Dagblaðið Vísir - DV - 01.10.2010, Side 40

Jóhann fæddist í Reykjavík og ólst
þar upp í foreldrahúsum. Hann lauk
gagnfræðaprófi frá Gagnfræðaskóla
Reykjavíkur 1948 og stundaði banka-
nám og frönskunám við Institut du
Pantheon í París 1952–53.
Jóhann starfaði við banka í París
1952–53 og var starfsmaður Scandi-
navian Bank í London 1954–55. Hann
hóf störf við Landsbanka Íslands 1949
og starfaði þar síðan í ýmsum deild-
um bankans um langt árabil, varð
fulltrúi gjaldeyrisdeildar 1959, deild-
arstjóri þar 1960, útibússtjóri í Austur-
bæjarútibúi, Laugarvegi 77, í nokkur
ár, starfsmannastjóri um skeið, síð-
an framkvæmdastjóri afgreiðslusviðs
bankans í Austurstræti, aðstoðar-
bankastjóri Landsbankans frá 1988 og
síðan framkvæmdastjóri við bankann
þar til hann lét af störfum fyrir aldurs
sakir. Þá vann hann að undirbúningi
Visa Ísland og var stjórnarformað-
ur Visa Ísland frá stofnun þess og í
fimmtán ár.
Jóhann starfaði mikið í Frímúrara-
reglunni um árabil og sinnti þar trún-
aðarstörfum, sat lengi í stjórn Alliance
Française í Reykjavík og var félagi í
Lionshreyfingunni um árabil.
Fjölskylda
Jóhann kvæntist 29.8. 1952 Svölu
Magnúsdóttur, f. 15.9. 1933, húsmóð-
ur. Foreldrar Svölu voru Magnús Vil-
helm Jóhannesson, f. 1891, d. 1958,
yfirframfærslufulltrúi í Reykjavík, og
k.h., Fríða Jóhannsdóttir, f. 1906, d.
1997, húsmóðir.
Börn Jóhanns og Svölu:
Magnús Valur, f. 2.12. 1954, verk-
fræðingur og svæðisstjóri hjá Vega-
gerðinni á Vesturlandi, kvæntur
Bjarnveigu Ingvarsdóttur, f. 31.1. 1955,
kennara, og eiga þau þrjú börn, Svölu
Birnu, f. 29.12. 1976, gift Jens Hjaltalín
Sverrissyni og eiga þau tvo syni; Eddu
Elísabetu, f. 29.7. 1981 sem er í sam-
búð með Bernharð Aðalsteinssyni;
Val, f. 6.11. 1988.
Guðmundur Örn, f. 23.12. 1960,
markaðsráðgjafi, kvæntur Írisi
Gunnarsdóttur, f. 23.5. 1965, og eiga
þau tvö börn, Díönu Írisi, f. 17.5. 1985;
Jóhann Berg, f. 27.10. 1990.
Sólveig Fríða, f. 30.11. 1972, verk-
fræðingur og hagfræðingur og fram-
kvæmdastjóri Læknafélags Íslands,
gift Ingimar Guðjóni Bjarnasyni, f.
3.10. 1972, verkfræðingi, og eiga þau
tvö börn, Sindra Þór, f. 24.11. 1998;
Andreu Sif, f. 1.8. 2002.
Systkini Jóhanns voru Hörður, f.
4.2. 1922, d. 10.9. 2005, var listmálari,
byggingafræðingur og kennari; Krist-
ín Houhoulis, f. 1923, d. 2001, var hús-
móðir í Washington DC í Bandaríkj-
unum; Erla, f. 21.7. 1932, d. 20.3. 2008,
var flugfreyja og starfsmaður hjá Flug-
leiðum í Reykjavík.
Foreldrar Jóhanns voru Ágúst
Markússon, f. 30.7. 1891, d. 30.12.
1965, veggfóðrarameistari í Reykjavík,
og k.h., Guðrún Guðmundsdóttir, f.
4.7. 1893, d. 27.9. 1947, húsmóðir.
