Dagblaðið Vísir - DV - 23.03.2012, Page 10

10 Fréttir 23.–25. mars 2012 Helgarblað
F
jármögnunarfyrirtækið
Lýsing greiddi fyrir nokkrum
dögum um 30 milljarða
króna til þýska stórbankans
Deutsche Bank samkvæmt
heimildum DV. Þýski bankinn er
stærsti kröfuhafi Lýsingar og veltur
framtíð fyrirtækisins á Deutsche
Bank. Fjármögnunarleigan skuldaði
rúmlega 72 milljarða króna í árslok
2010.
Í ársreikningi Lýsingar fyrir
árið 2010 kemur fram að liðlega
30 milljarðar króna af skuldum
félagsins hafi verið á gjalddaga á
árabilinu 2011 til 2016. Skuldsetning
Lýsingar við Deutsche Bank er
tilkomin út af sambankaláni sem
eigandi félagsins, Exista, sem þá var
í eigu Bakkavararbræðranna Lýðs
og Ágústs Guðmundssona, tók hjá
þýska bankanum árið 2007. Exista
endurlánaði Lýsingu hluta af því
sem félagið fékk frá Deutsche Bank.
Unnið að sölu Lýsingar
Í viðtali við Viðskiptablaðið í júlí
2010 kom fram að Lýsing ynni
að því að finna framtíðarlausn á
starfsemi fyrirtækisins í samvinnu
við Deutsche Bank. Þetta sagði
Halldór Jörgensson, þáverandi
forstjóri Lýsingar: „Við vinnum að
lausn á okkar málum í samvinnu
við kröfuhafa félagsins, sem eru
Deutsche Bank að langstærstum
hluta og síðan eigandinn, Exista.“
Meðal þess sem rætt var um við
Halldór í viðtalinu var möguleikinn
á því að Deutsche Bank myndi
breyta hluta af skuldum Lýsingar í
hlutafé í félaginu.
Kaupendur kynna sér félagið
Heimildir DV herma hins vegar að
Deutsche Bank hafi ekki áhuga á
þessu og ætli sér ekki að eiga Lýsingu
til langframa. Samkvæmt heimildum
DV hefur verið unnið að því að selja
Lýsingu. Opnað hefur verið sérstakt
gagnaherbergi (e. data room) í
húsakynnum Lýsingar þar sem
mögulegir áhugasamir kaupendur
geta kynnt sér gögn um starfsemi
félagsins. Yfirleitt er opnað á slíka
upplýsingagjöf fyrir áhugasama
kaupendur þegar selja á fyrirtæki.
Að minnsta kosti tvö íslensk
fjármálafyrirtæki hafa kynnt sér
starfsemi Lýsingar samkvæmt
heimildum DV en ekki liggur
fyrir hvort og þá hver muni
kaupa fjármögnunarfyrirtækið.
Framtíðareignarhald Lýsingar liggur
því ekki fyrir að svo stöddu en ljóst
er að það mun ekki verða óbreytt til
langframa.
Lilja Dóra Halldórsdóttir er
staðgengill forstjóra Lýsingar og
hefur gegnt forstjórastarfinu frá því
Halldór Jörgensson lét af störfum
síðasta sumar. DV gerði ítrekaðar
tilraunir til að ná í Lilju Dóru í
gegnum skiptiborð Lýsingar sem og
með samtali við undirmann hennar
hjá fyrirtækinu. Lilja Dóra hafði hins
vegar ekki samband við blaðið en
erindið, greiðslan til Deutsche Bank
og væntanleg sala á fyrirtækinu, var
tilgreint þegar skilaboð voru skilin
eftir til Lilju.
n Kaupendur skoða Lýsingu n Framtíð Lýsingar í höndum Deutsche Bank
Greiddi 30 milljarða
til deutsche Bank
„Við vinnum að
lausn á okkar mál-
um í samvinnu við kröfu-
hafa félagsins, sem er
Deutsche Bank að lang-
stærstum hluta.
Ingi Freyr Vilhjálmsson
fréttastjóri skrifar ingi@dv.is
Ætla að áfrýja
Samkeppniseftirlitið hefur ákveðið
að áfrýja dómi Héraðsdóms
Reykjavíkur í olíusamráðsmálinu
svokallaða en á fimmtudag féll
dómur sem felldi úr gildi úrskurð
Samkeppniseftirlitsins frá árinu
2003 þess efnis að olíufélögin
hefðu haft ólöglegt verðsamráð.
Samkvæmt niðurstöðu
héraðsdóms er íslenska ríkinu gert
að greiða olíufélögunum einn og
hálfan milljarð í bætur.
