Dagblaðið Vísir - DV - 23.03.2012, Side 4

4 Fréttir 23.–25. mars 2012 Helgarblað
Níðist á öryrkjum á Akureyri
n Lögreglan rannsakar líflátshótanir vegna fíkniefnaskulda
L
ögreglan á Akureyri hefur nú til
rannsóknar mál þekkts brota­
manns þar í bæ sem mun í lang­
an tíma hafa níðst á öryrkjum og
einstaklingum sem minna mega sín,
samkvæmt heimildum DV. Um er að
ræða fjárkúganir, líflátshótanir, hótan­
ir um líkamsmeiðingar og fleira sem
hefur orðið til þess að einstaklingarnir
hafa látið honum mikla peninga í té,
tölvur, sjónvörp og önnur tæki. Rekja
má upphaf hótananna til minniháttar
fíkniefnaskulda sem löngu eru upp­
greiddar. Maðurinn hefur einnig hótað
fjölskyldum þeirra einstaklinga sem
hann hefur níðst á.
Samkvæmt heimildum hafa þeir
einstaklingar sem hann hefur níðst á
meðal annars fengið hótanir í gegnum
smáskilaboð sem auðvelt er að rekja
til hans. Þá hafa þeir einnig millifært
peninga inn á persónulegan reikning
hans í gegnum heimabanka.
Gunnar Jóhannsson, lögreglu­
fulltrúi á Akureyri, staðfestir í samtali
við DV að lögreglan hafi til rannsóknar
mál á hendur ákveðnum einstaklingi
er varðar brot á fíkniefnalöggjöf sem
og hótanir um líkamsmeiðingar.
Umræddur maður er á fertugsaldri
en lögregla hefur þurft að hafa afskipti
af honum síðastliðin 16 til 17 ár.
Hann hefur hlotið fjölda refsidóma
á síðastliðnum árum fyrir brot á
fíkniefnalöggjöf, umferðarlagabrot,
þjófnaði og líkamsmeiðingar.
Samkvæmt heimildum DV er hann
alræmdur á Akureyri og þekktur fyrir
að halda fíkniefnum að ungu fólki og
þeim sem erfitt eiga uppdráttar.
B
jörgólfur Thor Björgólfs­
son, fyrrverandi aðaleigandi
Landsbankans, hefur verið
yfirheyrður sem vitni í rann­
sókn sérstaks saksóknara á
málefnum Landsbankans. Björgólfur
Thor var yfirheyrður í síðustu viku
samkvæmt Ragnhildi Sverrisdóttur,
talskonu Björgólfs Thors. Þetta er í
fyrsta skipti sem embætti sérstaks
saksóknara ræðir við Björgólf Thor
að hennar sögn.
Andri Sveinsson, fyrrverandi
stjórnarmaður í bankaráði Lands­
bankans og náinn aðstoðarmaður
Björgólfs Thors um margra ára skeið,
var sömuleiðis yfirheyrður hjá emb­
ættinu sem vitni. Yfirheyrslan yfir
Andra fór fram um svipað leyti og
yfirheyrslan yfir Björgólfi Thor.
Embætti sérstaks saksóknara hef­
ur rannsakað ýmis mál sem tengj­
ast Landsbankanum. Í janúar í fyrra
var ráðist í mikla rassíu hjá emb­
ætti sérstaks saksóknara vegna mál­
efna bankans. Þá voru fjölmargir
af fyrrverandi yfirmönnum Lands­
bankans yfirheyrðir, meðal annars
bankastjórarnir Sigurjón Árnason og
Halldór J. Kristjánsson. Ekki var rætt
við Björgólf Thor á þessum tíma þar
sem hann gegndi ekki neinni form­
legri stöðu í bankanum, hvorki sem
starfsmaður bankans né sem stjórn­
armaður.
Rætt almennt um
Landsbankann
Ragnhildur segir aðspurð að emb­
ætti sérstaks saksóknara hafi spurt
Björgólf Thor almennt út í málefni
tengd Landsbankanum. „Það var
rætt við hann almennt um málefni
Landsbankans.“ DV hefur því ekki
heimildir fyrir því hvað nákvæmlega
fór fram í yfirheyrslunni.
Margir sem fylgjast vel með rann­
sóknum ákæruvaldsins á banka­
hruninu hafa dregið í efa að Björgólf­
ur Thor fái réttarstöðu sakbornings
vegna þeirra mála sem eru til skoð­
unar hjá embættinu. Ástæðan er sú
að formleg ábyrgð Björgólfs Thors
á málefnum Landsbankans var ekki
nein á yfirborðinu þar sem hann var
ekki forstjóri bankans, prókúruhafi
eða stjórnarmaður í honum.
Þegar íslenska bankahrunið skall
á kom Björgólfur Thor hins vegar
fram á fundum um framtíð banka­
kerfisins sem ráðandi aðili í bankan­
um og virtist ráða meiru en banka­
stjórarnir sjálfir. Björgólfur Thor var
þá staðgengill föður síns, Björgólfs
Guðmundssonar, sem var stjórn­
arformaður Landsbankans en var
staddur erlendis um þetta leyti. Rætt
hefur verið um möguleika þess að
Björgólfur Thor hafi verið svokall­
aður skuggastjórnandi í bankanum,
stýrt honum á bak við tjöldin og sagt
bankastjórunum fyrir verkum. Þetta
hefur hins vegar ekki verið stað­
fest auk þess sem engin ákvæði eru
í lögum um refsiábyrgð slíkra skugg­
astjórnenda.
