Dagblaðið Vísir - DV - 27.09.2010, Blaðsíða 18

Þjóðarskútan ÍS varð fyrir því óhappi að stranda á leið sinni um Íslandsála. Þetta atvikaðist á þeim tíma þegar
skipstjórinn, Geirharður, var sofandi í
koju sinni. Á vaktinni var stýrimaður-
inn, Ingólfur Sólbjartur, sem reynd-
ar hafði lagt sig líka. Það hafði gerst
þannig að gamli skipstjórinn, Oddur
Dagbjartsson, hafði komið upp í brú.
Hann var um þær mundir aðstoðar-
maður í vél en hafði þann sið að koma
upp í brú og veita ókeypis ráðgjöf sem
Geirharður skipstjóri taldi mikilvæga.
Þetta hafði síðan orðið til þess að
þegar válynd veður geisuðu og háski
steðjaði að þá lét Geirharður kalla
Odd til og afhenda honum stjórnina
þar til óveðrinu linnti.
Um borð í Þjóðarskútunni var mórallinn ágætur. Það skipti ekki lengur máli hvort vel veiddist eða ekki.
Dagbækur skipsins voru færðar eftir
tilskipan Odds og Geirharðs. Ef ein-
hver í áhöfninni lét í ljósi efasemd-
ir um að bókhaldið færi saman við
raunveruleikann var hann rekinn
með skömm.
Mánuðirnir liðu og áfram sigldi Þjóð-arskútan um fengs-æl fiskimið. Oddur
var á vakt í vélinni og kom síðan
upp í brú þegar því var að skipta.
Og þannig var það örlaganóttina
í október 2008 þegar borgarísjaki
þvældist inn á siglingaleiðina. Geir-
harður svaf en Ingólfur var á vakt-
inni þegar þoka birgði sýn. Oddur
kom umsvifalaust á stjórnpall og
Ingólfur lagði sig. Hásetagrey hafði
áhyggjur af endurvarpi sem birtist í
radarnum á siglingaleið skipsins en
Oddur sagði honum að þegja – þetta
væri villumelding – og rak hann frá
ratsjánni. Og áfram var siglt með
sofandi stýrimann og skipstjóra.
Árekstur skips og borgarís-jaka varð hrikalegur. Það rifnaði gat á Þjóðarskút-una. Geirharður skipstjóri
og Ingólfur stýrimaður hrukku upp
af værum blundi við þann ískalda
veruleika að skipið var að sökkva.
Oddur vélamaður skokkaði léttfætt-
ur niður úr brúnni. Hann áttaði
sig á því að ekki var þörf fyrir hann
í vélarrúminu þar sem allt var í
grænum sjó. Hann fór því út á dekk
og tók sér stöðu við björgunarbát og
hóf að syngja ættjarðarlög.
Skipsskaðinn þegar Þjóðar-skútan sökk vakti heimsat-hygli. Það var ekki síst fyrir þær sakir að slysið líktist því
þegar Titanic fórst. En einnig réði
nokkru leyti sú staðreynd að um 300
þúsund manns áttu um sárt að binda
eftir skipskaðann. En það sem vakti
allra mesta athygli var að skipstjóri og
stýrimaður steinsváfu þegar skipið
sigldi á jakann á 17 sjómílna ferð.
Geirharður skipstjóri átti í hinum mestu erfiðleikum með að svara í sjóréttinum. Hefði hann ekki átt að vera
vakandi og á stjórnpalli? spurði sækj-
andinn. „Jú, kannski hefði ég átt að
gera það,“ svaraði Geirharður. Ingólf-
ur Sólbjartur stýrimaður var nokk-
uð brattur þegar hann var spurður.
Hann benti á skipstjórann sem bæri
einn ábyrgð á örlögum skipsins. Odd-
ur gamli sat á áhorfendabekk og skrif-
aði hjá sér punkta. Um varir hans lék
bros. Einhver hafði spurt hvort hann
ætti ekki að svara til saka en dómarar
bentu á að lögformlega bæri hann
enga ábyrgð. Hann var starfsmaður í
vél en eyddi frívaktinni á stjórnpalli.
Geirharður hrökk við þegar dómar-
inn lyfti hamrinum. Hann horfði auð-
mjúkur á áhorfendabekkina. „Ekki
benda á mig,“ sagði hann í hálfum
hljóðum í sömu andrá og hamars-
höggið glumdi í réttarsalnum.
