Dagblaðið Vísir - DV - 23.03.2012, Síða 36

„Hver dagur öðrum
yndislegri“
36 Brúðkaup 23.–25. mars 2012 Helgarblað
Þ
egar maður veit þá veit mað-
ur,“ segir sundkonan Ragn-
heiður Ragnarsdóttir en hún
ætlar að gifta sig þann 29.
desember. Sá heppni heit-
ir Atli Bjarnason og er að læra við-
skiptafræði. Þau Ragga kynntust í
upphafi árs og þótt þau séu aðeins
búin að þekkjast í þrjá mánuði eru
þau yfir sig ástfangin.
Rómantískt bónorð
Ragnheiður vill lítið segja frá bón-
orðinu nema að það hafi verið afar
rómantískt. „Við vorum búin að
ákveða að gifta okkur en hann bað
samt um hönd mína. Hann kom mér
því á óvart, sem er mjög erfitt, því ég
er alltaf þremur skrefum á undan.
Þetta var bara mjög rómantískt og
skemmtilegt,“ segir hún og bætir við
að athöfnin verði heima hjá foreldr-
um hennar.
„Ég hef ekki áhuga á þessu hefð-
bundna stóra „bubbly“-brúðkaupi.
Ég vil hafa þetta persónulegt og af-
slappað. Við verðum pússuð saman í
veislunni eða það er allavega planið.
Við erum afar róleg yfir þessu og ekki
næstum því búin að skipuleggja allt.
Við förum á fullt í undirbúninginn
eftir sumarið. Fyrst eru það ólympíu-
leikarnir.“
Stefnir á toppinn
Ragga æfir stíft þessa dagana fyrir
ólympíuleikana sem verða haldnir í
London í lok júlí og byrjun ágúst. „Ég
er að æfa öðruvísi en ég geri vanalega
– breyta og bæta til að toppa í sum-
ar. Ég æfi líka mikið ein en mér finnst
það líka gott því ég er orðin frekar
gömul í þessu og kann þetta. Það er
ágætt að fá að einbeita sér ein,“ segir
hún og bætir við að vissulega séu æf-
ingarnar erfiðar.
„Þetta er aldrei auðvelt en samt sem
áður eru æfingarnar öðruvísi en þær
voru þegar ég var yngri. Ég er að æfa
minna í dag en gæði æfinganna eru
mun meiri,“ segir Ragga sem er á leið-
inni á sína þriðju ólympíuleika.
Aðspurð um væntingar segist hún
ætla að gera betur en nokkru sinni
fyrr. „Markmiðið er alltaf að ná sem
lengst. Maður stefnir bara á toppinn,“
segir hún og bætir við að líftíminn í
íþróttinni sé persónubundinn. „Það
verður alltaf ákveðið brottfall í íþrótt-
inni þegar krakkar fara í menntaskóla
en á stórum mótum eru keppendur
allt upp undir þrítugt og jafnvel fer-
tugt. Sú sem fékk silfur á síðustu ól-
ympíuleikum er 45 ára. En ætli flestir
séu ekki á aldrinum 20–30 ára,“ segir
Ragga sem byrjaði ung að æfa sund.
Betri en pabbi
„Ég var bara sex ára, alveg pínulítil.
Eins er dóttir hans Atla farin að æfa
sund en hún er sex ára að verða sjö.
Það er alveg ótrúlega gaman að fara
með henni í sund og sjá árangurinn,“
segir hún en bætir við að Sunna hafi
þegar verið byrjuð í sundi áður en
þau Atli kynntust.
„Hún er samt í KR eins og ég,“ segir
hún brosandi og bætir við að sjálf ætli
hún að leyfa sínum börnum að æfa
sund. „Ég mæli með þessari íþrótt.
Sjálf lærði ég mjög mikið þegar ég
byrjaði að æfa. Í sundi skiptir aginn
miklu máli og svo er þetta svo góð
líkamsrækt auk þess sem félagsskap-
urinn er skemmtilegur. Ég mæli með
þessu fyrir alla – og ekki bara krakka.
