Dagblaðið Vísir - DV - 11.07.2012, Blaðsíða 20

A
ð hafa gott sjálfstraust er
ómetanlegt og foreldrar hafa
mikið um það að segja að
börn þeirra fari út í lífið með
gott og heilbrigt sjálfstraust. Hér
eru nokkur dæmi sem Ladyzona
birti sem leið fyrir foreldra til að
auka sjálfstraust barna sinna.

Bros
Brostu til barnsins þíns þegar það
horfir á þig. Bros hlýjar barninu
þínu um hjartarætur, það finnur
fyrir umhyggju og ást. Ef þú set­
ur í brýnnar, ert kuldaleg/ur eða
er reiðileg/ur á svip þegar barnið
horfir í augu þér þá verður það
óöruggt og hefur áhyggjur af því
að það hafi gert eitthvað til að reita
þig til reiði.
Mundu að ávallt þegar ósam­
ræmi er á milli svipbrigða þinna og
þeirra orða sem þú notar þá mun
barnið alltaf taka mark á því hvað
andlitið segir frekar en þeim orð­
um sem þú notar.
Verðu tíma með barninu
Barni líður eins og það sé öruggt
þegar það er með foreldrum sín­
um, svo verðu meiri tíma með
barninu þínu. Vertu vinur þess
og hvettu það til að taka þátt og
vera með í alls kyns tómstundum
og íþróttum. Hlustaðu á barnið
þitt, þá finnur það að þér finn­
ist það vera þess virði að hlusta á.