Þegar skútan sökk
„Ekki í miðnætur-
sól eða á fögrum
sumardegi, en í
stormi og byl hafa
göngin
vinninginn,“ segir
Elías Jónat-
ansson,
bæjarstjóri
Bolungarvíkur,
um það hvort
nýopnuð Bolungarvíkurgöng séu jafn
fögur og hin ægifagra Óshlíð.
eru göngin jafn
fögur og hlíðin?
„Við vorum
búin að velta við
hverjum einasta
steini, ekki bara einu
sinni, ekki tvisvar, heldur
þrisvar eða fjórum
sinnum.“
n Atli Gíslason, um þingmannanefndina sem
hann stýrði sem lagði til að þrír til fjórir
ráðherrar yrðu saksóttir. - DV
„Ég er mikill
lukkunnar
pamfíll. Ég hef
haft það gott í öll
þessi ár og kynnst
og unnið með mikið af
góðu fólki.“
n Garðar Cortes, söngvari fagnar 70 ára afmæli
sínu með tónleikum. - Fréttablaðið
„Ég vildi að fleiri myndu
ganga með líffæragjafa-
kort og ég veit að ég myndi
hiklaust gera það sjálf ef
ég gæti.“
n Pálfríður Sigurðardóttir, fékk nýtt hjarta í
sumar eftir áratuga langa baráttu við erfið
veikindi. - DV
„Ástæðan fyrir
því að ég setti
þessa Facebook-
stöðu er sú að
kannski er ein-
hver sem er kominn í
sömu stöðu og ég og leitar
sér vonandi aðstoðar
frekar en að svipta sig lífi.“
n Steinar Immanúel Sörensen, braut odd af
oflæti sínu og leitaði til Fjölskylduhjálpar
Íslands. - DV
Skúrkar undir stýri
Það er nauðsynlegt að ráðherrar rík-isstjórnar Geirs Haarde fari fyrir landsdóm. Alþingi ber skylda til þess að klára það mál sem þingið sam-
þykkti að fela þingmannanefnd Atla Gísla-
sonar. Með því að kalla saman landsdóm til
að skera úr um sekt ráðherra eða sakleysi er
ekki verið að gera annað en að fara í gegnum
mál þeirra. Þjóðin hefur krafist þess að upp-
gjör fari fram. Ef Alþingi ákveður að sýkna fé-
laga sína með því að vísa ekki málum þeirra
fyrir landsdóm má búast við mikilli ólgu í
samfélaginu. Öllum verður þá ljóst að ráð-
herrarnir eigi vini í þingsölum þar sem sama
fólk vill að mótmælendur fái makleg mála-
gjöld. Þar er enga samúð að finna.
Sjálfstæðismenn eru samstíga í því að vilja
ekki að ráðherrar fari fyrir landsdóm. Lík-
lega ræðst sú afstaða af því að sök Sjálfstæð-
isflokksins í aðdraganda hrunsins er stærst.
Siðlausir þingmenn vilja forða flokknum frá
því að ganga í gegnum tveggja ára umræðu
um glæpi gegn þjóð.
Á meðal þeirra sem andmæla því að lands-
dómur verði kallaður til eru uppi þau rök að
Geir H. Haarde og Ingibjörg Sólrún Gísladótt-
ir hafi ekki vísvitandi brotið af sér og séu því
saklaus. Einkum og sér í lagi eru samfylking-
armenn sannfærðir um sakleysi Ingibjarg-
ar. Þessi sjónarmið eru góð og gild en breyta
samt ekki því að nauðsynlegt er gagnvart al-
menningi í landinu að skera úr um sekt eða
sýknu þeirra sem voru við stjórnvölinn þegar
siglt var í strand.
Þau sjónarmið eru uppi að ekki náist til
skúrkanna sem í raun lögðu grunn að því
hruni sem varð. Davíð Oddsson stóð fyrir
stærstu einkavæðingu sögunnar og sveigði
og braut eigin reglur um dreifða eignaraðild.
Við hlið hans var Halldór Ásgrímsson. Bróð-
urlega skiptu þeir góssinu. Helmingaskipt-
in voru leiðarljósið. Báðir þessir menn sitja
í makindum í feitum störfum. Möguleg sök
þeirra er að líkindum fyrnd. Vitað er að Geir
Haarde var undir áhrifavaldi Davíðs alla sína
stjórnartíð. Það breytir þó engu um ábyrgð
hans. Honum bar að stjórna sjálfur og halda
skúrkunum frá stýrinu.
Landsdómur yfir ráðherrum er nauðsyn.
