Dagblaðið Vísir - DV - 11.07.2012, Blaðsíða 26

L
augavegurinn hefur
verið lokaður fyrir bíla-
umferð fyrir neðan
Vatnsstíg frá 17. júní
og gildir lokunin fram yfir
Menningarnótt, eða til 20.
ágúst. Lokunin hefur lagst
misvel í verslunareigendur
við Laugaveginn, en sumir
hverjir vilja meina að að-
gengi að verslununum sé lak-
ara ef ekki er hægt að komast
á bílum um götuna, og því
dragi úr viðskiptum. Aðr-
ir verslunareigendur vilja þó
meina að lokunin hafi þver-
öfug áhrif og að salan aukist
frekar með aukinni umferð
gangandi vegfarenda. En
hvað sem því líður þá er ljóst
að gangandi vegfarendur
kunna vel að meta að vera
lausir við bílaumferðina á
Laugaveginum, sérstaklega
á góðviðrisdögum. Þá hefur
Götuleikhúsið slegið í gegn
með ýmsum uppákomum á
Laugaveginum sem falla vel
í kramið hjá vegfarendum.
Ljósmyndari DV náði þess-
um skemmtilegu sumar-
myndum af stemningunni á
lokuðum Laugavegi.
Þ
etta er geðveikt sport.
Miklu betra en golf,“
segir grínistinn Steindi
Jr. um frisbí-golf eða folf
eins og það er jafnan kallað.
Steindi er forfallinn „folfari“
en hann kynntist íþróttinni hjá
„Karlinum“ í Danmörku. Hann
stundar folfið nú af miklum
móð og er einn af stofnendum
Team Liger Woods sem er
rísandi veldi í folf-heimum
að hans sögn. Aðrir meðlimir
eru meðal annars rappararnir
Ágúst Bent, Diddi Fel og 7berg.
Þá er íþróttafréttamaðurinn
Haukur Harðarson einnig
meðlimur en Bjarni töframað-
ur hefur verið tæknilegur ráð-
gjafi liðsins.
„Ég datt inn á þetta þegar
ég fór að heimsækja Karlinn til
Danmerkur,“ segir Steindi og
vísar þar í vin sinn, Ólaf Ingv-
ar, sem jafnan gengur undir
nafninu Karlinn. „Hann kynnti
mig fyrir þessu en ég hafði tak-
markaða trú á þessu til að byrja
með. Svo var þetta alveg geð-
veikt. Það er svo mikill léttleiki
yfir þessu og svo þarftu ekki
vera klæddur eins og hálfviti
eins og í golfi.“
Þegar Steindi kom heim frá
Danmörku vissi hann ekki að
íþróttin hefði náð fótfestu hér
á landi. „Svo var ég við tökur
á þriðju seríu af Steindanum
þegar ég sá þrjá gaura vera
spila á vellinum á Gufunesi í
Grafarvogi. Þeir voru að reyna
ná keðjum í kasti,“ segir Steindi
en það er sambærilegt því að
fara holu í höggi. „Ég spurði þá
hvar væri hægt að fá diska og
þá var einn þeirra að selja þá
sjálfur. Hann heitir Haukur og
er einn besti folfari landsins.
Við köllum hann Hauk „pro“.“
Steindi segir þjónustuna
hjá Hauki vera „skuggalega“.
