Dagblaðið Vísir - DV - 11.07.2012, Blaðsíða 8

Tíu milljón króna leiT
Þ
að er fullt af sérfræðingum
og þeir verða bara að fá að
hafa sína skoðun og þannig
er það bara,“ segir Krist­
ján  Þorbjörnsson yfirlögreglu­
þjónn á Blönduósi í samtali við
DV. Hann gefur lítið fyrir það mat
Karls Skírnissonar, dýrafræðings
á Keldum, að ísbjörninn sem leit­
að var fyrir síðustu helgi hafi í
raun verið útselur. Myndir ítalskra
ferðamanna af dýri á svamli í sjón­
um hafa vakið mikla athygli, en
ómögulegt er að greina ísbjörn
á mynd unum. Þegar lögreglan á
Blöndu ósi kallaði Landhelgisgæsl­
una út, byggði hún matið á ljós­
myndum ferðalanganna. Fótspor
sem fundust í sandfjöru á vett­
vangi og voru talin vera eftir ís­
björn, voru eftir kajakræðara, að
því er fram kom í Morgunblaðinu.
Tíu milljónir
Lögreglan á Blönduósi kallaði á
þyrlu Landhelgisgæslunnar mið­
vikudaginn 5. júlí eftir að ítalskur
ferðamaður lagði fram mynd­
ir af dýri sem hann sá í sjónum
við Geitafell á Vatnsnesi. Full­
yrti ferðamaðurinn að um ís­
björn hefði verið að ræða en að
mati dýrafræðingsins er það nær
ómögulegt. Myndir sem hinn
ítalski Roberto Tozzi tók af dýri á
sundi við Vatnsnesið vöktu mikla
athygli í fjölmiðlum en hann stað­
hæfði að þar færi ísbjörn: „En þetta
er ekki selur, heldur hvítabjörn,“
sagði hann í samtali við Stöð 2 á
dögunum.
Leit Landhelgisgæslunnar að
ísbirninum hófst á miðvikudags­
kvöld, stóð allan fimmtudaginn
og hluta úr föstudegi án þess að
nokkur björn fyndist. Hver flugtími
stóru þyrlu Gæslunnar kostar um
700 þúsund krónur og ef við ger­
um ráð fyrir að þyrlan hafi sveim­
að um í fimmtán klukkustundir
má reikna með að kostnaðurinn
við leitina hafi verið í kringum tíu
milljónir króna, hugsanlega meira.
Æfingaflug á dagskrá
Ásgrímur L. Ásgrímsson, fram­
kvæmdastjóri aðgerðarsviðs Land­
helgisgæslunnar, vill hinsvegar
ekki gera mikið úr kostnaði við
slíkar aðgerðir: „Við notum eigin­
lega ekki það orð.“ Þar sem hver
og einn flugmaður þurfi að skila
ákveðið mörgum flugtímum í
mánuði komi það á sama stað nið­
ur hvort slíkir tímar fáist í útköll­
um eins og þegar ísbjarnarins var
leitað eða á æfingum. „Tvö flug af
þessum voru til dæmis á áætlun
sem æfingar,“ segir hann.
DV ræddi við íbúa á Geitafelli á
Vatnsnesi í síðustu viku en sá benti
á að þyrluflugmenn Gæslunnar
hefðu skoðað spor í sandfjöru og
metið það sem svo að það væru
spor eftir ísbjörn. Seinna kom í ljós
að sporin voru eftir kajakræðara.
Ásgrímur segir Gæsluna einfald­
lega hafa sinnt kalli lögreglunn­
ar, eins og vaninn sé, það sé ekki
í verkahring starfsmanna Land­
helgisgæslunnar að meta hvort ís­
björn hafi farið um svæðið eður
ei, heldur lögreglunnar. „Við erum
bara að gefa lögreglunni tæki í
hendurnar til þess að leita,“ segir
hann.
