Dagblaðið Vísir - DV - 27.09.2010, Blaðsíða 20

Að drepa smáþjóð er stórmál
Bókamarkaður
í BókaBúð máls
og menningar
Bókabúð Máls og menningar býður
nú sömu verð og lagersölur bóka-
útgefenda á bókamarkaði sínum en
þetta er í fyrsta sinn sem bókabúð
gerir slíkt. Bókamarkaðurinn kemur
til með að standa til 3. októ ber. Á
bókamarkaðnum er að finna mikinn
fjölda titla frá öllum helstu bókaút-
gefendum landsins á frábæru verði
en ódýrustu bækurnar eru á 190
krónur. Úrvalið er sérvalið af starfs-
fólki Bókabúðar Máls og menningar
sem hefur yfirgripsmikla þekkingu á
bókum og ættu því allir að finna eitt-
hvað við sitt hæfi.
Nýir titlar koma til með að bætast
við alla daga markaðarins þannig að
það er þess virði að fylgjast vel með
því fyrstir koma fyrstir fá.
sing For me
sandra með
nýja plötu
Þann 28. september mun hljóm-
sveitin Sing For Me Sandra senda
frá sér sína fyrstu breiðskífu, en
platan er nú þegar komin í sér-
staka forsölu á Gogoyoko.com.
Sing For Me Sandra er höfuð-
borgarsveit úr Reykjavík, Kópa-
vogi og Garðabæ og hefur verið
starfandi frá árinu 2006. Hún
vakti fyrst athygli árið 2009 þegar
sveitin sendi frá sér sína fyrstu
smáskífu, The Fight. Lagið fékk
góðar undirtektir og náði meðal
annars á vinsældarlista X-ins og
Rásar 2. Í kjölfarið kom smáskíf-
an Time Will Tell en samnefnt lag
fékk einnig mjög góðar undir-
tektir.
Nýlega lauk upptökum á
þessari fyrstu breiðskífu sveitar-
innar en hún ber nafnið Apollo‘s
Parade og kemur, sem fyrr segir,
í verslanir þriðjudaginn 28. sept-
ember.
ný plata hjá
swords oF Chaos
Hljómsveitin Swords of Chaos gaf
fyrir viku út sína fyrstu breiðskífu
The End Is As Near As Your Teeth
hjá hljómplötuútgáfunni Kimi Rec-
ords. Hljómsveitin er sögð spila ein-
stakan samhristing af metal og harð-
kjarna tónlist og að plötunni koma
fjölmargir þekktir listamenn og
má þeirra á meðal nefna Kiru Kiru
(Tilraunaeldhúsið), Aron Arnars-
son (kimono, Singapore Sling, Brian
Johnston Massacre), Friðrik Helga-
son (Sudden Weather Change, Bob),
Söru Riel, sem skapaði veru nokkra
sem albúmið prýðir, ásamt fjöll-
mennri blásarasveit. Hljómsveitin
heldur útgáfutónleika á Faktorý bar
þann 1. október og hægt er að ná sér
í miða á þá tónleika í Havarí Music &
Gallerí, Austurstræti 6.
20 fókus 27. september 2010 mánudagur
paBlo FranCisCo á Broadway Bandaríski grínarinn Pablo
Francisco mun vera með uppistand á Broadway sunnudaginn 3. október næst-
komandi. Um frumflutning efnis hans í Evrópu verður að ræða. Hann þykir vera
góð eftirherma og mun vera þekktur fyrir einstaka túlkun á Jackie Chan, Arnold
Schwarzenegger, Howard Stern, Keanu Reeves, Michael J. Fox og Jerry Springer
svo einhverjir séu nefndir. Pablo hefur meðal annars komið fram hjá Jay Leno í The
Tonight Show, Frank TV og Last Comic Standing. Sýning hans kallast Funkin‘ Off The
Wall og mun hann hafa tekið með sér sérstaka gesti sem sjá um að opna kvöldið.
Sýning hefst kl. 20.00 og hægt er að nálgast miða á midi.is.
hvað heitir lagið?
„Ekki vera að bulla í kall-
inum sem sullar á kantin-
um. Fulla larfinum með
gullið í kjaftinum.“
SVAR: Viltu dick - Blaz Roca og Sykur
ÚtÚrlyfjað
austur-Evrópu-þunglyndi
Myndin fjallar um eiturlyfjasala sem
við fylgjumst með gegnum ýmis „æv-
intýri“ sem spanna einn dag í hans
lífi. Hann er díler í víðasta skilningi
starfsheitisins, selur sjúklingum, trú-
arleiðtogum, mömmum, vinum og
vandamönnum sveppi, kók, heróín
og annað úr sama ógæfusekk. Hann
er jafnframt sáluhjálpari, læknir og
barnapía viðskiptavina sinna.
Þrátt fyrir allt ógeðið sem hann
leiðir yfir kaupendurna finnur maður
strax til samúðar með honum og til-
raunum hans til að finna vonarglætu
til að fylgja sér út úr þessum heimi.
Hann er fyrrverandi dópisti og legg-
ur þegar hér er komið sögu drög að
því að ganga frá öllum lausum end-
um og yfirgefa bransann endanlega.
Það er ekkert krúttlegt við allar þær
óhuggulegu týpur sem hann þarf að
díla við þar sem þær aðhafast mis-
gáfulega hluti eftir því hvaða lyfjum
þær eru á. Leikstjórinn notast við
stíl sem má segja að sé orðinn hans
helsta einkenni í kvikmyndagerð.