Við erum svo heppin hér á landi með
margar og góðar laugar,“ segir hún og
bætir við að pabbi hennar hafi verið
að setja Íslandsmet í garpaflokki um
daginn. „Hann hefur mjög gaman af
því að koma með mér á æfingar en
blótar alltaf því ég syndi miklu hraðar
en hann,“ segir hún hlæjandi.
Flott að vera stælt
Ragga hefur starfað sem fyrirsæta
meðfram sundinu. Hún segir að
þótt margar stelpur óttist að verða of
stæltar vegna mikilla æfinga þá þurfi
virkilega að vinna fyrir stórum vöðv-
um.
„Ég er mjög stór – er með risa axlir
og stóra upphandleggsvöðva og þrí-
höfða – en það er afrakstur 22 ára
vinnu. Margar stelpur hafa áhyggjur
af því að þær verði eins og Johnny
Bravo, en hann er eins og V í laginu,
um leið og þær byrja að lyfta lóðum.
Það er alls ekki þannig. Auðvitað eru
ýmis fyrirsætustörf sem ég get ekki
tekið að mér af því að ég er of stór en
mér finnst flott að vera stælt og ég hef
engan áhuga á að vera eitthvað brjál-
æðislega mjó,“ segir Ragga og bætir
við að hún vilji vera ímynd heilbrigðs
lífernis.
„Ég er stór en ég get líka verið
kvenleg. Þótt ég sé 188 sentimetrar
á hæð þá veit ég ekkert kvenlegra en
að fara í háhælaða skó. Þótt ég verði
hærri en Atli þegar ég er komin í
hælana þá finnst mér það allt í lagi.
Það er engin regla sem segir að karl-
maðurinn verði að vera hærri. Mér
finnst alltaf jafn mikil synd þegar ég
sé hávaxnar konur hoknar í baki ýta
mjöðminni fram í von um að sýnast
lægri. Það er svo flott að vera hávax-
in.“
„Veit hvað ég vil“
Aðspurð um stóra daginn viðurkennir
Ragga að hafa hugsað um brúð-
kaupsdaginn frá barnæsku. „Ég er
náttúrulega stelpa,“ segir hún bros-
andi. „Hins vegar langar okkur báð-
um að gera þetta eftir okkar höfði.
Ég er búin að fara á netið að skoða
kjóla en hef ekki keypt neitt ennþá.
Mig langar að gifta mig í hvítu en það
verður engin lest af efni á eftir mér. Ég
ætla að finna mér einhvern fallegan
kjól sem mér líður vel í,“ segir Ragga
en hún vonar að pabbi hennar verði
svaramaður.
„Athöfnin verður ekki í kirkju
þannig að það verður ekkert kirkju-
gólf fyrir hann til að ganga með mér
inn. Hann er líka búinn að fá að upp-
lifa það með systur minni og verður
því ekkert fúll við mig að gera þetta
öðruvísi.“
Hún segist ekki kvíða undirbún-
ingnum fyrir brúðkaupið. „Ég hef
heyrt um konur sem eru að plana og
skipuleggja í eitt og hálft ár og hafa
bókað prest og blóm löngu fyrr. Mér
dettur það ekki í hug. Ég hef samt
mjög gaman af þessum undirbúningi
og ég hjálpaði systur minni mikið
þegar hún gifti sig árið 2008. Ég veit
því hvað ég vil og hvað ég vil ekki.
Við erum búin að ræða þetta okkar á
milli en það er ekkert staðfest,“ segir
hún en bætir við að hún óttist ekki að
verða annars hugar þegar hún keppir
fyrir Íslands hönd á ólympíuleikun-
um.