Ætt
Ágúst var bróðir Karls, afa Markúsar
Arnar Antonssonar, forstöðumanns
Þjóðmenningarhúss og fyrrv. borg-
arstjóra. Ágúst var sonur Markúsar,
söðlasmiðs í Reykjavík, bróður Guð-
laugs, afa Andrésar Gestssonar nudd-
ara, Óskars Jónssonar fræðimanns
og langafa Víglundar Þorsteinssonar,
fyrrv. forstjóra. Markús var sonur Þor-
steins, b. í Gröf í Hrunamannahreppi,
bróður Jóns, langafa Þorsteins Einars-
sonar íþróttafulltrúa. Þorsteinn var
sonur Jóns, b. á Högnastöðum Jóns-
sonar, ættföður Högnastaðaættar.
Móðir Markúsar var Guðrún, systir
Ingibjargar, langömmu Eðvarðs Sig-
urðssonar, alþm. og forseta ASÍ. Guð-
rún er dóttir Jóns, b. í Galtafelli Björns-
sonar, b. í Vorsabæ Högnasonar, lrm. á
Laugarvatni Björnssonar, bróður Sig-
ríðar, móður Finns Jónssonar, biskups
og ættföður Finsenættar, föður Hann-
esar biskups, afa Steingríms Thor-
steinssonar skálds. Móðir Jóns var
Bryngerður Knútsdóttir, systir Sigríð-
ar, ömmu Tómasar Guðmundssonar
skálds og Hannesar þjóðskjalavarðar
og Þorsteins hagstofustjóra Þorsteins-
sona. Móðir Guðrúnar var Guðrún
Guðmundsdóttir, pr. í Hruna Magn-
ússonar, pr. á Þingvöllum Sæmunds-
sonar, pr. í Miklabæ Magnússonar, b.
í Bræðratungu Sigurðssonar. Móð-
ir Sæmundar var Þórdís Jónsdóttir
(Snæfríður Íslandssól).
Móðir Ágústs var Jóhanna Svein-
björnsdóttir, b. í Ási Jónssonar, og
Kristínar Einarsdóttur, systur Ingveld-
ar, langömmu Steinþórs Gestssonar
alþm., föður Gests skattstjóra.
Guðrún, móðir Jóhanns, var syst-
ir Andreu, ömmu Kristjáns Odds-
sonar, fyrrv. framkvæmdastjóra
Íslandsbanka. Guðrún var dóttir Guð-
mundar, veitingamanns í Reykjavík,
bróður Guðmundar, langafa Jóhanns
Hjartarsonar stórmeistara. Guð-
mundur var sonur Ámunda, b. á Sand-
læk í Gnúpverjahreppi Guðmunds-
sonar og Guðríðar Guðmundsdóttur,
b. í Langholti Björnssonar. Móðir Guð-
ríðar var Guðrún Ámundadóttir, smiðs
og málara í Syðra-Langholti og vefara í
Innréttingunum í Reykjavík Jónssonar.
Móðir Guðrúnar Guðmundsdótt-
ur var Kristín, systir Magnúsar, afa
Stefáns Péturssonar, aðstoðarbanka-
stjóra Landsbankans, og Ásgeirs, fyrrv.
sýslumanns og bæjarfógeta. Krist-
ín var dóttir Andrésar, hreppstjóra í
Syðra-Langholti í Hrunamannahreppi
Magnússonar, alþm. í Syðra-Lang-
holti Andréssonar, langafa Ásmund-
ar Guðmundssonar biskups. Móðir
Magnúsar var Margrét Ólafsdóttir, b.
á Efra-Seli Magnússonar, og Marínar
Guðmundsdóttur, b. á Kópsvatni Þor-
steinssonar, ættföður Kópsvatnsættar.
Móðir Andrésar var Katrín Eiríksdótt-
ir, dbrm. á Reykjum á Skeiðum Vigfús-
sonar, ættföður Reykjaættar, langafa
Sigurgeirs Sigurðssonar biskups, föð-
ur Péturs biskups. Móðir Katrínar var
Ingunn Eiríksdóttir, b. í Bolholti Jóns-
sonar, ættföður Bolholtsættar, langafa
Páls, langafa Björns Líndals, fyrrv. að-
stoðarbankastjóra Landsbankans.
Jóhann var jarðsunginn frá Bú-
staðakirkju sl. fimmtudag.
Jóhann Ágústsson
fyrrv. aðstoðarbankastjóri Landsbankans
Fæddur 4.5. 1930 – Dáinn 23.9. 2010
40 minning 1. október 2010 föstudagur
andlátmerkir íslendingar
Pétur
Pétursson
biskup
f. 3.10. 1808, d. 15.5. 1891
Pétur fæddist á Miklabæ í Blöndu-
hlíð í Skagafirði, sonur Péturs
Péturssonar, prófasts þar, og k.h.