Rannsaka markaðsmisnotkun
Í tilkynningu sem Ólafur Hauksson,
sérstakur saksóknari, sendi frá sér
vegna rassíunnar í janúar í fyrra sagði
meðal annars að meðal meintra sak­
arefna væru meint brot á auðgunar­
brotakafla hegningarlaga og meint
brot á lögum um verðbréfaviðskipti:
„Til rannsóknar er grunur um meint
brot á auðgunarbrotakafla hegning­
arlaga í tengslum við ráðstafanir á
fjármunum bankans og brot á lög­
um um verðbréfaviðskipti.“ Meðal
þess sem var til skoðunar var meint
markaðsmisnotkun með hlutabréf
í Landsbankanum sjálfum og lán­
veitingar til eignarhaldsfélaga til að
kaupa hlutabréf í bankanum.
Enn sem komið er bendir ekkert
til að þessi rannsókn sérstaks sak­
sóknara beinist að Björgólfi Thor
vegna aðkomu hans að þeim lög­
brotum sem til rannsóknar eru.
n Rætt almennt um mál tengd Landsbankanum n Andri líka vitni saksóknara
Björgólfur yfirheyrður
sem vitni saksóknara
„Það var rætt við
hann almennt um
málefni Landsbankans.
Ingi Freyr Vilhjálmsson
fréttastjóri skrifar ingi@dv.is
Yfirheyrður sem vitni Björgólfur Thor
Björgólfsson, fyrrverandi aðaleigandi
Landsbankans, var yfirheyrður sem vitni
í rannsókn sérstaks saksóknara á mál-
efnum Landsbankans í síðustu viku.
Hótar minni máttar Lögreglan á Akureyri hefur til rannsóknar mál manns sem meðal
annars hefur hótað öryrkjum lífláti.
Fá ekki krónu
til baka
„Mér finnst algjörlega út í hött ef
það verður niðurstaðan í þessu
máli að ríkið þurfi að endurgreiða
þeim vegna samráðs sem þau
sannarlega áttu. Og að sama skapi
finnst mér ekki koma til greina ef
svo færi að Reykjavíkurborg færi
að endurgreiða þær bætur sem við
fengum vegna sannarlegs
samráðs,“ segir Dagur B. Eggerts­
son, formaður borgarráðs, um
niðurstöðu Héraðsdóms Reykja­
víkur í morgun að íslenska ríkinu
beri að greiða þremur olíufélögum
samtals um einn og hálfan
milljarð króna í bætur.
Olíufélögin voru dæmd í desem­
ber 2006 til að greiða Reykjavíkur­
borg 72 milljónir króna í bætur
vegna samráðs þeirra á níunda
áratug síðustu aldar auk vaxta. Sá
dómur var staðfestur í Hæstarétti í
febrúar 2008. Dagur lýsti þeirri
skoðun sinni á Facebook í kvöld
að honum þætti niðurstaðan í dag
fráleit og að olíufélögin myndu
ekki fá „krónu til baka af því sem
þau endurgreiddu borginni. Segi
og skrifa. Basta!“
Í samtali við DV segir borgar­
fulltrúinn að honum þyki að
olíufélögin eigi að sjá sóma sinn í
því að endurgreiða ríkinu miklu
frekar. „Mér finnst þessi seinni
kafli málsins allur með ólíkindum.
Og mér finnst sérkennilegt að sjá
haft eftir talsmanni olíufélags í dag
að réttlætið hefði sigrað. Ég held
að það væri miklu nær, ef við
ætlum að læra af þessu ömurlega
máli – sem ég hélt að allir væru
sammála um – að olíufélögin ættu
að nálgast þetta mál af miklu
meiri auðmýkt og réttlætið er
auðvitað miklu frekar fólgið í því
að þau skili þeim ágóða sem þau
höfðu af ólöglegu samráði aftur til
samfélagsins.
Fólk getur alveg ímyndað sér hvað
það þýðir ef að nú þurfi að fara að
sækja einn og hálfan milljarð í
tóman ríkissjóð til að endurgreiða
olíufélögum vegna samráðs sem
þau sannarlega áttu. Það hljóta
allir að sjá hvað hlutirnir eru þá
komnir á haus.“
Sími 412 2500 - sala@murbudin.is - www.murbudin.is
– Afslátt eða gott verð?
Kletthálsi Reykjav.
Reykjanesbæ
Akureyri
Húsavík
Vestmannaeyjum
Asaki VERKFÆRI
ALB10DAS 10,8V Li-Ion
Bor/skrúfvél 1,4Ah 30Nm
14.890,-
ALM18DD 18V höggborvél
Li-Ion 2,8Ah 38Nm 2 hraðar
41.890,-
AR636 18V Skrúfvél
Ni-Cd 2,0Ah 158Nm
18.890,-
AV224 620W höggborvél
SDS & herðslupatróna
13.900,-
AB693 150W Pússvél
93x185mm
5.890,-
ALM14DF 14,4V Li-Ion
herðsluskrúfvél
2,8Ah 135Nm
36.890,-
ALM18DB 18V Li-Ion
borvél 2,8Ah / 38Nm
39.990,-
ATH: Tvær rafhlöður,
taska og hraðvirkt
hleðslutæki fylgir
hverri hleðsluvél!
***** 5 stjörnu verkfæri