Dagblaðið Vísir - DV - 27.09.2010, Blaðsíða 8

8 fréttir 27. september 2010 mánudagur
„Þetta er mjög óæskileg þróun,“ seg-
ir Bylgja Valtýsdóttir, upplýsingafull-
trúi Hjartaverndar, um skýrslu OECD
um offitu og ofþyngd. Íslendingar
eru að feta sig upp listann yfir feit-
ustu þjóðir heims og hefur þetta víð-
tæk áhrif á heilsu landsmanna. Einn
fylgifiskur offitu er aukin áhætta á
hjarta-og æðasjúkdómum og þarf að
snúa þessari þróun við.
60 prósent of feitir
Skýrsla OECD sýnir að íbúar heims,
þá eina helst á Vesturlöndum, hafa
fitnað gríðarlega á síðustu 30 árum.
Bandaríkjamenn, sem sitja í efsta
sæti listans, hafa fitnað mest en
skammt undan eru Englendingar og
Ástralir. Íslendingar hafa fitnað mik-
ið á undanförnum árum og sitja nú
í níunda sæti listans, á eftir Chile en
á undan Lúxemborg. Nú teljast sex-
tíu prósent Íslendinga of feitir en
tuttugu prósent eru taldir glíma við
offitu. Samkvæmt tölum Alþjóðheil-
brigðisstofnunarinnar, sem gefnar
voru út árið 2008, kom í ljós að þjóð-
in hafði þyngst um sjö til átta kíló á
síðustu 40 árum. Þannig var meðal-
karlmaður 83 kíló árið 1967 en árið
2007 var hann kominn upp í 91 kíló.
Meðalkonan var 69 kíló árið 1967 en
árið 2007 var hún 76 kíló.
Tíðni sjúkdóma eykst
Hjartavernd hefur staðið fyrir við-
tækri rannsókn í 40 ár þar sem áhersla
er lögð á að finna helstu áhættuþætti
og tíðni hjarta-og æðasjúkdóma á
Íslandi. Bylgja Valtýsdóttir, upplýs-
ingafulltrúi Hjartaverndar, segir að
hár blóðþrýstingur og aðrir áhættu-
þættir hafi almennt farið skánandi.
Rannsóknir Hjartaverndar sýna að
á síðustu árum og áratugum hefur
mikill árangur náðst almennt varð-
andi áhættuþætti hjarta- og æða-
sjúkdóma en þó er einn þáttur þar
sem þróunin er í þveröfuga átt, en
það er offita. Þetta hefur átt sinn þátt
að sjúkdómar sem tengdir eru lík-
amsþyngd svo sem sykursýki af teg-
und 2 sem oft er nefnd fullorðinssyk-
ursýki hefur aukist verulega á síðustu
árum. Sykursýki er stór áhættuþáttur
hjarta- og æðasjúkdóma. „Áhættu-
þættirnir magna hver annan upp.“
segir Bylgja.
Allt hefur áhrif
„Lýðheilsustöð hefur miðað sína
starfsemi við að stuðla að góðri
heilsu landsmanna og þar með tal-
ið heilsusamlegu holdafari,“ segir í
svari frá Lýðheilsustöð Íslands um
hvernig bregðast má við vandanum.
Þetta hefur verið gert meðal annars
með því að stuðla að hreyfingu og
góðu mataræði landsmanna. Það
skiptir miklu máli að aðstæður í nán-
asta umhverfi fólks séu með þeim
hætti að þær stuðli að daglegri hreyf-
ingu, góðri næringu og heilbrigðu
hugarfari.
Reynt hefur verið að stemma stigu
við aukinni offitu og með verkefninu
„Allt hefur áhrif“ hefur Lýðheilsu-
stöð, í samvinnu við mörg sveitar-
félög, meðal annars reynt að bæta
skólamötuneyti. Sem stendur er ver-
ið að efla þróunarstarf um heilsu-
eflingu í grunn-og framhaldsskól-
um í samstarfi við skóla, mennta- og
menningarmálaráðuneytið og heil-
brigðisráðuneytið. Rannsóknir
benda þó til þess að hlutfall barna
sem eru yfir kjörþyngd sé líklega
hætt að aukast, eftir mikla aukningu
á seinni hluta 20. aldar.