Ljósmyndir voru vísbendingar
Karl Skírnisson, dýrafræðingur á
Keldum, sagði í samtali við mbl.
is á dögunum að hann hefði mikl­
ar efasemdir um að fyrirbærið á
myndunum væri ísbjörn. Sporin í
fjörunni væru dýpst aftast, en ættu
að vera dýpst fremst, og dýrið á
myndinni líti út fyrir að vera útsel­
ur. „Svo er það lýsing ferðamanns­
ins sem segir að dýrið hafi horfið í
sjóinn. Hvítabjörn er spendýr sem
andar og syndir í yfirborðinu. Mað­
urinn hefði átt að sjá hvítabjörninn
synda í burtu en þetta dýr kafaði
og hvarf. Það gerir hvítabjörn bara
ekki,“ sagði hann við mbl.is.
Útselir eru mjög stórir en full­
orðinn  brimill  getur náð yfir
þriggja metra lengd og orðið 300
kíló að þyngd. Þeir eru þannig
mjög ólíkir landselum og því ekki
skrítið að þeim sé ruglað saman
við stærri dýr eins og ísbirni, sér­
staklega þegar einungis sést í höf­
uð þeirra. „Við bara bíðum núna
átekta, hvort það komi einhverjar
vísbendingar,“ segir Kristján  Þor­
björnsson yfirlögregluþjónn á
Blöndu ósi í samtali við DV. Hann
gefur lítið fyrir álit dýrafræðings­
ins á Keldum um að þarna hafi
farið útselur. „Það er fullt af sér­
fræðingum og þeir verða bara að
hafa sitt og þannig er það bara, ég
hef ekkert meira um það að segja.“
Lögreglan hafi byggt mat sitt á vís­
bendingum, ljósmyndum af dýr­
inu og fótsporum í sandi. „Hafi
kvikindið verið þarna þá held ég að
það sé bara komið lengst út á haf,“
segir hann.
Hafi verið um sel að ræða eins
og allt bendir nú til, væri það ekki
í fyrsta skiptið sem ruglast væri á
ísbirni og öðrum dýrum. Þannig
gerði Landhelgisgæslan ítarlega
leit að ísbirni við Bjarnafell á Skaga
sumarið 2008 eftir að vitni sögð­
ust hafa séð einn slíkan. Sá ísbjörn
reyndist vera sauðkind.
Sagður hafa misþyrmt kærustu sinni
n Leikmaður ÍA ákærður fyrir líkamsárásir
L
ögreglustjórinn á Akranesi hef­
ur gefið út líkamsárásarákæru
á hendur Mark Doninger, leik­
manni úrvalsdeildarliðs ÍA í
knatt spyrnu. Er Mark ákærður fyr­
ir tvær grófar líkamsárásir gagnvart
21 árs konu. Er Mark annars vegar
ákærður fyrir að hafa þann 22. maí
2011 ráðist á konu á skemmtistaðn­
um Breiðinni á Akranesi. Konan var
kærasta hans á þessum tíma.
Er hann ákærður fyrir að hafa kýlt
hana hnefahöggi í andlitið þannig að
hún féll niður á billjarðborð sem hún
sat á. Hann mun síðar þetta sama
kvöld hafa gert atlögu að konunni
aftur; hent henni í götuna og rifið í
hár hennar og ýtt henni í götuna. Þá
reif hann í hár hennar og ýtti ítrekað
í götuna aftur þegar hún reyndi að
standa aftur upp, samkvæmt ákæru.
Konan hlaut við það áverka; mar
og bólgu á kjálkabeini, mar og yfir­
borðsáverka á hné auk þess sem hún
tognaði á ökkla.
Einnig er Mark ákærður fyrir að
hafa þann 30. október 2011 ráðist
aftur á konuna, rifið í hár hennar,
hrist hana og hent henni upp í rúm
á heimili hans. Í ákæru segir að Mark
hafi sest ofan á konuna þegar inn
í svefnherbergið var komið, slegið
hana utan undir og tekið um munn
og nef hennar með þeim afleiðing­
um að hún átti erfitt með andardrátt.
Þá segir að hann hafi skallað hana
þannig að enni hans lenti á munni
hennar. Mark er ákærður samkvæmt
217. grein almennra hegningarlaga í
báðum málum.
