Dagblaðið Vísir - DV - 23.03.2012, Síða 22
22 Fréttir 23.–25. mars 2012 Helgarblað
Selur iPad á Facebook
n Grípur til örþrifaráða til að safna pening
R
agna Erlendsdóttir, móðir
Ellu Dísar, hefur nú gripið
til þess ráðs að auglýsa ýmsa
hluti til sölu á Facebook-síðu
sinni til að fjármagna baráttuna
fyrir læknisþjónustu dóttur sinnar.
Ragna skrifar að hún þurfi að selja
þessa hluti en geri það með miklum
trega. Um er að ræða meðal annars
tveggja ára gamla Olympus E-400-
myndvél með stórri linsu og iPad af
gerðinni 1.
Ragna birti færsluna á síðunni
sinni á þriðjudaginn og nokkrir
hafa þegar sýnt tækjunum áhuga.
Hún vill fá sjötíuþúsund krónur
fyrir hvort tveggja.
Margar safnanir hafa farið
fram síðustu ár til styrktar Ellu
Dís og fjölskyldu hennar, en sá
peningur er löngu uppurinn.
Hefur hann meðal annars farið í
að fjármagna tvær kostnaðarsamar
stofnfrumumeðferðir sem Ella Dís
hefur farið í, í Þýskalandi og Ísrael.
Ella Dís er á sjúkrahúsi í London
um þessar mundir en Ragna er hér á
landi. Dómsmál stendur nú yfir þar
ytra um örlög Ellu Dísar, en Ragna
var fyrr á þessu ári svipt forræði yfir
henni að hluta til. Búist er við að
dómur falli innan tíðar en þá kemur
í ljós hvort Ella Dís fær að koma
aftur til Íslands eða Ragna verði
svipt forræðinu varanlega og dóttur
hennar komið fyrir á stofnun.
Ragna fór af landi brott með
dætur sínar þrjár í desember. Þá
var hún búin að fá sig fullsadda
af Íslandi og taldi sig ekki eiga
annarra kosta völ en að fara til
London þar sem Ella Dís fengi
þá læknishjálp sem hún þyrfti.
Barnsfaðir Rögnu fór þó með tvær
dætra þeirra aftur til Íslands í
janúar að henni forspurðri, en þær
höfðu í raun engan fastan samastað
í Bretlandi. Var það meðal þess sem
félagsmálayfirvöld þar ytra gerðu
athugsemdir við þegar þau hófu
afskipti af fjölskyldunni.
Samkvæmt heimildum DV hafa
breskir sérfræðingar greint Ellu Dís
með mjög sjaldgæfan genagalla
sem veldur því að líkami hennar
getur illa unnið úr vítamínum. Mun
hún vera komin í ákveðna meðferð
sem hugsanlega getur orðið til
þess að sjúkdómurinn gangi til
baka að einhverju leyti. Þá hefur
öndunarvél sem hún er bundin
við nú verið tengd beint í gegnum
barkann á henni og getur hún gefið
frá sér hljóð.
Ragna er í fjölmiðlabanni
vegna dómsmálsins ytra og má því
ekki tjá sig um mál dóttur sinnar
opinberlega.
Á
miðvikudag lauk kosningum
í sýndarheimi íslenska tölvu-
leiksins EVE Online þar sem
kjörskráin var fjölmennari
en í almennum kosningum
á Íslandi. 340 þúsund manns voru á
kjörskrá. Kosið var í fulltrúaráð spil-
ara leiksins og var um persónukjör
að ræða. Pétur Jóhannes Óskarsson,
starfsmaður CCP Games, fyrirtæk-
isins á bak við EVE Online, segir að
kosningafyrirkomulagið geti vel virk-
að í almennum kosningum á Íslandi.
Valdablokkir innan
sýndarveruleikans
Ekki er gert ráð fyrir annars kon-
ar kosningafyrirkomulagi en pers-
ónukjöri og því hafa ekki myndast
eiginlegir stjórnmálaflokkar inn-
an sýndar veruleikans. „Formlega
eru slíkir hópar ekki til staðar þegar
kemur að kosningunum – kerfið
gerir bara ráð fyrir einstaklingum í
framboði og það er hvergi minnst
á flokka eða blokkir í sambandi við
kosningarnar,“ segir Pétur Jóhannes
aðspurður hvort slíkir flokkar hafi
myndast. Hann segir hins vegar að
valdablokkir séu innbyggðar í tölvu-
leikinn.
