Dagblaðið Vísir - DV - 27.08.2010, Blaðsíða 50

50 lífsstíll umsjón: indíana ása hreinsdóttir indiana@dv.is 27. ágúst 2010 föstudagur
Þriðja hver
platar
Þriðja hver kona gerir sér upp full-
nægingu reglulega, samkvæmt
nýlegri breskri könnun. Þar kemur
fram að meðalkonan stundar kynlíf
99 sinnum á ári en í 34 skipti endar
ástarleikurinn ekki með fullnægingu
fyrir hana. Konur eru sannfærðar
um eigin leiklistarhæfileika því um
90 prósent þeirra eru vissar um að
makinn geti ekki gert greinarmun á
uppgerð og raunverulegri fullnæg-
ingu. Fullnægingarleysið virðist þó
taka sinn toll en rúmlega 20 prósent
segjast hafa minni áhuga á kynlífi
fyrir vikið. Sama hlutfall viðurkennir
að þær hugsi um aðra menn á með-
an á ástarleiknum stendur í von um
að æsast meira. Hins vegar segjast
yfir 80 prósent taka góðan og lélegan
rekkjunaut framyfir villtan fola sem
veiti þeim enga athygli.
Reikna út
breytinga-
skeiðið
Ný tækni mun gefa konum
tækifæri til að vita hvenær þær
komast á breytingaskeið. Með
tækninni, sem felst í blóðprufu
og er enn í rannsókn, geta konur
frestað barneignum án þess að
hafa áhyggjur af því að fara úr
barneign. „Margir konur eiga eft-
ir að fagna því að vita hvort þær
geta frestað barneignum þar til
þær komast á fimmtugsaldur,“
segir dr. Jennifer Wu kvensjúk-
dómalæknir við Lenox Hill Hos-
pital í New York-borg. Rannsókn-
ir á tækninni standa nú yfir.
Hommar
fá lægri
laun
Samkvæmt nýlegri kanadískri
rannsókn hafa samkynhneigðir
karlmenn lægri laun en gagn-
kynhneigðir karlmenn en lesbíur
hærri laun en gagnkynhneigðar
konur. Rannsóknin birtist í tíma-
ritinu Canadian Journal of Eco-
nomics og er sú fyrsta af sínu tagi
í Kanada. Svipaðar rannsóknir
í Bretlandi og í Bandaríkjunum
gefa álíka niðurstöðu. Kanadísku
niðurstöðurnar gefa til kynna
að hommar hafi 12 prósent
lægri laun en aðrir karlmenn, og
lesbíur 15 prósent hærri laun en
gagnkynhneigðar konur.
Sterk félagsleg staða hjálpar okkur að takast á við krefjandi verkefni:
samband gott við stressi
Matthildur Magnúsdóttir fyrrverandi
þula, er nýútskrifaður lögfræðingur
og nýbökuð mamma. Matthildur segir
móðurhlutverkið erfitt en yndislegt og
viðbrigðin séu mikil. Fyrir stuttu hafi
líf hennar snúist um námið og vinn-
una en í dag geri hún fátt annað
en að setja í vél, skipta um
bleiur og gefa brjóst.
Yndislegt að vera
mamma
Þetta er ljúft
líf, við erum að
kynnast og átta
okkur á hlutunum.
„Meðgangan gekk vel þótt fyrstu
mánuðirnir hafi verið erfiðir. Hann
kom svo í heiminn 1. ágúst og er
voðalega góður og ljúfur þrátt fyrir
smá magakveisu,“ segir Matthildur
Magnúsdóttir, fyrrverandi þula, en
hún er nýbökuð mamma. Sambýl-
ismaður og barnsfaðir Matthildar
heitir Hallgrímur Ólafsson en sá
litli hefur ekki enn verið skírður.
Matthildur fór á foreldra-
fræðslunámskeið sem olli spenn-
ingi og smá kvíða fyrir fæðingunni.
„Þá varð þetta svo raunverulegt en
spenningurinn jókst eftir því sem
dagurinn nálgaðist,“ segir hún en
fæðingin gekk ekki sem skyldi og
endaði með því að barnið var tek-
ið með bjöllukeisara. „Ég var búin
að vera með hríðir í tólf tíma en
samt gekk allt voðalega hægt. Þeg-
ar vatnið var losað féll hjá honum
hjartslátturinn og ég var svæfð og
hann tekinn strax út. Þá kom í ljós
að hann var með tvívafinn nafla-
streng utan um hálsinn. Hann
jafnaði sig um leið og orgaði hátt
enda stór og sterkur strákur,“ segir
hún en sá stutti var 15 merkur og
51 sentímetri.