Mark Doninger er 22 ára Breti og
miðvallarleikmaður hjá ÍA. Þetta er
ekki í fyrsta skiptið sem hann kemst
í kast við lögin hérlendis, en í apr­
íl 2012 var hann dæmdur í skilorðs­
bundið fangelsi fyrir sérstaklega
hættulega líkamsárás þegar hann
kastaði bjórglasi í höfuð annars
manns. Þórður Guðjónsson, fram­
kvæmdastjóri knatt spyrnu félags ÍA,
kvaðst ekki geta tjáð sig um málið
þegar eftir því var leitað. „Við ætlum
ekki að gefa neinar upplýsingar um
þetta að svo stöddu,“ sagði Þórður í
samtali við DV.
astasigrun@dv.is
8 Fréttir 11. júlí 2012 Miðvikudagur
n Hver flugtími Landhelgisgæslunnar kostar mörg hundruð þúsund krónur
Þriggja daga leit Þyrla Land-
helgisgæslunnar leitaði „ísbjarnarins“
í þrjá sólarhringa en ætla má að það
hafi kostað um tíu milljónir króna.
Stór dýr Útselir eru mikil flykki og ekki
erfitt að rugla þeim saman við bjarndýr,
sérstaklega ef það eina sem maður sér er
hausinn úr fjarska.
Jón Bjarki Magnússon
blaðamaður skrifar jonbjarki@dv.is
„Það er fullt af
sérfræðingum
og þeir verða bara að
fá að hafa sína skoðun
og þannig er það bara
Ákærður fyrir
líkamsárásir
Mark Doninger
er lykilmaður í
knattspyrnuliði
ÍA á Akranesi.
Braust inn
í Skipholti
Brotist var inn í tölvufyrirtæki í
Skipholti aðfaranótt þriðjudags.
Að sögn lögreglu liggur ekki fyrir
hverju var stolið en einn einstakl­
ingur hefur verið handtekinn
vegna rannsóknar málsins. Mað­
urinn komst inn með því að brjóta
rúðu. Atvikið átti sér stað rétt fyrir
klukkan þrjú. Þá var einnig brotin
rúða í gullsmíðastofu í Hafnarfirði,
en þar var engu stolið þar sem að
gerandi komst ekki inn. Þetta var
rétt fyrir klukkan tvö aðfaranótt
þriðjudags.
Strandveiðar
leyfðar óvart
Mistök urðu þess valdandi að
strandveiðar á svæði A, sem nær
frá Eyja­ og Miklaholtshreppi til
Súðavíkurhrepps, voru leyfðar á
þriðjudag. Til stóð að svæðinu yrði
lokað á þriðjudag en þar sem
auglýsing um fyrirhugaða lokun
var ekki birt voru strandveiðar
leyfðar.
Þegar fregnir bárust af mistök­
unum um hádegisbilið á þriðju­
dag ruku menn út á sjó. Mögulega
verður einn dagur tekinn af ágúst­
mánuði til þess að bæta upp fyrir
þennan aukadag í júlí, en víst er að
það mun ekki hugnast öllum því
að allmargir eru þegar farnir í frí
og fyrirvarinn um að strandveiðar
væru opnar var mjög stuttur. 
Sinueldur á Snæfellsnesi:
Ómetanleg
aðstoð
„Þyrlan hjálpaði okkur gríðar­
lega og að sjálfsögðu bændur á
svæðinu, sem sáu sér fært að sjá
af tækjum og tólum til okkar,“
segir Bjarni Kristinn Þorsteins­
son, slökkviliðsstjóri í Borgar­
byggð. Mikill sinueldur kviknaði
á svæði við Rauðkollsstaði á
Snæfellsnesi á mánudagskvöld
og naut slökkviliðið liðsinnis
þyrlu Landhelgisgæslunnar við
slökkvistarf.
„Þetta var nú bara eins og
venjulega að eiga við,“ segir
hann og bætir við að slökkviliðið
hafi fengið ómetanlega aðstoð
við slökkvistarfið. TF­LIF, eina
þyrlan sem búin er til slökkvi­
starfa, fór í loftið um tíu­leytið á
mánudagskvöld en slökkvibún­
aður þyrlunnar felst í slökkvi­
fötu sem hengd er neðan í þyrl­
una, henni dýft í vatn eða sjó og
þannig fyllt. Fatan er síðan
tæmd með því að rafknúinn
botn hennar er opnaður og
vatnið gusast út. Hámarks­
burðargeta skjólunnar er um
2.100 lítrar.