„Við ákváðum skyndilega um
síðustu helgi að taka liðsæf-
ingu um miðja nótt og vorum
ekki með diskana. Við bjölluð-
um bara í Hauk og hann kom
og seldi okkur diska. Maðurinn
sefur ekki. Hann vakir allan
sólarhringinn. Þvílík þjónusta
við sportið.“
Steindi er sem fyrr segir í
folf-liðinu Team Liger Woods
en hann segir miðlimi hafa
náð geigvænlegum framförum
á skömmum tíma. „Þegar við
vorum að fara fyrsta hringinn
hittum við Bjarna töfram-
ann. Hann er grimmur folfari
og kenndi okkur undirstöðu-
atriðin. Töframaðurinn er góð-
vinur Liger Woods.“
Sjö vellir eru nú komnir
upp víðsvegar um land en
tveir þeirra eru í Reykja-
vík. „Það er níu körfu völlur á
Klambratúni og svo 18 körfu
völlur á Gufunesi. Völlurinn á
Klambratúni er frábær en mér
finnst völlurinn á Gufunesinu
hræðilegur. Hann er svo illa
hirtur að maður týnir diskum
í öðru hverju kasti. Ég skora
því á Reykjavíkurborg að hirða
betur um völlinn.“
Steindi hvetur alla til þess
að prófa sportið. „Það eru
alltaf einhverjir að spila niðri
á Klambratúni sem eru til í að
leiðbeina nýliðum. Annars er
alltaf pláss fyrir gott fólk í Team
Liger en það er skylda að hafa
heilbrigðan áhuga á bjór.“
26 Fólk 11. júlí 2012 Miðvikudagur
Stemning á lokuðum Laugavegi
n Margir spóka sig í bænum í blíðviðrinu
„Góður
þriðjudagur!“
Blaðakonan Björk Eiðsdóttir,
sem nýverið tók við starfi rit-
stýru tímaritsins Séð og
heyrt af Lilju Katrínu
Gunnarsdóttur, átti heldur
betur frábæran dag á þriðju-
daginn. „Í dag skila ég fyrsta
tölublaði mínu sem ritstjóri
og vinn mál gegn íslenska
ríkinu fyrir Mannréttinda-
dómstóli … góður þriðju-
dagur!“ skrifaði Björk á
Facebook-síðu sína og yfir
hundrað og fimmtíu manns
kunnu að meta færsluna. Þá
skildu fjölmargir eftir ham-
ingjuóskir í athugasemda-
kerfinu. Mannréttindadóm-
stóll Evrópu dæmdi íslenska
ríkið til að greiða Björk og
Erlu Hlynsdóttur skaðabæt-
ur vegna dóma Hæstaréttar
yfir þeim. Mannréttinda-
dómstóllinn komst að þeirri
niðurstöðu að fordæmi
Hæstaréttar bryti gegn tján-
ingarfrelsinu.
Þórunn vin-
sæl á Spáni
Lag Þórunnar Antoníu er í
fyrsta sæti á spænskri
tónlistarsíðu samkvæmt Vísi
Segist Þórunn ekki hafa
vitað af þessari síðu, sem
leitar víst uppi lítt þekkta en
efnilega tónlistarmenn.
Þórunn segir jafnframt að
það sé komin mikil
umfjöllun á netinu um nýja
lagið hennar So High af
plötunni Star Crossed sem
kemur út í ágúst. „Þetta er
mjög fyndið. Internetið er
bara svo magnað fyrirbæri.
Ég hef ekki verið að senda
vefsíðum eða blaðamönn-
um neitt um mig,“ segir hún
í samtali við visir.is
Jojo á
vespu
Götulistamaðurinn Jojo ekur
nú um götur Reykjavíkur á
rafknúinni vespu. Vespur
þessar verða sífellt vinsælli en
þær eru meðal annars mjög
vinsælar hjá börnum og
unglingum þar sem ekki þarf
nein sérstök réttindi til þess að
keyra þær. Jojo hefur lengi
verið áberandi í mannlífi
miðborgar Reykjavíkur en
hann hefur leikið tónlist sína
um helgar í Austurstræti um
áraraðir.
Kennsla á Klambratúni
Bjarni töframaður og Haukur „pro“ kenna meðlimum Team Liger Woods, Ágústi
Bent leikstjóra og Hauki Harðarsyni íþróttafréttamanni undirstöðuaðriðin.
ForFallinn „FolFari“
n Frægir í folfi n Steindi skorar á Reykjavíkurborg
Team Liger Woods og Haukur „pro“
Steindi Jr., Ágúst Bent, Diddi Fel, Einar
„njalli“ úr Team Liger Woods ásamti Hauki
„pro“ sem er annar frá hægri.
Sleikja sólina Veitinga- og kaffihúsaeigendur hafa stillt upp borðum og
stólum utandyra svo gestirnir geti sleikt sólina á meðan þeir matast eða fá
sér kaffibolla.
Blíðviðri Höfuðborgin hefur boðið upp á ansi marga sólardaga í sumar og
fjölmargir hafa nýtt sér blíðuna til að spóka sig léttklæddir í bænum.