Í tilkynningu segir að
Samkeppniseftirlitið líti svo á að
rannsókn á máli olíufélaganna
og málsmeðferðin hafi verið
vönduð og réttinda málsaðila
hafi verið gætt í hvívetna. Af þeim
sökum getur stofnunin ekki fallist
á forsendur héraðsdóms um að
ágallar hafi verið á málsmeðferð
vegna þess að andmælaréttar hafi
ekki verið gætt. 
„Umrædd brot olíufélaganna
eru umfangsmestu samráðsbrot
sem upprætt hafa verið
hér á landi. Stóð skipulögð
brotastarfsemi olíufélaganna
óslitið frá a.m.k. árunum 1993
til ársloka 2001 og er í ákvörðun
samkeppnisráðs gerð grein fyrir
um 500 samráðstilvikum,“ segir í
tilkynningu eftirlitsins.
Niðurstaðan er nú ljós og
olíufélögin fá bætur frá íslenska
ríkinu sem nema alls einum og
hálfum milljarði en vaxtakröfu
olíufélaganna var hafnað. Íslenska
ríkið skal því greiða Keri hf.
495.000.000 krónur, Skeljungi hf.
450.000.000 krónur og Olíuverslun
Íslands hf. 560.000.000 krónur.
Þá fellur málskostnaður niður
í málinu. Einar Benediktsson,
forstjóri Olís, sagði á fimmtudag
að réttlætið hefði sigrað í dag með
niðurstöðu héraðsdóms.
Sýkn af gjafagjörningi
n Þótti ekki sannað að um málamyndasamning væri að ræða
L
augar ehf., rekstarfélag líkams­
ræktarstöðva World Class, var
á fimmtudaginn, í Héraðsdómi
Reykjavíkur, sýknað af kröfu
þrotabús ÞS69 ehf. um að rift yrði
meintum 300 milljóna króna gjafa­
gjörningi. Þá var ÞS69 gert að greiða
Laugum 800 þúsund krónur í máls­
kostnað.
Forsaga málsins var sú að Laugar
ehf., sem hélt utan um fasteignir og tæki
World Class, gerði árið 2007, samning
við Seltjarnarnesbæ um byggingu
íþróttamannvirkis á Suðurströnd 2 til
8. Áætlaður kostnaður við bygginguna
var um 400 milljónir en hækkaði upp
í 715 milljónir á byggingartímanum
vegna stækkunar húsnæðisins,
óðaverðbólgu og gengisfellingar.
Á þeim tíma sá Þrek ehf.,
nú ÞS69, hins vegar um rekstur
líkamsræktarstöðvanna.
Björn Leifsson, einn aðaleigenda
Lauga, sagði við aðalmeðferð málsins
í janúar síðastliðnum að þar sem
Laugar hefðu ekki getað fengið lánað
meira fé út á húsnæðið þá hefði verið
brugðið á það ráð að láta Þrek taka lán
fyrir viðbótarkostnaðnum.
Í kjölfarið hefði verið gerður
samningur á milli þessara tveggja
aðila um að Þrek eignaðist 40 prósenta
hlut í í umræddri fasteign og í staðinn
yrði felld niður 300 milljóna króna
skuld Lauga við Þrek.
ÞS69 hélt því fram að Þrek hefði
frá upphafi átt um 50 prósenta hlut í
fasteigninni. Þannig væri það skráð í
þinglýstum eignaskiptasamningi. Þá
hefði Þrek einnig verið skráð leigutaki
á lóðinni sem byggt var á. Því hlyti að
vera um „örlætisfærslu“ að ræða.
Dómari taldi að ekki hefðu
verið færðar á það sönnur að
kaupsamningurinn hefði verið gerður
til málamynda. „Ekkert liggur því
fyrir að um gjafagerning hafi verið að
ræða...,“ segir í dómnum.
Sýknaður Björn Leifsson, einn
aðaleigenda Lauga, var ekki viðstaddur
dómsuppkvaðningu.
Veita styrki
Mannréttindaráð Reykjavíkur­
borgar hefur auglýst eftir
styrkumsóknum. Markmiðið er
að styðja við hvers kyns sjálf­
sprottið starf, starfsemi frjálsra
félagasamtaka og framtak ein­
staklinga á sviði mannréttinda.
Einnig á að styrkja jafnræði
borgarbúa og fjölbreytilegra
mannlíf. Ráðið úthlutar styrkj­
um tvisvar á ári og er auglýs­
ingin nú fyrir fyrri styrkút­
hlutun ársins 2012. Úthlutun
verður í síðasta lagi þremur
mánuðum eftir að hætt er að
taka á móti umsóknum en
umsóknarfrestur er til og með
2. apríl.
iess
járnsmíði
Dalvegi 24 • 544 4884 • iess@iess.is