjum að hringja
í neyðarlínuna og í fjórar mínútur
þurfti starfsmaður neyðarlínunnar
að hlusta á þegar lífið var murkað úr
Ann og það síðasta sem Ann náði að
segja var: „David, hættu, ég get ekki
andað!“
Það næsta sem heyrðist á línunni
var rödd Davids sem sagðist ekki
geta sagt hvað hefði gerst en endur-
tók í sífellu heimilisfang hjónanna.
Þegar lögreglan kom á heimili
hjónanna tók David Lilburn á móti
henni. „Hann var óaðfinnanlega
klæddur. Hann var í hvítum nátt-
slopp og leit út eins og einhver á síð-
um tímarita,“ sagði Steele lögreglu-
þjónn sem var með þeim sem fyrstir
komi á staðinn.
Hugði á vægari dóm
David Lilburn neitaði aldrei að hafa
myrt eiginkonu sína og skellti skuld-
inni á „svarta skuggann“. Fulltrúi
ákæruvaldsins, David Ogg, hunds-
aði við yfirheyrslur allar fullyrðingar
Davids um svarta skuggann, og vís-
aði þeim á bug sem bulli og vitleysu.
Og minnti kviðdómendur á orða-
skipti sem David og ástkona hans
höfðu átt. Þá hafði David sagt henni
að hann losnaði fyrr úr fangelsi ef
hann yrði dæmdur fyrir minna brot
en morð af yfirlögðu ráði, og það
hugðist hann gera með því að bera
við minnisleysi að ákveðnu marki.
Og sagði við Lilburn: „Er það ekki
raunin að þú misstir ekki minnið
heldur stjórnina, og þú myrtir kon-
una þína?“ David svaraði að bragði:
„Nei.“
Verjandi Davids reyndi að byggja
á fullyrðingum hans um svarta
skuggann og bætti nú um betur og
sagði að svarti skugginn hefði birst
aftur þegar lögreglan yfirheyrði
hann í kjölfar morðsins. Sagðist
David ekki hafa viljað láta lögregl-
una vita því þá hefði hún „fært hann
á brott“.
Takmörkuð ábyrgð
Geðlæknir var leiddur til vitnis um
andlegt ástand Davids Lilburn og
hann lýsti því hvernig andleg heilsa
Davids kynni að hafa haft áhrif þeg-
ar hann gekk af eiginkonu sinni
dauðri og að hann uppfyllti þau skil-
yrði sem þyrfti til svo ábyrgð hans
yrði úrskurðuð takmörkuð.
Kviðdómendur voru ekki sann-
færðir og gleyptu ekki við sögu Lil-
burns um „svartan skugga“ sem
hefði gefið honum skýlaus fyrirmæli
um að myrða eiginkonuna. Eftir að-
eins tveggja og hálfs klukkutíma
bollaleggingar komst kviðdómur að
einróma niðurstöðu um sekt Davids
Lilburn.
Þegar niðurstaðan lá fyrir tár-
felldi fjöldi ættingja í réttarsaln-
um, en sjálfur sat David hljóður
og sýndi engin svipbrigði. Jafnvel
börn Davids og Ann var létt yfir
því að réttlætið hafði náð fram að
ganga.
David Lilburn var dæmdur til
lífstíðarfangelsis og gert að afplána
nítján ár að minnsta kosti í sept-
ember 2008. Hver veit nema „svarti
skugginn“ verði honum félagsskap-
ur þau ár sem hann dvelur á bak við
lás og slá.
UMSJÓN: KOLBEINN ÞORSTEINSSON, kolbeinn@dv.is
48 FÖSTUDAGUR 16. apríl 2010 SAKAMÁL
„Það var svart-ur skuggi og
hann gaf mér skipun,“
sagði David Lilburn síð-
ar. „Hann eggjaði mig
áfram – dreptu hana,
dreptu hana. Öll sam-
skipti okkar fóru fram
með hugsanaflutningi.“
David Lilburn og Ann
David breyttist þegar
hann náði miðjum aldri.
Ann Lilburn Kviðdómur
féllst ekki á að „svartur
skuggi“ hefði fyrirskipað
að hún yrði myrt.