Þóru Brynjólfsdóttur húsfreyju.
Pétur biskup var bróðir Jóns Pét-
urssonar, alþm.og háyfirdómara,
og Brynjólfs Péturssonar Fjölnis-
manns. Tengdasynir Péturs bisk-
ups voru báðir þekktir menn, hvor
á sínu sviði, Bergur Thorberg,
landshöfðingi og alþm., og dr. Þor-
valdur Thoroddsen náttúrufræð-
ingur.
Pétur var samtímis Jónasi Hall-
grímssyni í Bessastaðaskóla, lauk
þaðan stúdentsprófum 1827, lauk
guðfræðiprófi við Hafnarháskóla
1834, lic.theol.-prófi 1840, lauk
doktorsprófi 1844 og varð prófess-
or að nafnbót árið 1849.
Pétur var kennari að Geita-
skarði 1827–28 og á Flugumýri og
hjá foreldrum sínum 1834–37, fékk
þá Helgafell og Staðastað sama
ár og varð prófastur Snæfellsnes-
prófastsdæmis 1838. Hann dvaldi
í Kaupmannahöfn 1839–40 og
1843–44, var skipaður forstöðu-
maður Prestaskólans í Reykjavík
1847, jafnframt settur dómkirkju-
prestur í Reykjavík 1854 en gegndi
auk þess biskupsstörfum 1855–56.
Hann var svo skipaður biskup yfir
Íslandi 1866 og gegndi því embætti
til 1889.
Pétur kom af auðugu fólki og
var sjálfur einn auðugasti mað-
ur landsins. En það kom ekki í veg
fyrir að hann nyti umtalsverðra
vinsælda og væri almennt talinn
góðmenni, ekki síst gagnvart um-
renningum. Hann var bæjarfull-
trúi í Reykjavík 1849–51 og 1855–
56, konungskjörinn alþm. 1849–87
og þjóðfundarmaður á Þjóðfund-
inum fræga í húsi Lærða skólans
1851.
Halldór
Kristjánsson
frá kirkjubóLi
f. 2.10. 1910, d. 26.8. 2000
Á laugardag eru hundrað ár liðin frá
fæðingu Halldórs Kristjánssonar
frá Kirkjubóli. Hann fæddist
að Kirkjubóli í Bjarnadal í Ön-
undarfirði en foreldrar hans voru
Kristján Guðmundsson, bóndi á
Kirkjubóli, og k.h., Bessabe Hall-
dórsdóttir húsfreyja.
Halldór var bróðir Ólafs Þórð-
ar, skólastjóra í Hafnarfirði, föð-
ur Kristjáns Bersa sem lengi var
skólameistari í Flensborg, og föð-
ur Ásthildar, móður Ólafs Harð-
arsonar stjórnmálafræðings og
Tryggva Harðarsona, fyrrv. bæj-
arstjóra. Annar bróðir Halldórs er
Guðmundur Ingi, skáld og bóndi á
Kirkjubóli, en systir þeirra var Jó-
hanna, húsfreyja á Kirkjubóli.
Halldór ólst upp á Kirkjubóli,
stundaði nám við Héraðsskólann á
Núpi og stundaði búskap á Kirkju-
bóli til 1973. Hann var auk þess
blaðamaður við Tímann 1946–51,
var varaþingmaður Vestfjarða-
kjördæmis fyrir Framsóknarflokk-
inn 1959–76 og sat mikið á þingi á
árunum 1964–1974. Þá var hann
starfsmaður Alþingis 1974–89.
Halldór gegndi fjölda trúnað-
arstarfa fyrir ungmennafélags-
hreyfinguna, Framsóknarflokk-
inn og Góðtemplararegluna og var
um árabil, í hugum margra, hold-
tekja þessarar heilögu þrenningar
aldamótakynslóðarinnar. Hann
þreyttist aldrei á að vara unga fólk-
ið við áfengisbölinu, skrifaði fjölda
greina í blöð og tímarit og lét þar
engan bilbug á sér finna þó bjór-
bannið hafi verið afnumið 1989.
Á hinum síðustu og verstu tímum
frjálslyndis og léttúðar þótti ýms-
um Halldór vera gamaldags og
einstrengislegur í sinni afstöðu.
En hann var þrátt fyrir það, sóma-
maður og trúr sinni köllun.