„Ólympíuleikarnir hafa verið á
planinu frá síðustu leikum og það
er ekkert sem mun trufla þá. Þá er
sundið það eina sem kemst að,“ segir
hún og bætir við að Atli ætli að fylgj-
ast með henni keppa. „Hann verður
í Bandaríkjunum að læra í sumar en
ætlar að koma og horfa á mig. Svo
eftir leikana fer ég til hans til Kali-
forníu í smá frí og ætli ég skoði ekki
brúðarkjóla og slíkt í leiðinni. Það
verður ekki amalegt að komast í þess-
háttar í Ameríku.“
Flytja til Kína
Ragga segir þau Atla stefna á brúð-
kaupsferð en að lítið sé ákveðið í
þeim málum. „Við erum að fara flytja
út til Kína næsta janúar en Atli er að
fara í skiptinám þar. Ætli við tökum
ekki eina viku í byrjun ársins til að
ferðast,“ segir Ragga.
„Ég er mjög spennt að prófa eitt-
hvað nýtt. Planið hefur verið lengi að
taka mér keppnispásu eftir ólympíu-
leikana svo þetta passar allt saman.
Hver veit nema maður fari bara að
búa til börn sem eru „made in China“.
Það er aldrei að vita hvað maður
gerir,“ segir hún hlæjandi en ítrekar
að hún ætli ekki að hætta í sundinu.
„Ég útiloka ekki að ég byrji aftur að
æfa, svona ef stemning verður fyrir
því. Mér finnst þetta mjög gaman og
það er bara heilbrigt og hollt að æfa
og setja sér markmið. Ég get allavega
ekki sætt mig við að þetta séu lokin.
Pása er mun betra orð. Hvað gerist,
það kemur í ljós.“
Skrifar bók
Ragga ætlar að nota keppnispás-
una til að fara í frekara nám auk þess
sem hún vinnur að því að skrifa bók.
„Ég er að skrifa nokkurs konar mat-
reiðslubók. Þessi bók fjallar um það
sem ég borða, heilsutengd efni og
uppskriftir. Bókin er ekki tilbúin og
þetta er allt í vinnslu,“ segir hún og
bætir við að hún hafi áhuga á því að
skrifa meira og jafnvel læra eitthvað
tengt skrifum.
Sem íþróttakona á heimsmæli-
kvarða þarf hún að huga vel að heils-
unni en hún segist hafa mjög gam-
an af því að dunda sér í eldhúsinu.
„Alla jafna er ég mjög ströng við
sjálfa mig þegar kemur að mataræði
og þegar ég leyfi mér eitthvað er það
ekki heill dagur í óhollustu heldur
bara ein máltíð. Líkami minn er van-
ur þessu holla líferni og ég finn mik-
ið fyrir því þegar ég fæ ekki nægan
svefn eða réttu næringuna og jafnvel
ef ég sleppi lýsi eða borða ekki einn
tómat á hverjum degi. Þess vegna
þarf voðalega lítið af sykri til að mér
líði ekki vel.
Samt finnst mér voðalega gaman
að fá mér eitthvað gott enda verður
maður að vera temmilega kærulaus
af og til. Mér finnst til dæmis bæði
gaman að baka og búa til deserta og
gæti hæglega verið hlekkjuð við eld-
húsið en samt verið hamingjusöm,“
segir hún og bætir við að sér finn-
ist skemmtilegast að útbúa góðan
desert. „Ég elda bæði hollan mat og
óhollan. Ég er ekkert að bjóða gestum
upp á eftirrétti úr spelti og hunangi.
Þá yrði fólki nú bara illa við mig,“ seg-
ir hún hlæjandi.
Rústa honum í sundi
Ragga og Atli stefna á að búa í Pek-
ing. Hún hefur þegar heimsótt borg-
ina enda voru síðustu ólympíuleikar
haldnir þar. Auk þess hefur hún keppt
á Heimsmeistaramóti í Shanghæ.
Hún segist ekki kvíða því að læra kín-
verskuna enda sé hún fljót að læra
tungumál. „Ég tala sex eða sjö tungu-
mál og get þegar bjargað mér á kín-
versku en vonandi læri ég enn meira,“
segir hún og bætir við að á meðan
sumir séu góðir í stærðfræði þá liggi
tungumálin vel fyrir henni. „Ég lærði
til dæmis afrísku á nokkrum mánuð-
um í haust. Þetta gerist bara eðlilega
fyrir mig.“
Hún segir þau Atla fara reglulega
í ræktina saman og að þá verði Club
Fit í Hreyfingu fyrir valinu. „Þetta er
brjálaður keyrslutími með hlaupum
á bretti og lyftingaræfingum á gólfi.