Sekt eða sýkna kemur þá á daginn. En það
er enn nauðsynlegra að einkavæðing bank-
anna verði gerð upp eins og lagt hefur verið
til. Þótt ekki verði hægt að koma lögum yfir
verk Davíðs verða stjórnmálamenn að læra af
þeim gjörningi. Aldrei aftur mega menn eins
og Davíð og Halldór ganga lausir með lyklana
að fjárhirslum ríkisins. Þjóðin verður að gera
upp valdaferil mannsins sem lagði grunn að
siðleysinu, færði vinum sínum banka og kom
sínu fólki fyrir í dómstólum og innan lög-
reglu. Annars lærum við ekkert af hruninu.
reynir traustason ritstjóri skrifar. Bróðurlega skiptu þeir góssinu
leiðari
spurningin
bókstaflega
18 umræða 27. september 2010 mánudagur
Lygarar
Biskupsstofu
n Framganga Biskupsstofu og
Karls sigurbjörnssonar biskups
í undanförnum hneykslismálum
hefur vakið at-
hygli. Karl hefur
orðið uppvís
að ósannsögli
líkt og margt
starfsfólk hans.
Jónas Kristj-
ánsson bloggari
vekur kröftug-
lega athygli á
ömurlegri stöðu yfirstjórnar Þjóð-
kirkjunnar sem situr sem fastast.
,,Biskupsstofa lýgur að blaðamönn-
um til að vernda glæpamann. Rík-
iskirkjan er orðin þvílíkt ógeð, að
óverjandi er að halda henni fjár-
hagslega á fótum“.
reiprennandi
ÓLafur
n ólafur Ragnar Grímsson, forseti
Íslands, fer bókstaflega á kostum í
vinsældakeppni sinni við ríkis-
stjórnina. Á
meðan Jóhanna
sigurðardótt-
ir stamar og
stautar á þingi
Sameinuðu
þjóðanna renna
skemmtilegheit-
in upp úr forset-
anum á hinum
ýmsu heimsmiðlum. Neikvæð
afstaða hans til ESB hefur orðið til
að breikka enn gjána milli hans
og stjórnarinnar. Og ekki minnk-
ar óvildin þegar Ólafur Ragnar er
fyrir tilstilli Vladimírs Pútín orðinn
heiðursfélagi í rússneska land-
fræðifélaginu.
afskriftir í myrkri
n Fullyrt er að sendimenn Lands-
bankans fari nú um héruð til að
afskrifa að hluta skuldir sjávarút-
vegsfyrirtækja.
Heyrst hefur að á
Snæfellsnesi hafi
einhverjir stór-
skuldarar notið
góðvildar bank-
ans. Allt er þetta
þó í myrkri, og
bankaleynd
borið við þegar
spurt er. Þeir sem gerst þekkja full-
yrða að afskriftir ríkisbankans séu
með vitund og vilja steingríms J.
sigfússonar fjármálaráðherra.
herBert á þakinu
n Eðalpopparinn Herbert Guð-
mundsson hefur árum saman bar-
ist við nágranna sína fyrir dómstól-
um um það hvort hann eigi að taka
þátt í kostnaði
vegna þakvið-
gerða á sameig-
inlegu raðhúsi.
Deilan er enn og
aftur komin fyrir
dóm og liggur
slóð málsins um
undirrétt og í
Hæstarétt. Sjálf-
ur er Herbert hinn rólegasti og tek-
ur slaginn af æðruleysi. Milli þess
sem hann flytur tónlist sína kennir
hann á námskeiði. Þar er hann á
heimavelli og kennir fólki hvernig
það geti komið sér á framfæri í fjöl-
miðlum.
sandkorn
tryggvagötu 11, 101 reykjavík
Útgáfufélag: Dv ehf.
Stjórnarformaður:
Lilja Skaftadóttir
ritStjórar:
jón trausti reynisson, jontrausti@dv.is
og reynir traustason, rt@dv.is
fréttaStjóri:
Ingi Freyr vilhjálmsson, ingi@dv.is
umSjón helgarblaðS:
Ingibjörg Dögg kjartansdóttir, ingibjorg@dv.is
umSjón innblaðS:
Ásgeir jónsson, asgeir@dv.is
dv á netinu: Dv.IS
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: Dv. Prentvinnsla: Landsprent. dreifing: Árvakur.
Dv áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
öll viðtöl blaðsins eru hljóðrituð.
svarthöfði
Dv1009262598
Spurning dagsins