Dagblaðið Vísir - DV - 27.09.2010, Blaðsíða 16
16 erlent 27. september 2010 mánudagur
Brenndu endurminn-
ingar hermannsins
Varnarmálaráðuneyti Bandaríkj-
anna keypti nýlega þúsundir ein-
taka af endurminningum fyrrver-
andi hermanns í von um að halda
mikilvægum upplýsingum leynd-
um. „Varnarmálaráðuneytið keypti
fyrsta upplagið af því að það inni-
hélt upplýsingar sem gátu ógn-
að þjóðaröryggi Bandaríkjanna,“
sagði talsmaður Pentagon, April
Cunningham, á blaðamannafundi
á laugardaginn.
Skrýtin ákvörðun
Í yfirlýsingu til bandarísku frétta-
stofunnar CNN sagði Cunningam
að háttsettir embættismenn í
Pentagon hefðu fylgst með því þeg-
ar 9.500 eintök af endurminning-
um hermannsins Anthony Shaffer
voru brennd 20. septem ber. Bók-
in nefnist „Operation Dark Heart“.
Shaffer segist hafa fengið að vita
um kaupin síðastliðinn föstudag og
aðspurður segist hann ósáttur við
framgöngu bandarískra yfirvalda
í málinu. „Allt svæðið lyktar af
hefnd,“ sagði Shaffer við CNN. „Það
er fáránlegt að einhver skuli ætla
sér að kæfa sögu með því að kaupa
tíu þúsund eintök af bók á þessum
stafrænu tímum.“
Útgefandi Shaffers, St. Martin´s
Press, gaf út annað upplag af bók-
inni en sú útgáfa innihélt breyting-
ar sem bandarísk yfirvöld höfðu
farið fram á, á þeirri forsendu að
um hefði verið að ræða leynilegar
upplýsingar.
Ritskoðuð útgáfa
Í nýja upplaginu sem prentað var
fyrir skemmstu er búið að sverta
yfir ákveðin orð og nöfn sem gætu
„ógnað þjóðaröryggi Bandaríkj-
anna“. Einnig er búið að sverta
heilu málsgreinarnar, en búið er
nánast að sverta yfir á hverri ein-
ustu síðu bókarinnar.
CNN greinir frá því að banda-
rísk varnarmálayfirvöld hafi reynt
í tvo mánuði að fá eintak af hand-
riti bókarinnar áður en hún færi í
prentun. Lögfræðingur Shaffers,
Mark Zaid, sagði fyrr í þessum
mánuði að bókin hefði verið lesin
af yfirmönnum Shaffers hjá her-
num, áður en bókin var gefin út.
„Hann fékk grænt ljós eftir þann
yfirlestur hjá yfirmönnum sínum,“
sagði Zaid. Það var þó öryggisþjón-
usta varnarmálaráðuneytisins sem
mótmælti bókinni þegar hún fékk
eintak af henni. Það var þá orðið
um seinan því bókin var þá á leið
úr prentun. Shaffer sagði sig og út-
gefendur sína hafa lagt hart að sér
svo bókin myndi ekki ógna þjóðar-
öryggi. Hann segir það einfaldlega
vera „geðveiki“ að reyna að lesa
bókina núna, því að það sé búið
að sverta yfir svo mikinn texta sem
innihélt engar mikilvægar upplýs-
ingar um þjóðaröryggi Bandaríkj-
anna.
Hér er til dæmis fyrsta línan
úr bókinni eftir að yfirmenn hjá
bandaríska hernum fengu að fara
höndum um hana. „Hérna var ég
í Afganistan (ritskoðað). Mitt verk
var að reka aðgerðir öryggisþjón-
ustu Bandaríkjahers frá (ritskoð-
að), miðstöð aðgerða Bandaríkja-
hers í landinu.“
Misskildu menninguna
Í endurminningunum rifjar Shaffer
upp tíma sinn í Afganistan þar sem
hann leiddi sérsveit Bandaríkja-
hers í forsetatíð Georges W. Bush.
Þessi margheiðraði hermaður
sagði CNN að stærstu mistök Bush-
stjórnarinnar hafi verið að mis-
skilja menninguna í Afganistan.
Yfirmenn í varnarmálaráðuneyt-
inu segjast vera að bíða upplýsinga
um verð frá útgefanda bókarinn-
ar fyrir fyrsta upplagið og segjast
ekki hafa keypt eintök af breyttu
útgáfunni. Yfirmenn Bandaríkja-
hers virðast þó ekki hafa náð að
kaupa allt fyrsta upplagið því einn
seljandi sagðist vera með eintak af
upprunalegu útgáfunni á netsíð-
unni eBay. Hann vill fá tvö þúsund
Bandaríkjadali fyrir bókina en bók-
in átti að seljast á 26 dali í smásölu.
Frægur gagnrýnandi
Anthony Shaffer komst fyrst í svið-
sljósið eftir árásirnar þann 11.
september 2001. Hann gagnrýndi
meðal annars varnaröryggisstofn-
un Bandaríkjanna fyrir að átta
sig ekki á hættunni sem stafaði af
meðlimum al-Qaeda á þeim tíma.
biRgiR olgeiRSSon
blaðamaður skrifar: birgir@dv.is
Bandaríska varnarmálaráðuneytinu
þótti öryggi bandarísku þjóðarinnar
vera ógnað vegna endurminninga sem
bandarískur hermaður gaf út. Var því
ákveðið að kaupa allt fyrsta upplagið og
eyðileggja það. Nýtt upplag er til sölu þar
sem búið er að strika út það sem talið var
vera viðkvæmar upplýsingar.
Það er fáran-legt að einhver
skuli ætla sér að kæfa
sögu með því að kaupa
tíu þúsund eintök af
bók á þessum stafrænu
tímum.
Pentagon Varnarmála-
ráðuneytiBandaríkjanna
keyptialltfyrstaupplagiðog
eyðilagðiþað.Mynd ReuteRS