Atli er mikill hlaupari og hljóp mara-
þon í fyrra. Hann rústar mér í þessum
tímum og líka í lyftingunum. Ég rústa
honum hins vegar í sundinu,“ segir
hún brosandi og bætir við að hann
hafi vinninginn þegar kemur að sjó-
manni. „Við erum búin að tékka á því.
Ég er með svo mikið keppnisskap.
Ég myndi ekki vilja keppa við hann
í hlaupi en ég þarf að kenna honum
réttu handtökin í sundinu. Við ætl-
um að keppa í þríþrautinni Ironman
í sumar og þótt ég hafi hlaupið hálft
maraþon þá hef ég mestar áhyggjur
af maraþoninu. Hann er hins vegar
mest stressaður fyrir sundhlutanum
sem er fjórir kílómetrar.“
Loksins orðin fullorðin
Aðspurð segir hún Atla taka athygl-
inni sem samband þeirra fær með
jafnaðargerði. „Hann höndlar þetta
alveg enda yfirvegaður maður. Hann
fær samt alveg að finna fyrir því og
verður oft fyrir gríni en það er allt í
góðu. Við höfum alveg rætt þetta og
eins og er er þetta ekkert sem truflar
– hvorki mig né hann. Ekki á meðan
athyglin er fengin fyrir það sem er já-
kvætt.“
Þrátt fyrir að Ragga hafi ekki
áhuga á hinu hvíta, stóra, glitrandi
brúðkaupi segist hún alltaf hafa ver-
ið staðráðin í að gifta sig áður en
hún eignaðist börn. „Mig hefur alltaf
langað að fara hina hefðbundnu leið
í þeim málum. Nú hef ég fundið hinn
eina rétta og langar til að gera þetta
allt rétt. Ég get ekki beðið eftir því að
verða eiginkonan hans,“ segir hún og
hamingjan skín úr hverju orði.
„Mér finnst ég allt í einu svo full-
orðin. Síðustu árin hefur fátt annað
en sundið komist að. Ég er búin
að búa hjá mömmu og pabba, æfa
sund og keppa í langan tíma. Nú er
ég að skipuleggja fullorðinshluti og
það finnst mér alveg rosalega gam-
an,“ segir hún og bætir við að alvar-
leiki sambandsins hafi ekki komið
fjölskyldu hennar og vinum á óvart.
„Strax og fólkið mitt hitti hann sáu
þau að þetta lá beint við. Það sjá allir
að þetta er svona „meant to be“. Það
fer ekkert á milli mála að við eigum
að vera saman,“ segir hún og bætir
aðspurð við að það sé ótrúlega margt
við Atla sem heilli hana.
„Hvar á ég að byrja? Hann er
rosalega duglegur, jákvæður, klár og
skemmtilegur. Ég get varla lýst því
með orðum. Við erum bara mjög lík
og erum með sömu pælingar í sam-
bandi við framtíðina og lífið. Með
honum er hver dagur öðrum yndis-
legri. Það er bara þannig.“
indiana@dv.is
Sundkonan Ragnheiður Ragnarsdóttir er yfir
sig ástfangin af viðskiptafræðinemanum Atla
Bjarnasyni. Þótt Ragga og Atli hafi aðeins þekkst
í þrjá mánuði ætla þau að ganga í það heilaga í lok
ársins. Ragga er að fara að keppa á sínum þriðju
ólympíuleikum og segir ástina ekki trufla sig í undir-
búningnum. Hún ætlar í keppnishlé eftir leikana en
þau Atli ætla að flytja saman til Kína.
„Hver veit nema
maður fari bara
að búa til börn sem eru
„made in China“.