Matthildur útskrifaðist sem
lögfræðingur í júní frá Háskól-
anum í Reykjavík. Þessa dagana
nýtur hún lífsins heima við með
nýja fjölskyldumeðlimnum. „Ég
tók þetta allt í réttri röð. Kláraði
námið og eignaðist svo barn. Sum-
ir vilja meina að ég sé of skipulögð
en þetta passaði bara svona vel.
Þetta er ljúft líf, við erum að kynn-
ast og átta okkur á hlutunum,“ seg-
ir Matthildur og bætir við: „Það er
allt breytt síðan hann kom í heim-
inn og ég gæti setið allan dag-
inn og horft á hann í vöggunni og
dáðst að honum. Mér finnst alveg
ótrúlegt að ég eigi hann,“ segir hún
brosandi en bætir við að móður-
hlutverkið sé erfiðara en hún hafi
gert sér í hugarlund. „Þetta eru
mikil viðbrigði. Fyrir stuttu síð-
an var ég í skóla og starfaði með
náminu hjá sjónvarpinu en allt í
einu er ég útskrifuð úr náminu og
orðin mamma og geri fátt annað
en að setja í þvottavél, skipta um
bleiur og gefa brjóst. Þetta er samt
dásamlegt og það er yndisleg til-
finning að hafa lítinn gaur sem
treystir á mig.“
Aðspurð um frekari barneigir
gefur Matthildur lítið upp. „Mig
langaði alltaf að vera mamma og
núna fannst mér rétti tíminn til
þess. En hvað börnin verða mörg,
það verður tíminn bara að leiða í
ljós. Það er allt óákveðið.“
indiana@dv.is
Falleg mæðgin
sonurinn er fyrsta
barn matthildar en
sambýlismaður
hennar og
barnsfaðir
á eitt barn
úr fyrra
Það er léttara fyrir þá sem koma úr
sterku félagslegu umhverfi, en aðra,
að takast á við krefjandi aðstæður
eins og að halda ræðu, taka próf eða
ræða við yfirmann sinn. Þetta kemur
fram í nýrri rannsókn vísindamanna
við University of Chicago. Í rann-
sókninni var magn hormónsins kort-
isón, sem oft er nefnt stresshormón-
ið, mælt í yfir 500 MBA-nemendum
fyrir og eftir að þeir höfðu tekið erf-
itt próf. Niðurstöður rannsóknar-
innar gefa til kynna að það að vera í
sambandi virkar eins og bólusetning
gegn stressi. Eftir prófið rauk magn
stresshormónsins upp hjá þeim
nemendum sem ekki áttu maka en
sömu sögu var ekki að segja af þeim
nemendum sem voru í sambandi.
Gerð sambandsins skiptir líka máli.
Giftir nemendur með börn þoldu
betur álag en þeir giftu barnlausu.
Menn hafa lengi vitað að sterk félags-
leg staða hefur áhrif á andlegt álag. Í
rannsókn frá 2008 þar sem vísinda-
menn við Zürich-háskóla stóðu að
kom í ljós að þeir sem ræða við maka
sinn áður en þeir takast á við krefj-
andi verkefni eru minna stressaðir
en þeir sem ekki ræða við maka sinn.
Þrátt fyrir það þykir rannsókn vís-
indamannanna í Chicago merkileg
því þar kemur í ljós hversu mikilvægt
það er að hafa gott félagslegt net þeg-
ar aðstæður verða krefjandi og jafn-
vel þótt enginn nákominn sé nærri
þegar verkefnin eru leyst. MBA-nem-
endurnir voru allir á þrítugsaldri sem
gefur til kynna að við þurfum ekki að
hafa haft áralanga reynslu af stuðn-
ingi maka til að hagnast af stuðningi
hans.
Þeirri spurningu af hverju maki virk-
ar sem bólusetning gegn stressi er
enn ósvarað. Ein kenningin er sú
að ástarsamband breyti áliti okkar
gagnvart áskorunum. Önnur kenn-
ing gæti verið sú að þeir sem láta að-
stæður síður stressa sig upp eru frek-
ar í samböndum.
indíana@dv.is