Tökuvélin færist, panar og súmm-
ar löturhægt í löngum senunum.
Tónlistin spilar með í þungu stefi
sem er gegnumgangandi frá upp-
hafi til enda. Dökkur fílterinn und-
irstrikar enn frekar hvað allt og allir
eru vonlausir í þessum aðstæðum.
Hljóðvinnslan er notuð markvisst til
að gefa ákveðna stemningu í undar-
lega ýktum umhverfishljóðum og til
dæmis í einni senu er hljóðið í sjón-
varpinu spilað aftur á bak sem ýtir
undir óþægindin.
Þetta færir áhorfandann í drunga
rétt eins og hann væri sjálfur lyfjað-
ur. Þótt myndin sé lágstemmd túlkar
leikstjórinn vel hversu þrúgandi líð-
anin er innra með fólkinu. Samræð-
ur eru mjög þungar og framvindan
er erfið að horfa á. Mjög óþægileg,
lágstemmd en næm á hið hamingju-
lausa umhverfi sem myndin gerist í.
Sögur hvers viðskiptavinar fyrir sig
eru vel skrifaðar og myndin er mjög
sannfærandi.
Of sannfærandi myndi einhver
segja, það er ekkert notalegt við að
horfa upp á móður heróínstungna
í myrkrinu meðan barnið reyn-
ir að skilja í hvaða aðstæðum það
er lent. Þannig að hér er sem sagt
komin „feelgood“-mynd ársins...
djók. Myndin lætur þér líða drull-
uilla á svipaðan hátt og Aronof-
sky-myndin Requiem for a dream
lét manni líða eins og skít. Það er
tilgangur út af fyrir sig og honum
er klárlega náð í þunglyndi eins
og bara Austur-Evrópumenn geta
matreitt það.
Erpur Eyvindarson
RIFF: DealeR
Leikstjóri: Benedek Fliegauf
kvikmyndir
Þessi magnaða heimildarmynd seg-
ir langa og flókna sögu á skýran og
spennandi hátt. Þetta er saga þjóðar
sem telur einungis nokkrar milljón-
ir en hefur þurft að berjast við gríð-
arlegt ofurefli fyrir sjálfstæði. Það
þjónar ekki miklum pólitískum hags-
munum stórvelda að styðja við sjálf-
stæðiskröfur svo Tíbet er svo að segja
eitt í baráttunni. Margir listamenn
hafa lagt þjóðinni lið og kemur það
ekki síst fram í þessarri mynd. Holly-
wood-leikarinn Richard Gere og
stórskemmtilegi suður-afríski prest-
urinn Desmond Tutu koma fram til
stuðnings Tíbets og eins hefur ein-
valalið af tónlistarmönnum ljáð
myndinni tónverk. Björk og fleiri eiga
hér lög en auk þess er myndin prýdd
tónlist Thom Yorke, Damian Rice og
Philip Glass sem minnir hér stund-
um á tónlistarvinnu sína í Koyan-
isqatsi. Myndin er fyrir vikið með
flotta stemningu og tökur eru magn-
aðar af þessu fallega landi.
Myndin gerir vel í að sýna mis-
munandi skoðanahópa hvað Tí-
bet varðar. Þá sem fylgja opinberri
línu kínverskra stjórnvalda um Tí-
bet muni ávallt vera hluti af Kína og
að það hafi leitt hagsæld og nútíma-
væðingu yfir hið vanþróaða klerka-
veldi. Á hinn bóginn þá sem sjá tí-
betska menningu og siði verða undir
eftir því sem Han Kínverjum fjölgar
með hverjum degi, að margra mati að
undirlaga kínverskra stjórnvalda til
að gera út af við tíbetska menningu.
Seinni hópurinn er síðan skiptur
niður eftir afstöðu til þeirra aðferða
sem skal beita til að öðlast frelsi. Dalai
Lama hefur boðað málamiðlanir um
sjálfstæði við Kínastjórn meðan aðr-
ir vilja fullt sjálfstæði. Sumir vilja ein-
göngu vinna að þessu friðsamlega
meðan aðrir segja það rétt þjóðar að
verja sig með valdi.
Eins fylgja því miklar gallar að
landinu sé stjórnað af munkum sem
hafi skyldur gagnvart trúnni sem
bitnar á pólitísku starfi. Það virðist
líka vera þannig að kínversk stjórn-
völd hafa engan áhuga á að ræða
frekara sjálfstæði eða sjálfstjórn yfir
höfuð svo málamiðlanir Dalai Lama
virðast ekki vera að gera neitt gagn
annað en að gefa afslátt af kröfum
þjóðarinnar. Nokkurra milljóna þjóð
á litla möguleika í sjálfstæðisstríði
gegn þjóð sem telur meira en millj-
arð. Og hvern einasta dag fjölgar Han
Kínverjum í Tíbet og framtíð Tíbets
sem þjóðar er sérdeilis ótrygg. Þetta
er stórmerkileg og vönduð mynd um
þennan sjóðheita efnivið. Myndin
veltir upp mörgum ólíkum vinklum
á málið en er klárlega með sína eig-
in afstöðu sem er líka í fína lagi. Fyrir
vikið segir myndin sorglega sögu sem
engin lausn virðist á að svo stöddu.
Erpur Eyvindarson
RIFF: When the
DRagon sWall-
oWeD the sun
Leikstjóri: Benedek Fliegauf
kvikmyndir