„Það hvernig leikurinn sjálfur er
spilaður byggist að hluta á þessum
valdablokkum, og því er afskaplega
eðlilegt að gera ráð fyrir að ef einhver
úr einhverri valdablokkinni býður sig
fram til fulltrúaráðsins þá kjósi hans
valdablokk hann,“ útskýrir hann og
bætir við að kosningakerfið í leiknum
sé hannað með það í huga að hver og
einn kjósandi hafi frjálst val.
Kerfinu ætlað að vera einfalt
Pétur Jóhannes segir að kerfið hafi
verið byggt upp á sem einfaldastan
máta. Hugmyndir hafa þó komið
fram um að breyta kerfinu og gera það
líkara því sem Íslendingar notuðu
þegar kosið var til stjórnlagaþings.
„Slíkt kerfi hampar í raun flokkum
og blokkum og því er ekki sjálfgefið
að við förum með það lengra,“ segir
hann. Eins og staðan er í dag virkar
kosningakerfið í EVE Online þannig
að sá sem fær flest atkvæði verður
formaður fulltrúaráðsins og svo
raðast einstaklingar inn í ráðið í röð
eftir fjölda atkvæða.
Sú breyting hefur orðið á skipu-
lagi fulltrúaráðsins að ekki er lengur
kveðið sérstaklega á um varamenn.
Áður var það þannig að fulltrúar sem
höfnuðu í tíunda til fjórtánda sæti í
kosningunum urðu varamenn en
fulltrúaráðið í leiknum krafðist þess
ekki að varamenn yrðu kallaðir til og
var því aðalfulltrúum í ráðinu í raun
fjölgað úr níu í fjórtán.
Gæti orðið langur kjörseðill
Pétur Jóhannes segist ekki sjá
neitt sem staðið gæti í vegi fyrir
því að kerfið sem notað er í 340
þúsund manna sýndarsamfélagi
EVE Online gæti gengið upp í
almennum kosningum á Íslandi.
„Hugsanlega eru margir í framboði
eða hugsanlega eru sett einhver
skilyrði til að takmarka fjölda
frambjóðenda á seðlinum á
kjördegi, því 250 frambjóðendur
eru helst til mikið fyrir mig og
hina meðaljónana,“ segir hann
og bendir á að raunverulega væri
hægt að kjósa í gegnum netið líkt
og við skilum skattskýrslum okkar í
gegnum vefinn.
Í síðustu Alþingiskosningum sem
fram fóru árið 2009 voru 227.896
á kjörskrá. Það er um það bil 110
þúsundum færri en voru á kjörskrá
í kosningum til Fulltrúaráðs EVE
Online í kosningunum sem lauk á
miðvikudag. Í framboði voru 882
einstaklingar fyrir sjö mismunandi
framboð en á framboðslistum
stjórnmálaflokka og hreyfinga eru
minnst 126 einstaklingar, tvöfalt
fleiri en sæti á þingi. Í kosningunum
í EVE Online í ár voru um það bil
40 frambjóðendur og rúmlega 59
þúsund greidd atkvæði.
Persónukjör í sýndarheimi
n Góð reynsla af persónukjöri hjá 340 þúsund kjósendum í tölvuleiknum EVE Online
Aðalsteinn Kjartansson
blaðamaður skrifar adalsteinn@dv.is
Fráfarandi fulltrúaráð
Þetta eru þeir sem náðu kjöri í
kosningum til fulltrúaráðsins á
síðasta ári. Mynd CCP GaMes
Í sýndarheimi
Lýðræðislegar kosningar í sýndarheimi EVE
Online hafa gengið vonum framar, að mati
framleiðanda leiksins.
Í fjárhagsvanda
Ragna hefur gripið
til þess ráðs að selja
frá sér muni til að
eiga fyrir læknis-
kostnaði.