Auktu getu barnsins
Leyfðu barninu að taka þátt í
heimilisverkum, smáum og ein­
földum verkum sem henta
aldri þess. Gefðu því færi á að
nota sjálfstæði sitt til verksins
og forðastu að koma með nei­
kvæðar athugasemdir um verk­
ið. Þegar barnið hefur leyst verk­
efnið þakkaðu því fyrir og hrósaðu
því sérstaklega fyrir eitthvað sem
það gerði mjög vel. Barnið finn­
ur þar fyrir sínu eigin ágæti og
finnst það geta gert gagn og eykst
þar af leiðandi sjálfstraust þess.
Leiðréttu ranghugmyndir
Börn hafa frjótt ímyndunar­
afl. Þess vegna getur barn rang­
lega tengt neikvæða útkomu við
ákveðnar orsakir sem beinast að
skorti þeirra á getu og hæfileikum.
Eitt gott dæmi um svona er að
í ævintýrum eru stjúpmæður yfir­
leitt vondar en eins og allir vita er
það sem betur fer sjaldnast raunin,
en þetta er eitthvað sem mörg börn
gefa sér út frá því sem þau heyra.
Forðist samanburð
Miðaðu barnið aldrei við ann­
að barn. Spurningar eins og „Af
hverju gerir þú ekki eins og bróðir
þinn?“ eru bara til þess fallnar að
skapa með barninu skammartil­
finningu og afbrýðisemi sem eru
mjög slæmt fyrir sjálfstraustið.
Ekki heldur segja við barnið
þitt að það sé betra en öll hin
börnin. Frekar ætti barnið að fá
hrós fyrir það sem það gerir sjálft
og er jákvætt og hjálpaðu því að
vinna með veikleika sína. Börn
læra af gjörðum og orðum for­
eldranna, svo það er mikilvægt að
þau læri ekki af þeim að tala illa
um fólk, að vera ofurviðkvæm eða
annað slíkt.
Hugur barna er eins og leir, við
getum mótað hann á jákvæðan
hátt með jákvæðum athöfnum.
kidda@dv.is
Kjósa mat frekar en kynlíf
n Súkkulaði eftirsóknarverðara en kynlíf
Þ
riðja hver kona væri tilbú­
in að fórna kynlífi í heilt ár
ef hún yrði að velja á milli
þess og uppáhaldsmatar
síns. Þetta eru niðurstöður nýlegr­
ar könnunar á vegum today.com
og match.com. Könnunin náði til
fjögur þúsund einhleypra einstakl­
inga, en 39 prósent kvenna sögðust
vilja fórna kynlífi fyrir mat á með­
an aðeins 16 prósent karla voru til­
búnir til þess.
Hjá 26 prósentum þeirra kvenna
sem sögðust tilbúnar að fórna kyn­
lífinu fyrir mat var súkkulaði núm­
er eitt á listanum yfir það sem þær
vildu ekki missa úr lífi sínu. Númer
tvö á listanum var svo steik.
Kynlífsfræðingurinn Ian Kerner
sagði í samtali við MSNBC að á
þessu gætu að minnsta kosti ver­
ið tvær skýringar. „Fólk segir ýmsa
hluti, eins og að það myndi taka
peninga, svefn eða mat fram yfir
kynlíf. Ég held að ástæðan sé sú að
fólk taki kynlífi sem of sjálfsögðum
hlut eða þá að það sé ekki að njóta
kynlífs nógu mikið til að geta metið
það að fullu.“
Könnunin leiddi ýmislegt fleira
í ljós. 19 prósent einhleypra sem
tóku þátt í henni sögðust til dæm­
is að öllum líkindum hætta að hitta
manneskju af hinu kyninu ef í ljós
kæmi að hún kynni ekki að elda.
Þá sögðu 66 prósent þátttakenda
það fráhrindandi ef aðilinn sem
þeir væru að hitta væri ekki tilbúin
að prófa framandi rétti.
20 Lífsstíll 11. júlí 2012 Miðvikudagur
Aukið sjálfs-
traust barna
n 5 árangursríkar leiðir til að auka sjálfstraust barna
Aukið sjálfstraust Brostu til barnsins þíns þegar það horfir á þig.
1
2
3
4
5
Vilja súkkulaði Samkvæmt
niðurstöðum könnunarinnar
vilja konur síst missa súkkulaði
úr lífi sínu.
Skyrta sem þú
svitnar ekki í
Útskriftarnemar í Tækniháskólan­
um í Massachusetts segjast vera
komnir með skyrtuna sem allir
sem einhvern tímann svitna undir
höndunum verða að eignast.
Þessi skyrta jafnar líkamshita
fólks og eyðir lykt svo þú átt ekki á
hættu að vera í veislu eða á fundi
og vera allt í einu komin með
svitablett í handarkrikann. Efnið
sem notað er í skyrturnar er sama
blanda og er notuð í geimbúninga
hjá Nasa.
Það hafa um 1.500 manns
styrkt hópinn við þróun þessa
verk efnis og er reiknað með því að
skyrturnar komi á markað seint í
sumar.
Aloe Vera-
ísmolar
Það er hrikalegt að lenda í því að
brenna í sólinni, bæði því að það
er vont og svo er það svo ofboðs­
lega óhollt fyrir húðina. Þess
vegna er mjög mikilvægt að setja á
sig sólarvörn þegar liggja á í sól­
baði og, ef sólbruni á sér stað, að
vera í skugganum þangað til húðin
hefur jafnað sig eða vera í flík sem
hylur svæðið sem brunnið hefur.
Eitt frábært húsráð sem virkar
vel við sólbruna er að frysta Aloe
Vera­gel.
Það er best að gera það með því
að sprauta því í klakabox og eiga
það í frystinum yfir sumar tímann.
Það virkar til að kæla og græða á
sama tíma og dregur úr sviðanum
á rosalega skömmum tíma.
Ferrari
skóbúnaðarins
Hönnuðurinn Michael Toschi seg­
ist hafa fengið innblástur frá níu
ára gamalli dóttur sinni þegar
hann hannaði skóna í Luv­línunni.
Hann hannaði þessa skó fyrir
stúlkur og konur á öllum aldri í
alls kyns litum. Michael segist hafa
viljað hafa þægindi í fyrirrúmi og
margra ára rannsóknir séu að baki
Luv­skónum. Þeir eru mótaðir eft­
ir fótunum og einstaklega léttir.
Margir hafa skrifað um þessa
hönnun Michaels og hafa Luv­
skórnir meira að segja verið kall­
aðir „Ferrari skóbúnaðarins“.