Lýðheilsustöð leggur þó áherslu á
það, að í umræðum um börn, er mik-
ilvægt að hafa í huga að mikil áhersla
á holdafar getur valdið börnum van-
líðan. Þannig telja ýmsir að of mik-
il áhersla á umfjöllun um holdafar
í fjölmiðlum sé hluti af flókinni or-
sakakeðju átröskunar, þótt vitanlega
hafi fleiri þættir áhrif þar á. Þá ætti
opinber umræða frekar að leggja
áherslu á mikilvægi þess að börn og
fullorðnir hreyfi sig nægjanlega mik-
ið og neyti fjölbreyttrar og hollrar
fæðu í stað þess að einblína á líkams-
þyngd.
gunnhildur@dv.is
1. Bandaríkin
2. Mexíkó
3. Nýja-Sjáland
4. Ástralía
5. Bretland
6. Kanada
7. Írland
8. Chile
9. Ísland
10. Lúxemborg
Feitustu þjóðirnar
Nú teljast sextíu prósent Íslend-
inga of feitir en tuttugu
prósent eru taldir glíma
við offitu.
Íslendingar eru ofarlega á lista yfir feitustu þjóðir heims samkvæmt skýrslu OECD. Skýrsl-
an, sem kemur út árlega, sýnir að 60 prósent íslensku þjóðarinnar eru yfir kjörþyngd og
tveir af hverjum tíu eru offitusjúklingar. Skýrslan sýnir einnig að offita barna hefur auk-
ist hér landi. Bylgja Valtýsdóttir, talskona Hjartaverndar, hefur áhyggjur af þróuninni.
Óæskileg þróun Bylgja Valtýsdóttir
segir að áhættuþættir offitu magni hver
annan upp.
ÍSLENDINGAR
FITNA OG FITNA
Ísland ofarlega Íslendingar eru í níunda
sæti á lista OECD yfir feitustu þjóðir heims.
Lögsækja fallna
banka
Viðskiptavinir Glitnis og Kaupþings
ætla að lögsækja Íslandsbanka og
Arion banka vegna mistaka og van-
rækslu bankastarfsmanna, sam-
kvæmt kvöldfréttum Stöðvar 2 á
sunnudagskvöldið. Um nokkra fyrr-
verandi viðskiptavini einkabanka-
þjónustu Glitnis er að ræða en þeir
sem keyptu einkabankaþjónustu
áttu yfirleitt meira en 50 milljónir
króna á reikningum. Því er um efn-
aða viðskiptavini að ræða.
Þá hafa nokkrir fyrrverandi
starfsmenn Kaupþings stefnt bank-
anum vegna vanrækslu starfs-
manna, sem hafi valdið þeim fjár-
hagstjóni. Stöð 2 segir að í hálfs árs
uppgjöri Íslandsbanka komi fram að
bankinn viðurkenni ekki þær kröfur
sem þessir fyrrverandi viðskiptavinir
geri – enda snúi kröfurnar að mis-
tökum sem gerð hafi verið fyrir tíð
Íslandsbanka – það er þegar bank-
inn hét Glitnir.
100 uppsagnir
hjá OR
Orkuveita Reykjavíkur mun segja
upp starfsfólki vegna niðurskurðar.
Þetta mun vera liður í því að leið-
rétta rekstrarhalla fyrirtækisins. Yfir-
menn OR hafa kynnt stjórn félagsins
áform um að segja upp allt að 100
starfsmönnum á komandi vikum,
að því er fréttastofa RÚV greinir frá.
Um 600 manns starfa nú hjá fyrir-
tækinu, en ekki hefur verið tilkynnt
um tímasetningu uppsagnanna né
heldur um nákvæman fjölda þeirra
sem missa störf sín. Uppsagnirn-
ar eru liður í því að uppfylla kröfu
um fjórðungs niðurskurð í rekstrar-
kostnaði.